#Kashmir #Article370 #Panjab ਜੋ Kashmir ਨਾਲ ਅੱਜ ਹੋਇਆ,ਉਹ ਤਾਂ Panjab ਨਾਲ ਪਹਿਲਾਂ ਹੀ ਹੋ ਚੁੱਕਾ ਕੀ ਆਪ ਨੂੰ ਪਤਾ ਹੈ …ਕਸ਼ਮੀਰ ਨਾਲ ਜੋ ਅੱਜ ਹੋਇਆ ਹੈ, ਸਿੱਖਾਂ ਨਾਲ ਬਹੁਤ ਪਹਿਲਾਂ ਹੋ ਚੁੱਕਾ ਹੈ !! ਕੇਂਦਰ ਸਰਕਾਰ ਵਲੋਂ ਕਸ਼ਮੀਰ ਵਿਚ ਖਤਮ ਕੀਤੀ ਧਾਰਾ 370 ਜੋ ਕਸ਼ਮੀਰ ਨੂੰ ਵਿਸ਼ੇਸ਼ ਸੂਬੇ ਦਾ ਰੁਤਬਾ ਦਿੰਦੀ ਸੀ। ਕਸ਼ਮੀਰ ਨੂੰ 3 ਹਿੱਸਿਆਂ ਵਿਚ ਵੰਡਕੇ ਕਸ਼ਮੀਰ ਦੀ ਤਾਕਤ ਨੂੰ ਖਤਮ ਕਰਨ ਤੇ ਓਥੇ ਚਲਦੀ ਆਜ਼ਾਦੀ ਦੀ ਜੰਗ ਨੂੰ ਖਤਮ ਕਰਨ ਦੀ ਕੇਂਦਰ ਦੀ ਇਹ ਚਾਲ ਕਾਮਯਾਬ ਕਿੰਨੀ ਹੁੰਦੀ ਹੈ ਇਹ ਆਉਣ ਵਾਲਾ ਸਮਾਂ ਦਸੇਗਾ ਪਰ ਅਜਿਹਾ ਹੀ ਧੋਖਾ ਪਹਿਲਾਂ ਹੀ ਪੰਜਾਬ ਨਾਲ ਤੇ ਸਿੱਖਾਂ ਨਾਲ ਪਹਿਲਾਂ ਹੀ ਹੋ ਚੁੱਕਾ ਹੈ। ਕੀ ਆਪ ਨੂੰ ਪਤਾ ਹੈ ਕਿ 1947 ਵਿੱਚ ਅੰਗਰੇਜ਼ਾਂ ਦੇ ਛੱਡ ਕੇ ਜਾਣ ਬਾਦ ਪਟਿਆਲਾ ਰਿਆਸਤ ਨੇ ਵੀ ਆਜ਼ਾਦੀ ਦਾ ਐਲਾਨ ਕੀਤਾ ਸੀ? ਕੈਪਟਨ ਅਮਰਿੰਦਰ ਸਿੰਘ ਦੇ ਪਿਤਾ, ਮਹਾਰਾਜਾ ਯਾਦਵਿੰਦਰ ਸਿੰਘ ਨੇ ਇਹ ਕਹਿ ਕੇ ਆਜ਼ਾਦ ਰਹਿਣ ਦਾ ਐਲਾਨ ਕੀਤਾ ਸੀ ਕਿ ਪਟਿਆਲਾ ਇੱਕ ਸਿੱਖ ਰਿਆਸਤ ਹੈ, ਤੇ ਇਸ ਦਾ ਆਪਣਾ ਇੱਤਹਾਸ ਹੈ। ਸਤੰਬਰ 1947 ਵਿੱਚ ਹਿੰਦੁਸਤਾਨ ਦੇ ਉਸ ਵੇਲੇ ਦੇ ਹੋਮ ਮਨਿਸਟਰ ਪਟੇਲ ਨੇ ਮਹਾਰਾਜੇ ਨੂੰ ਕੁੱਝ ਧਮਕਾ ਕੇ ਤੇ ਕੁੱਝ ਲਾਲਚ ਦੇ ਕੇ ਹਿੰਦੂ-ਸਤਾਨ ਵਿੱਚ ਸ਼ਾਮਿਲ ਹੋਣ ਦਾ ਐਲਾਨ ਕਰਵਾਇਆ ਸੀ। ਇਸ ਦੇ ਨਾਲ ਹੀ ਪਟਿਆਲਾ, ਨਾਭਾ, ਤੇ ਬਾਕੀ ਸਿੱਖ ਰਿਆਸਤਾਂ ਦੇ ਇਲਾਕੇ ਨੂੰ ਕੱਠਾ ਕਰ ਕੇ, ਵਿਸ਼ੇਸ਼ ਅਧਿਕਾਰਾਂ ਵਾਲੀ ਰਿਆਸਤ 'ਪੈਪਸੂ' ਬਣਾਈ ਗਈ ਸੀ। ਇਸ ਰਿਅਸਾਤ ਦੇ ਹੈਡ ਨੂੰ, 'ਰਾਜ ਪਰਮੁੱਖ' ਦਾ ਨਾਮ ਦਿੱਤਾ ਗਿਆ ਸੀ, ਜੋ ਮਹਾਰਾਜਾ ਪਟਿਆਲਾ ਨੂੰ ਬਣਾਇਆ ਗਿਆ ਸੀ। ਇਸ ਰਿਆਸਤ ਦੇ ਪਹਿਲੇ ਵਜ਼ੀਰੇ ਆਲਾ ਅਕਾਲੀ ਲੀਡਰ 'ਗਿਆਨ ਸਿੰਘ ਰਾੜੇਵਾਲੇ' ਬਣੇ ਸਨ। ਸ਼ਾਇਦ ਦੋ ਤਿੰਨ ਸਾਲ ਬਾਦ ਹੀ 'ਲਾ ਐਂਡ ਅਰਡਰ' ਕਾਇਮ ਨਾ ਰਹਿਣ ਦਾ ਬਹਾਨਾ ਲਗਾ ਕੇ ਗਿਆਨ ਸਿੰਘ ਰਾੜੇਵਾਲਾ ਦੀ ਮਨਿਸਟਰੀ ਤੋੜ੍ਹ ਦਿੱਤੀ ਗਈ ਸੀ ਤੇ ਹੋਰ ਕੁੱਝ ਵਕਤ ਬਾਦ ਪੈਪਸੂ ਰਿਆਸਤ ਨੂੰ ਵੀ ਭੰਗ ਕਰ ਦਿੱਤਾ ਗਿਆ ਸੀ। ਸਿੱਖਾਂ ਨਾਲ ਇਹ ਬਹੁਤ ਪਹਿਲਾਂ ਹੋ ਗਿਆ ਸੀ, ਜੋ ਅੱਜ ਕਸ਼ਮੀਰ ਨਾਲ ਹੋਇਆ ਹੈ। ਸਿੱਖ ਲੀਡਰਾਂ ਵੱਲੋਂ ਸਹੀ ਵਕਤ ਤੇ ਸਹੀ ਫੈਸਲੇ ਨਾ ਕਰ ਸਕਣ ਦਾ ਖੁਮਿਆਜ਼ਾ ਅੱਜ ਸਾਰੀ ਸਿੱਖ ਕੌਮ ਭੁਗਤ ਰਹੀ ਹੈ। ਹਿੰਦੁਸਤਾਨ ਦੇ ਲੀਡਰ ਇਹ ਫਰੇਬ ਤੇ ਧੋਖੇ ਸ਼ੁਰੂ ਤੋਂ ਹੀ ਕਰਦੇ ਆ ਰਹੇ ਹਨ, ਪਰ ਸਿੱਖ ਲੀਡਰਸ਼ਿੱਪ ਧੋਖੇ ਖਾਣ ਦੇ ਬਾਵਜੂਦ ਵੀ ਉਹਨਾਂ ਦੇ ਫਰੇਬ ਵਿੱਚ ਬਾਰ ਬਾਰ ਫੱਸਦੀ ਰਹੀ ਹੈ। 47 ਤੋਂ ਬਾਦ ਦੇ ਸਿੱਖ ਇੱਤਹਾਸ ਦਾ ਇਹ ਭੁਲਿਆ ਵਿਸਰਿਆ ਚੈਪਟਰ ਹੈ, ਪਰ ਕਸ਼ਮੀਰ ਦੇ ਮਸਲੇ ਕਰਕੇ ਫਿਰ ਯਾਦ ਆ ਰਿਹਾ ਹੈ। ਜਿਵੇਂ ਪੰਜਾਬ ਨਾਲ ਇਸਤੋਂ ਬਾਅਦ ਧੋਖੇ ਤੋਂ ਬਾਅਦ ਧੋਖੇ ਹੁੰਦੇ ਗਏ ਤੇ ਆਜ਼ਾਦੀ ਤੋਂ ਪਹਿਲਾਂ ਕੀਤੇ ਵਾਅਦੇ ਵਫਾ ਨਾ ਹੋਏ,ਓਸੇ ਤਰਾਂ ਹੀ ਕਸ਼ਮੀਰ ਵਿਚ ਵੀ ਹੋਇਆ ਤੇ ਹੁਣ ਇਸ ਧਾਰਾ 370 ਨੂੰ ਹਟਾਕੇ ਓਹੀ ਇਤਿਹਾਸ ਨੂੰ ਫਿਰ ਦੁਹਰਾਇਆ ਜਾ ਰਿਹਾ ਤੇ ਇਹ ਵੀ ਪੱਕੀ ਗੱਲ ਹੈ ਕਿ ਇਹ ਧੋਖੇ ਦੀ ਰਵਾਇਤ ਹਿੰਦੁਸਤਾਨ ਦੀਆਂ ਸਰਕਾਰਾਂ ਵਲੋਂ ਜਾਰੀ ਰਹੇਗੀ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV ** Subscribe and Press Bell Icon also to get Notification on Your Phone **