History Of Gurudwara Rab Da Kutta,New Delhi | Surkhab TV ਵੈਸੇ ਤਾਂ ਪੂਰੀ ਦੁਨੀਆ ਵਿਚ ਬਹੁਤ ਸਾਰੇ ਗੁਰਦਵਾਰੇ ਸਾਹਿਬਾਨ ਹਨ। ਕੁਝ ਇਤਿਹਾਸਕ ਹਨ,ਕੁਝ ਗੈਰ ਇਤਿਹਾਸਕ,ਕੁਝ ਪਿੰਡਾਂ ਦੇ ਗੁਰਦਵਾਰੇ ਹਨ ਤੇ ਕੁਝ ਸਿੱਖਾਂ ਦੀ ਬਦਕਿਸਮਤੀ ਚੋਂ ਜਾਤਾਂ ਦੇ ਨਾਮ ਤੇ ਬਣੇ ਗੁਰਦਵਾਰੇ,ਕੁਝ ਅਖੌਤੀ ਸ਼ਹੀਦਾਂ ਦੇ ਗੁਰਦਵਾਰੇ ਤੇ ਕੁਝ ਜਠੇਰਿਆਂ ਦੇ ਗੁਰਦਵਾਰੇ। ਇਹਨਾਂ ਚੋਂ ਜਾਤਾਂ ਗੋਤਾਂ ਵਾਲੇ ਜਾਂ ਜਠੇਰੇ ਆਦਿ ਵਾਲੇ ਗੁਰਦਵਾਰੇ ਤਾਂ ਲੋਕਾਂ ਦੇ ਨਿੱਜੀ ਹਨ ਜੋ ਵੈਸੇ ਤਾਂ ਪਾਖੰਡ ਦਾ ਰੂਪ ਹੀ ਹਨ ਪਰ ਗੁਰੂ ਗਰੰਥ ਸਾਹਿਬ ਦੀ ਓਟ ਲੈ ਕੇ ਲੋਕਾਂ ਨੂੰ ਬੇਵਕੂਫ ਬਣਾਕੇ ਇਹ ਗੁਰਦਵਾਰੇ ਉਸਾਰੇ ਜਾਂਦੇ ਹਨ,ਪੰਜਾਬ ਵਿਚ ਬਥੇਰੇ ਐਸੇ ਗੁਰਦਵਾਰੇ ਹਨ। ਅੱਜ ਅਸੀਂ ਇੱਕ ਅਜਿਹੇ ਗੁਰਦਵਾਰੇ ਬਾਰੇ ਦੱਸਾਂਗੇ ਜਿਸਦਾ ਨਾਮ ਹੈ "ਗੁਰਦਵਾਰਾ ਰੱਬ ਦਾ ਕੁੱਤਾ"। ਇਹ ਨਾਮ ਜਾਣਕੇ ਤੁਸੀਂ ਹੈਰਾਨ ਹੋਵੋਗੇ ਕਿ ਇਹ ਕਿਹੋ ਜਿਹਾ ਨਾਮ ਹੋਇਆ ਗੁਰਦਵਾਰਾ ਰੱਬ ਦਾ ਕੁੱਤਾ !! ਢੱਕਾ ਧੀਰਪੁਰ, ਦਿੱਲੀ ਵਿਚ ਨਕਲੀ ਨਿਰੰਕਾਰੀਆਂ ਦੇ ਹੈਡ ਕਵਾਰਟਰ ਦੇ ਸਾਹਮਣੇ ਹੈ ਇਹ ਗੁਰਦਵਾਰਾ। ਇਹ ਗੁਰਦੁਆਰਾ ਇਕ ਫੌਜੀ ਭਾਈ ਜੈਮਲ ਸਿੰਘ ਨੇ ਜ਼ਮੀਨ ਲੈ ਕੇ ਬਣਾਇਆ ਸੀ। ਜਦੋਂ ਵੀ ਕਦੇ ਨਕਲੀ ਨਿਰੰਕਾਰੀ ਆਪਣੇ ਡੇਰੇ ਚੋਂ ਆਪਣਾ ਕੂੜ ਪ੍ਰਚਾਰ ਸ਼ੁਰੂ ਕਰਦੇ ਤਾਂ ਇਧਰੋਂ ਭਾਈ ਜੈਮਲ ਸਿੰਘ ਇਸ ਥਾਂ ਤੋਂ ਲਾਊਡ ਸਪੀਕਰ ਲਗਾ ਕੇ ਬੋਲਦਾ ਹੁੰਦਾ ਸੀ, "ਲੋਕੋ ਇਹ ਰੱਬ ਦੇ ਚੋਰ ਹਨ ਅਤੇ ਮੈਂ ਰੱਬ ਦਾ ਕੁੱਤਾ ਹਾਂ।" ਇਸ ਕਰਕੇ ਇਸ ਗੁਰਦੁਆਰਾ ਸਾਹਿਬ ਦਾ ਨਾਮ ਹੀ 'ਰੱਬ ਦਾ ਕੁੱਤਾ' ਰਖ ਦਿੱਤਾ ਗਿਆ। 1978 ਦੇ ਨਿਰੰਕਾਰੀ ਕਾਂਡ ਤੋਂ ਬਾਅਦ ਇਹ ਗੁਰਦੁਆਰਾ ਸਾਹਿਬ ਕੌਮ ਦੇ ਕੰਮ ਆ ਗਿਆ। ਹੁਣ ਇਹ ਗੁਰਦੁਆਰਾ ਦਿੱਲੀ ਗੁਰਦੁਆਰਾ ਪ੍ਰੰਬਧਕ ਕਮੇਟੀ ਦੇ ਪ੍ਬੰਧ ਅਧੀਨ ਹੈ। ਇਸ ਇਤਿਹਾਸਕ ਸਥਾਨ ਦੀ ਸੇਵਾ ਸੰਭਾਲ ਅਤੇ ਸੰਗਤਾਂ ਨੂੰ ਵੱਧ ਤੋਂ ਵੱਧ ਜਾਣਕਾਰੀ ਦੇਣ ਦੀ ਲੋੜ ਹੈ। ਭਾਈ ਜੈਮਲ ਸਿੰਘ ਦੀ ਇਹ ਅਦੁੱਤੀ ਸੇਵਾ ਹੈ। ਕਈਆਂ ਨੇ ਕਹਿਣਾ ਕਿ ਖੁਦ ਨੂੰ ਕੁੱਤਾ ਕਹਾਉਣਾ ਬੜਾ ਸ਼ਰਮਨਾਕ ਹੈ ਪਰ ਇਸ ਬਾਬਤ ਗੁਰਬਾਣੀ ਕੀ ਕਹਿੰਦੀ ਹੈ ਜਰਾ ਕਬੀਰ ਸਾਹਿਬ ਦਾ ਸਬਦ ਪੜੋ- ਕਬੀਰ ਕੂਕਰੁ ਰਾਮ ਕੋ ਮੁਤੀਆ ਮੇਰੋ ਨਾਉ ॥ ਗਲੇ ਹਮਾਰੇ ਜੇਵਰੀ ਜਹ ਖਿੰਚੈ ਤਹ ਜਾਉ ॥੭੪॥ ਕਬੀਰ ਜੀ ਆਖ ਰਹੇ ਹਨ ਕਿ ਮੈਂ ਸਾਹਿਬ ਦੇ ਦਰ ਦਾ ਕੂਕਰ ਹਾਂ ਤੇ ਮੇਰਾ ਨਾਮ ਮੋਤੀ ਪੈ ਗਿਆ ਹੈ।ਸਾਹਿਬ ਨੇ ਮੇਰੇ ਗਲ ਵਿਚ ਪ੍ਰੇਮ ਵਾਲੀ ਜੇਵਰੀ(ਰਸੀ) ਪਾਈ ਹੈ ਓਹ ਜਿਧਰ ਨੂੰ ਖਿਚਦਾ ਹੈ ਮੈ ਓਧਰ ਨੂੰ ਜਾਂਦਾ ਹਾਂ।ਸਮਝਣ ਵਾਲੀ ਗੱਲ ਹੈ ਕਿ ਇੱਕ ਸੱਚੇ ਸਾਹਿਬ ਦੇ ਦਰ ਦਾ ਕੁੱਤਾ ਬਣ ਜਾਣ ਤੇ ਭਟਕਨਾ ਖਤਮ ਹੋ ਜਾਂਦੀ ਹੈ। ਜੀਵਨ ਦੀਆਂ ਲੋੜਾਂ ਕਰਕੇ ਦਰ ਦਰ ਤੇ ਧੱਕੇ ਨਹੀ ਖਾਣੇ ਪੈਂਦੇ। ਸਾਹਿਬ ਜੋ ਮਾਲਿਕ ਹੈ ਹਰ ਲੋੜ ਖੁਦ ਹੀ ਪੂਰੀ ਕਰ ਦਿੰਦਾ ਹੈ ਭਾਵੇ ਓਹ ਸੰਸਾਰ ਤਲ ਤੇ ਹੋਵੇ ਜਾਂ ਅਧਿਆਤਮਿਕ ਤਲ। ਬਸ ਸ਼ਰਤ ਇਹ ਹੈ ਕਿ ਸਾਹਿਬ ਦੇ ਹੁਕਮ ਵਿਚ ਚੱਲਣਾ ਪਵੇਗਾ।ਹੁਕਮ ਦੀ ਡੋਰ ਨਾਲ ਬੱਝੇ ਰਹਿਣਾ ਹੀ ਸਾਹਿਬ ਦੇ ਮਨ ਭਉਂਦਾ ਹੈ। ਅਸਲ ਚ ਰੱਬ ਦੇ ਕੁੱਤੇ ਬਣਨਾ ਬੜਾ ਔਖਾ....ਆਪਣਾ ਆਪ ਖਤਮ ਕਰਨਾ ਪੈਂਦਾ (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/LKEZ2aLAFgr8KgdVHX2lvO ** Subscribe and Press Bell Icon also to get Notification on Your Phone **