ਦੇਖੋ ਗਾਇਕਾਂ ਦਾ ਬੇਅਦਬੀ ਕਰਨ ਦਾ ਨਵਾਂ ਤਰੀਕਾ !! Singga | Photo ਅਸੀ ਅਕਸਰ ਦੇਖਿਆ ਹੈ ਕਲਾਕਾਰ ਗਾਇਕ ਆਪਣੇ ਗੀਤਾਂ ਜਾਂ ਫਿਲਮਾਂ ਚ ਅਕਸਰ ਗਲਤੀਆਂ ਕਰਦੇ ਹਨ ਪਰ ਕਈ ਗਲਤੀਆਂ ਇਸ ਤਰ੍ਹਾਂ ਦੀਆਂ ਹੁੰਦੀਆਂ ਹਨ ਜੋ ਪੂਰੇ ਸਮਾਜ ਨੂੰ ਠੇਸ ਪਹੁੰਚਾਉਣ ਵਾਲੀਆਂ ਹੁੰਦੀਆਂ ਹਨ। ਪੰਜਾਬੀ ਗਾਇਕ ਸਿੰਗਾ ਵਲੋਂ ਇਕ ਗੀਤ ਸ਼ੂਟ ਕੀਤਾ ਗਿਆ ਹੈ ਜਿਸ ਬਾਰੇ ਸਿੱਖ ਜਗਤ ਵਿਚ ਰੋਸ ਹੈ। ਇਸ ਗੀਤ ਦੇ ਵੀਡੀਓ ਵਿਚ ਅਪਾਹਜ ਕੁੜੀ ਨੂੰ ਆਨੰਦ ਕਾਰਜ ਵੇਲੇ ਮੁੰਡੇ ਨੇ ਖੁਦ ਚੁੱਕਿਆ ਹੋਇਆ ਹੈ ਜਦੋ ਕਿ ਗੁਰੂ ਗਰੰਥ ਸਾਹਿਬ ਦੀ ਹਜੂਰੀ ਵਿਚ ਅਜਿਹਾ ਨਹੀਂ ਹੋਣਾ ਚਾਹੀਦਾ। ਜੇਕਰ ਕੁੜੀ ਅਪਾਹਜ ਹੋਵੇ ਤਾਂ ਉਸਦੇ ਲਈ ਵੀਲਚੇਅਰ ਵਰਤੀ ਜਾ ਸਕਦੀ ਹੈ ਜਾਂ ਫਿਰ ਕੁੜੀ ਦੇ ਪਰਿਵਾਰ ਚੋਂ ਪਿਓ-ਚਾਚਾ,ਭਰਾ-ਮਾਮਾ ਆਦਿ ਕੋਈ ਸਕਾ ਰਿਸ਼ਤੇਦਾਰ ਕੁੜੀ ਨੂੰ ਲਾਵਾਂ ਵੇਲੇ ਚੁੱਕ ਸਕਦਾ ਹੈ ਪਰ ਲਾੜੇ ਨੂੰ ਇਸਦੀ ਇਜਾਜ਼ਤ ਨਹੀਂ ਹੁੰਦੀ। ਇਸਦੇ ਨਾਲ ਵੱਡੀ ਗੱਲ ਇਹ ਵੀ ਹੈ ਕਿ ਅਜਿਹੀਆਂ ਸ਼ੂਟਿੰਗ ਵੇਲੇ ਆਨੰਦ ਕਾਰਜ ਦਾ ਸੈੱਟ ਤਿਆਰ ਕੀਤਾ ਜਾਂਦਾ ਹੈ। ਉਸ ਜਗਾਹ ਅਸਲ ਵਿਚ ਗੁਰੂ ਗਰੰਥ ਸਾਹਿਬ ਦਾ ਸਰੂਪ ਨਹੀਂ ਹੁੰਦਾ। ਇਸ ਤਰਾਂ ਇਹ ਝੂਠੀਆਂ ਲਾਵਾਂ ਕੀਤੀਆਂ ਅਤੇ ਦਿਖਾਈਆਂ ਜਾਂਦੀਆਂ ਹਨ ਜੋ ਕਿ ਗੁਰਮਤਿ ਦੀ ਘੋਰ ਬੇਅਦਬੀ ਹੈ। ਇਹ ਗਾਇਕ ਕਲਾਕਾਰ ਲੋਕਾਂ ਨੂੰ ਇਸ ਤਰਾਂ ਦੇ ਸੀਨ ਦਿਖਾਕੇ ਇਮੋਸ਼ਨਲ ਤਾਂ ਕਰ ਸਕਦੇ ਹਨ ਪਰ ਇਸ ਤਰਾਂ ਮਰਿਆਦਾ ਨੂੰ ਛਿੱਕੇ ਟੰਗ ਕੇ ਸਿੱਖ ਸਿਧਾਂਤਾਂ ਦਾ ਘਾਣ ਕਰਕੇ ਲੋਕਾਂ ਦੀ ਨਿਗਾਹ ਵਿਚ ਚੰਗਾ ਨਹੀਂ ਬਣਿਆ ਜਾ ਸਕਦਾ। ਸਿੱਖ ਜਗਤ ਵਲੋਂ ਇਸਦਾ ਵਿਰੋਧ ਜਾਰੀ ਹੈ ਤੇ ਗਾਇਕ ਸਿੰਗੇ ਨੂੰ ਮੁਆਫੀ ਮੰਗਣ ਨੂੰ ਕਿਹਾ ਜਾ ਰਿਹਾ ਹੈ। ਨਾਲ ਹੀ ਇਹ ਵੀ ਮੰਗ ਕੀਤੀ ਜਾ ਰਹੀ ਹੈ ਕਿ ਸਬੰਧਿਤ ਗਾਇਕ ਆਪਣੇ ਇਸ ਗੀਤ ਚੋਂ ਇਸ ਸੀਨ ਨੂੰ ਵੀ ਕੱਟੇ। ਇਹਨਾਂ ਕਲਾਕਾਰਾਂ ਵੱਲੋਂ ਗੀਤਾਂ 'ਚ ਗੁਰੂ ਮਹਾਰਾਜ ਦੇ ਝੂਠੀਆਂ ਲਾਵਾਂ ਵਾਲੇ ਦ੍ਰਿਸ਼ ਦਿਖਾਉਣ ਤੋਂ ਹੀ ਰੋਕਣਾ ਪਵੇਗਾ। ਭਾਵੇਂ ਗੁਰੂ ਗਰੰਥ ਸਾਹਿਬ ਮਹਾਰਾਜ ਓਥੇ ਸੱਚਮੁੱਚ ਨਹੀਂ ਹਨ ਪਰ ਫਿਲਮਾਇਆ ਤਾਂ ਇਹੀ ਗਿਆ ਹੈ। ਅਕਾਲ ਤਖਤ ਸਾਹਿਬ ਜੀ ਅਤੇ SGPC ਨੂੰ ਇਸ ਸਬੰਧੀ ਸਖਤ ਨੋਟਿਸ ਲੈਣਾ ਚਾਹੀਦਾ ਹੈ। ਤੁਹਾਡੇ ਇਸ ਬਾਰੇ ਕੀ ਵਿਚਾਰ ਹਨ,ਕੀ ਇਸ ਤਰਾਂ ਦੇ ਸੀਨ ਫਿਲਮਾਉਣੇ ਸਹੀ ਹਨ ?? ਕੀ ਗੁਰੂ ਗਰੰਥ ਸਾਹਿਬ ਜੀ ਦੇ ਨਕਲੀ ਸੈਟ ਬਣਾਕੇ ਲਾਵਾਂ ਕਰਨੀਆਂ ਸਹੀ ਹੈ ?? ਗੁਰਮਤਿ ਦੀ ਕਸੌਟੀ ਅਨੁਸਾਰ ਆਪਣੇ ਵਿਚਾਰ ਦੀਓ ਜੀ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV ** Subscribe and Press Bell Icon also to get Notification on Your Phone **