Mika Singh ਤੇ Film Industry ਨੇ ਲਾਇਆ Ban | ਮਾਮਲਾ ਪਾਕਿਸਤਾਨ ਵਿਚ Showਕਰਨ ਦਾ #MikaSinghBanned #Bollywood #Pakistan ਬਾਲੀਵੁੱਡ ਗਾਇਕ ਮੀਕਾ ਸਿੰਘ ਪਾਕਿਸਤਾਨ ਵਿਚ ਪਰਫਾਰਮਸ ਕਰਕੇ ਬੁਰਾ ਫਸ ਗਿਆ ਹੈ। ਪਾਕਿਸਤਾਨ ਵਿਚ ਪ੍ਰੋਗਰਾਮ ਕਰਨ ਪਿੱਛੋਂ ਆਲ ਇੰਡੀਆ ਸਿਨੇ ਵਰਕਰ ਐਸੋਸੀਏਸ਼ਨ (AICWA) ਨੇ ਮੀਕਾ ਸਿੰਘ 'ਤੇ ਬੈਨ ਲਾ ਦਿੱਤਾ ਹੈ।ਦੱਸ ਦਈਏ ਕਿ ਮੀਕਾ ਨੇ ਪਿਛਲੇ ਦਿਨੀਂ ਪਾਕਿਸਤਾਨ ਦੇ ਕਰਾਚੀ ਵਿਚ ਪਰਫਾਰਮ ਕੀਤਾ ਸੀ, ਜਿਸ ਤੋਂ ਬਾਅਦ ਵੱਡਾ ਵਿਵਾਦ ਖੜ੍ਹਾ ਹੋ ਗਿਆ। ਸੋਸ਼ਲ ਮੀਡੀਆ 'ਤੇ ਉਸ ਨੂੰ ਭਾਰੀ ਵਿਰੋਧ ਤੇ ਟਰੋਲਿੰਗ ਦਾ ਸਾਹਮਣਾ ਕਰਨਾ ਪਿਆ। ਹੁਣ AICWA ਨੇ ਮੀਕਾ ਖ਼ਿਲਾਫ਼ ਸਖ਼ਤ ਕਦਮ ਚੁੱਕਿਆ ਹੈ। AICWA ਨੇ ਇਸ ਪ੍ਰਦਰਸ਼ਨ ਕਾਰਨ ਮੀਕਾ ਸਿੰਘ 'ਤੇ ਬੈਨ ਲਾ ਦਿੱਤਾ ਹੈ। ਐਸੋਸੀਏਸ਼ਨ ਵੱਲੋਂ ਜਾਰੀ ਇਕ ਬਿਆਨ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਜੇ ਕੋਈ ਇਸ ਬੈਨ ਦੇ ਵਿਰੁੱਧ ਜਾਂਦਾ ਹੈ ਤੇ ਮੀਕਾ ਨਾਲ ਕੰਮ ਕਰਦਾ ਹੈ ਤਾਂ ਉਸ ‘ਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਦੱਸ ਦਈਏ ਕਿ ਮੀਕਾ ਸਿੰਘ ਨੇ 8 ਅਗਸਤ ਦੀ ਰਾਤ ਨੂੰ ਕਰਾਚੀ ਦੇ ਇਕ ਬੰਗਲੇ ਵਿੱਚ ਪਰਫਾਰਮ ਕੀਤਾ ਸੀ। ਸਿਨੇਮਾ ਇੰਡਸਟਰੀ ਸ਼ਾਇਦ ਆਪਣਾ ਆਪ ਹੀ ਭੁੱਲ ਗਈ ਹੈ। ਇਹ ਉਹੀ ਸਿਨੇਮਾ ਇੰਡਸਟਰੀ ਹੈ ਜਿੰਨ੍ਹੇ ਬਦਲਦੇ ਭਾਰਤ ਦੇ ਹਰ ਰੰਗ ਨੂੰ ਆਪਣੇ ਸਿਨੇਮਾ ਰਾਹੀਂ ਕਹਿਣ ਦੀ ਕੌਸ਼ਿਸ਼ ਕੀਤੀ ਹੈ। ਭਾਰਤ 'ਚ 47 ਤੋਂ ਬਾਅਦ ਜਦੋਂ ਨਹਿਰੂ ਨਜ਼ਰੀਏ ਦਾ ਭਾਰਤ ਆਪਣੇ ਸੁਪਨਿਆਂ ਤੋਂ ਖੁੰਝਿਆ ਤਾਂ ਰਾਜ ਕਪੂਰ,ਸਾਹਿਰ ਲੁਧਿਆਣਵੀ,ਖੱਯਾਮ ਨੇ ਫਿਲਮ ਫਿਰ ਸੁਬਹਾ ਹੋਗੀ 'ਚ 'ਚੀਨ-ਓ-ਅਰਬ ਹਮਾਰਾ' ਗੀਤ ਰਚਿਆ। ਇਸ ਗੀਤ ਰਾਹੀਂ ਭਾਰਤ ਦੀ ਢਾਵਾਂਡੋਲ ਹਾਲਤ ਨੂੰ ਬਿਆਨ ਕੀਤਾ ਅਤੇ ਉਸ ਦੌਰ ਦੀਆਂ ਸਰਕਾਰਾਂ ਨੇ ਇਸ ਗੀਤ ਨੂੰ ਬੈਨ ਕਰ ਦਿੱਤਾ ਸੀ। ਜਦੋਂ ਭਾਰਤ 'ਚ ਬੇਰੁਜ਼ਗਾਰੀ ਵਧੀ ਤਾਂ ਐਂਗਰੀ ਯੰਗ ਮੈਨ ਉੱਭਰਕੇ ਆਇਆ। ਓਮ ਪੁਰੀ ਅਤੇ ਅਮਿਤਾਬ ਬੱਚਣ ਆਪਣੇ ਕਿਰਦਾਰਾਂ ਤੋਂ ਭਾਰਤ 'ਚ ਬੇਰੁਜ਼ਗਾਰ ਨੌਜਵਾਨ ਦਾ ਗੁੱਸਾ ਬਣਕੇ ਪਰਦੇ 'ਤੇ ਪੇਸ਼ ਹੋਏ। ਮੁੰਬਈ ਮਾਫੀਆ ਤੋਂ ਲੈਕੇ,ਖੇਤਰੀ ਸਿਆਸਤ,ਦਲਿਤ ਮੁੱਦੇ ਹਰ ਕਹਾਣੀ ਨੂੰ ਸਿਨੇਮਾ ਨੇ ਕਿਹਾ ਅਤੇ ਸਰਕਾਰਾਂ ਦੀਆਂ ਨਰਾਜ਼ਗੀਆਂ ਲਈਆਂ। ਸਿਨੇਮਾ ਦੇ ਇਸ ਖੇਤਰ 'ਚ ਸ਼ਿਵ ਸੈਨਾ ਨੇ ਗ਼ੁਲਾਮ ਅਲੀ ਦਾ ਸ਼ੋਅ ਮੁੰਬਈ 'ਚ ਰੋਕਿਆ ਤਾਂ ਇੰਡਸਟਰੀ ਨੇ ਇੱਕ ਸੁਰ 'ਚ ਇਹਦੇ ਵਿਰੋਧ 'ਚ ਆਵਾਜ਼ ਚੁੱਕੀ ਸੀ। ਹੁਣ ਦੇ ਅਜਬ ਮਾਹੌਲ 'ਚ ਪਾਕਿਸਤਾਨੀ ਕਲਾਕਾਰਾਂ ਖਿਲਾਫ ਨਫਰਤ ਫੈਲਾਉਣ ਵਾਲੇ ਅਨੁਪਮ ਖੇਰ,ਅਭਿਜੀਤ ਭੱਟਾਚਾਰੀਆ,ਬਾਬੁਲ ਸੁਪ੍ਰੀਓ ਭਾਜਪਾ ਦੇ ਆਗੂ ਵੀ ਹਨ ਅਤੇ ਨਿਰੰਤਰ ਮੋਦੀ ਨਜ਼ਰੀਆ ਹੀ ਸਿਨੇਮਾ ਦੀ ਟਾਈਮਲਾਈਨ ਬਣਦਾ ਜਾ ਰਿਹਾ ਹੈ। ਇਸੇ ਲੜੀ 'ਚ ਨਾਨਾਵਟੀ ਵਰਗੇ ਮਸ਼ਹੂਰ ਕੇਸ 'ਚ ਇੱਕ ਮੁਜ਼ਰਮ ਨੂੰ ਵੀ ਦੇਸ਼ ਭਗਤ ਬਣਾਕੇ ਅਕਸ਼ੇ ਕੁਮਾਰ ਦੀ ਫਿਲਮ 'ਰੁਸਤਮ' 'ਚ ਪੇਸ਼ ਕੀਤਾ ਜਾਂਦਾ ਹੈ। ਊਰੀ,ਪੈਡਮੈਨ,ਟੋਇਲੈੱਟਇਕ ਪ੍ਰੇਮ ਕਥਾ ,ਮਿਸ਼ਨ ਮੰਗਲ,ਪਰਮਾਣੂ ਜਿਹੀਆਂ ਫ਼ਿਲਮਾਂ ਆ ਰਹੀਆਂ ਹਨ। ਕਸ਼ਮੀਰ 'ਚ ਚਰਚਿਤ ਮੇਜਰ ਗਗੋਈ ਜਿਸਨੇ ਕਸ਼ਮੀਰੀ ਮੁੰਡੇ ਨੂੰ ਜੀਪ ਅੱਗੇ ਬੰਨ੍ਹਕੇ ਗੱਡੀ ਚਲਾਈ ਸੀ ਦਾ ਦ੍ਰਿਸ਼ ਫ਼ਿਲਮ 'ਬਾਗੀ' ਦੀ ਸ਼ਾਨ ਬਣਦਾ ਹੈ ਕਿਉਂਕਿ ਨਿਰਦੇਸ਼ਕ ਜਾਣਦਾ ਹੈ ਕਿ ਇਸ ਦੌਰ 'ਚ ਲੋਕ ਇਹੋ ਵੇਖਣਾ ਚਾਹੁੰਦੇ ਹਨ। ਬੇਸ਼ੱਕ ਮੇਜਰ ਗਗੋਈ ਇੱਕ ਹੋਟਲ 'ਚ ਏਤਰਾਜ਼ਯੋਗ ਢੰਗ ਨਾਲ ਫੜ੍ਹੇ ਜਾਣ ਤੋਂ ਬਾਅਦ ਕਾਨੂੰਨੀ ਕਾਰਵਾਈ ਵਿੱਚੋਂ ਵੀ ਗੁਜ਼ਰਿਆ ਹੈ। ਮੀਕਾ ਸਿੰਘ ਨੂੰ ਲੈਕੇ ਅਜਿਹਾ ਹੰਗਾਮਾ ਵੀ ਇਸੇ ਰਾਸ਼ਟਰਵਾਦੀ ਸਨਕ ਦਾ ਹਿੱਸਾ ਹੈ। ਮੀਕਾ ਸਿੰਘ ਇੱਕ ਸਿੱਖ ਹੋਣ ਨਾਤੇ ਨਨਕਾਣਾ ਸਾਹਿਬ ਮੱਥਾ ਵੀ ਟੇਕਦਾ ਹੈ। ਇੰਝ ਉਹਦਾ ਜਾਣਾ ਹੱਕ ਵੀ ਹੈ ਅਤੇ ਉਹਦਾ ਫਰਜ਼ ਵੀ ਹੈ। ਕਰਾਚੀ ਅੰਦਰ ਉਹਨੇ ਆਪਣੇ ਸ਼ੋਅ ਦੌਰਾਨ ਗਾਉਣ ਵੇਲੇ ਕਿਸੇ ਤਰ੍ਹਾਂ ਵੀ ਭਾਰਤ ਖਿਲਾਫ ਕੋਈ ਕਾਰਗੁਜ਼ਾਰੀ ਨਹੀਂ ਕੀਤੀ। ਬਾਕੀ ਕਲਾਕਾਰਾਂ ਦੀ ਕੋਈ ਜਾਤ ਨਹੀਂ ਹੁੰਦੀ। ਕੀ ਰਾਸ਼ਟਰਵਾਦ ਦੇ ਨਾਮ 'ਤੇ ਰਾਸ਼ਟਰਵਾਦੀ ਉਹ ਸਪੇਸ ਨੂੰ ਮਾਰ ਤਾਂ ਨਹੀਂ ਰਹੇ ਜਿੱਥੇ ਸਾਂਝੇ ਬੰਦਿਆਂ ਦੇ ਸਿਰ 'ਤੇ ਅਮਨ ਅਤੇ ਸ਼ਾਂਤੀ ਦੀ ਉਮੀਦ ਸਦਾ ਬਰਕਰਾਰ ਰਹਿੰਦੀ ਹੈ ? ਬਾਕੀ ਇਸੇ ਸ਼੍ਰੇਣੀ ਵਿਚ ਪੰਜਾਬ ਦੇ ਕਲਾਕਾਰ ਵੀ ਆਉਂਦੇ ਹਨ ਜੋ ਅਕਸਰ ਧਾਰਮਿਕ ਦਿਹਾੜਿਆਂ ਤੇ ਧਾਰਮਿਕ ਗਾਣੇ ਕੱਢਕੇ ਖੁਦ ਨੂੰ ਦੁਧੜੋਤੇ ਸਾਬਿਤ ਕਰਨ ਦਾ ਖੇਖਨ ਕਰਦੇ ਪਰ ਜਦੋਂ ਗੱਲ ਪੰਜਾਬ ਦੇ ਹੱਕਾਂ ਦੀ ਆਉਂਦੀ ਹੈ ਤਾਂ ਫਿਰ ਉਹਨਾਂ ਦੀ ਬੋਲੀ ਵਿਚ 'ਰਾਸ਼ਟਰੀ ਭਾਵਨਾ' ਤੇ 'ਕਲਾਕਾਰ ਦਾ ਕੋਈ ਧਰਮ ਨਹੀਂ ਹੁੰਦਾ' ਵਾਲੀ ਫੀਲਿੰਗ ਆ ਜਾਂਦੀ ਹੈ ਤੇ ਇਹ ਬਹੁਤੇ ਕਲਾਕਾਰ ਖੁਦ ਨਾਲੋਂ ਪੰਜਾਬ ਤੇ ਪੰਜਾਬ ਦੇ ਹੱਕਾਂ ਦੀ ਗੱਲ ਕਰਨ ਤੋਂ ਇਨਕਾਰੀ ਹੋ ਜਾਂਦੇ ਹਨ। ਹੁਣ ਦੂਜੇ ਪਾਸੇ ਮੀਕਾ ਸਿੰਘ ਵਰਗੇ ਇਸ ਕਰਕੇ ਬੈਨ ਕੀਤੇ ਜਾਂਦੇ ਹਨ ਕਿਉਂਕਿ ਉਹ ਨਨਕਾਣਾ ਸਾਹਿਬ ਵੀ ਜਾਂਦੇ ਹਨ ਤੇ ਕਦੇ ਕਦੇ ਸਿੱਖੀ ਭਾਵਨਾ ਵੀ ਪ੍ਰਗਟ ਕਰਦੇ ਹਨ। ਜੇ ਇਹ ਵੀ ਮੰਨ ਲਈਏ ਕਿ ਮੀਕਾ ਸਿੰਘ ਵੀ ਦੁੱਧ ਧੋਤਾ ਨਹੀਂ ਪਰ ਅਖੌਤੀ ਰਾਸ਼ਟਰਵਾਦ ਦਾ ਸ਼ਿਕਾਰ ਹੋਣ ਕਰਕੇ ਉਸਤੇ ਬੈਨ ਲਗਾਉਣਾ ਪੰਜਾਬੀ ਕਲਾਕਾਰਾਂ ਦੇ ਕਹਿਣ ਵਾਂਗੂ 'ਕਲਾਕਾਰ ਦਾ ਧਰਮ ਨਹੀਂ ਹੁੰਦਾ' ਦੀ ਆਪ ਵਿਰੋਧੀ ਗੱਲ ਹੈ। ਹੁਣ ਦੇਖੋ ਅੱਗੇ ਕੀ ਬਣਦਾ.... (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV Follow On instagram - https://www.instagram.com/surkhabtv/ ** Subscribe and Press Bell Icon also to get Notification on Your Phone **