ਕਰਤਾਰਪੁਰ ਲਾਂਘਾਂ ਬਣਨਾ ਹੀ ਨਹੀਂ ਚਾਹੀਦਾ | BJP ਲੀਡਰ ਦਾ ਵਿਵਾਦਿਤ ਬਿਆਨ ਵੱਡੇ ਸਿੱਖ ਹਿਤੂ ਹੋਣ ਦਾ ਦਾਅਵਾ ਕਰਨ ਵਾਲੇ ਸੀਨੀਅਰ ਭਾਜਪਾ ਨੇਤਾ ਸੁਬਰਾਨੀਅਮ ਸਵਾਮੀ ਨੇ ਬਿਆਨ ਦਿੱਤਾ ਹੈ ਕਿ ‘ਕਰਤਾਰਪੁਰ ਲਾਂਘਾ ਬਨਣਾ ਹੀ ਨਹੀਂ ਚਾਹੀਦਾ ਅਤੇ ਕੰਮ ਇੱਥੇ ਹੀ ਰੋਕ ਦੇਣਾ ਚਾਹੀਦਾ ਹੈ‘। ਸਵਾਮੀ ਦੇ ਇਸ ਬਿਆਨ ਨੇ ਇਕ ਨਵਾਂ ਵਿਵਾਦ ਛੇੜ ਦਿੱਤਾ ਹੈ। ਸਵਾਮੀ ਸ਼ਾਇਦ ਆਪਣੀ ਗੱਲ ਕਹਿਣ ਲਈ ਉਤਾਵਲੇ ਹੀ ਬੈਠੇ ਸਨ। ਇਕ ਪੱਤਰਕਾਰ ਵੱਲੋਂ ਇਹ ਪੁੱਛੇ ਜਾਣ ’ਤੇ ਕਿ ਕੀ ਭਾਰਤ ਅਤੇ ਪਾਕਿਸਤਾਨ ਵਿਚ ਖ਼ਰਾਬ ਚੱਲ ਰਹੇ ਸੰਬੰਧਾਂ ਦਾ ਕੋਈ ਅਸਰ ਕਰਤਾਰਪੁਰ ਲਾਂਘੇ ’ਤੇ ਹੋ ਸਕਦਾ ਹੈ, ਤਾਂ ਸਵਾਮੀ ਨੇ ਇਕਦਮ ਕਿਹਾ ਕਿ ਕਰਤਾਰਪੁਰ ਲਾਂਘਾ ਤਾਂ ਬਨਣਾ ਹੀ ਨਹੀਂ ਚਾਹੀਦਾ। ਉਹਨਾਂ ਕਿਹਾ ਕਿ ਅਜੇ ਇਸ ਦੀ ਕੋਈ ਜ਼ਰੂਰਤ ਨਹੀਂ ਹੈ ਅਤੇ ਜਦ ਸਮਾਂ ਆਵੇਗਾ ਤਾਂ ਅਸੀਂ ਆਪੇ ਹੀ ਇਹ ਲਾਂਘਾ ਬਣਾ ਲਵਾਂਗੇ। ਭਾਜਪਾ ਨੇਤਾ ਨੇ ਕਿਹਾ ਕਿ ਮੇਰੀ ਰਾਇ ਹੈ ਕਿ ਜਿੰਨਾ ਕੰਮ ਹੋ ਗਿਆ ਸੋ ਹੋ ਗਿਆ ਅਤੇ ਇਸ ਕੰਮ ਨੂੰ ਅੱਗੇ ਨਹੀਂ ਵਧਾਇਆ ਜਾਣਾ ਚਾਹੀਦਾ, ਇੱਥੇ ਹੀ ਰੋਕ ਦੇਣਾ ਚਾਹੀਦਾ ਹੈ। ਇਹ ਕਹੇ ਜਾਣ ’ਤੇ ਕਿ ਲਾਂਘੇ ਦਾ ਕਾਫ਼ੀ ਕੰਮ ਹੁਣ ਹੋ ਚੁੱਕਾ ਹੈ, ਸਵਾਮੀ ਨੇ ਕਿਹਾ ਕਿ ਮੈਂ ਇਹ ਨਹੀਂ ਕਹਿ ਰਿਹਾ ਕਿ ਜੋ ਕੁਝ ਬਣ ਗਿਆ ਹੈ, ਉਹ ਤੋੜੋ, ਮੇਰੀ ਰਾਇ ਹੈ ਕਿ ਕੰਮ ਅੱਗੇ ਨਾ ਵਧਾਇਆ ਜਾਵੇ। ਇਹ ਕਹੇ ਜਾਣ ’ਤੇ ਕਿ ਇਸ ਮਾਮਲੇ ਨਾਲ ਸਿੱਖਾਂ ਦੀਆਂ ਭਾਵਨਾਵਾਂ ਜੁੜੀਆਂ ਹੋਈਆਂ ਹਨ, ਸਵਾਮੀ ਨੇ ਕਿਹਾ ਕਿ ਸਿੱਖਾਂ ਨੂੰ ਸਮਝਾਣਾ ਪਵੇਗਾ। ਉਹਨਾਂ ਕਿਹਾ ਕਿ ਮੈਂ ਸਿੱਖਾਂ ਨੂੰ ਜਾਣਦਾ ਹਾਂ, ਸਿੱਖ ਰਾਸ਼ਟਰਵਾਦੀ ਹਨ। ਉਹਨਾਂ ਸਿੱਖਾਂ ਦੇ ਨੇੜੂ ਅਤੇ ਹਿਤੂ ਹੋਣ ਦਾ ਦਾਅਵਾ ਕਰਦਿਆਂ ਕਿਹਾ ਕਿ ਜਦ ‘ਅਪ੍ਰੇਸ਼ਨ ਬਲੂਸਟਾਰ’ ਹੋਇਆ ਸੀ ਤਾਂ ਕੇਵਲ ਮੈਂ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਸ੍ਰੀ ਚੰਦਰਸ਼ੇਖ਼ਰ, ਹੀ ਸਨ ਜੋ ਸਿੱਖਾਂ ਦੇ ਨਾਲ ਖੜ੍ਹੇ ਹੋਏ ਸਾਂ। ਉਹਨਾਂ ਕਿਹਾ ਕਿ ਮੈਂ ਸਮਝਦਾ ਹਾਂ ਕਿ ਇਸ ਗੱਲ ਨੂੂੰ ਖ਼ਾਲਿਸਤਾਨੀ ਤਾਂ ਨਹੀਂ ਮੰਨਣਗੇ ਪਰ ਨਾਲ ਹੀ ਉਨ੍ਹਾਂ ਆਖ਼ਿਆ ਕਿ ਮੈਦਾਨ ਵਿਚ ਕੋਈ ਵੀ ਸਿੱਖ ਖ਼ਾਲਿਸਤਾਨ ਨਹੀਂ ਚਾਹੁੰਦਾ। ਉਨ੍ਹਾਂ ਕਿਹਾ ਕਿ ਜੋ ਵੀ ਸਰਦਾਰ ਖ਼ਾਲਿਸਤਾਨ ਬੋਲੇਗਾ, ਉਸਦਾ ਦਿਮਾਗ਼ ਹੀ ਖ਼ਾਲੀ ਹੈ। ਭਾਜਪਾ ਆਗੂ ਨੇ ਕਿਹਾ ਕਿ ਅਜੇ ਪਾਕਿਸਤਾਨ ਨਾਲ ਕਿਸੇ ਵੀ ਮੁੱਦੇ ’ਤੇ ਕੋਈ ਗੱਲ ਨਹੀਂ ਹੋਣੀ ਚਾਹੀਦੀ ਅਤੇ ਪਾਕਿਸਤਾਨ ਨਾਲ ਕਿਸੇ ਵੀ ਤਰ੍ਹਾਂ ਜੁੜਕੇ ਕੋਈ ਕੰਮ ਨਹੀਂ ਕਰਨਾ ਚਾਹੀਦਾ। ਦੱਸ ਦਈਏ ਕਿ ਇਹ ਓਹੀ ਸਵਾਮੀ ਹੈ ਜੋ ਸੰਤ ਭਿੰਡਰਾਂਵਾਲਿਆਂ ਨੂੰ 'ਅਸਲੀ ਸੰਤ' ਮੰਨਦਾ ਹੈ ਪਰ ਕਰਤਾਰਪੁਰ ਬਾਰੇ ਸਵਾਮੀ ਦਾ ਇਹ ਬਿਆਨ ਸਿੱਖ ਸੰਗਤ ਨੂੰ ਪਸੰਦ ਆਇਆ ਜਾਂ ਨਹੀਂ ਇਹ ਤਾਂ ਸੰਗਤ ਹੀ ਦੱਸੇਗੀ ! (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV Follow On instagram - https://www.instagram.com/surkhabtv/ ** Subscribe and Press Bell Icon also to get Notification on Your Phone **