"ਸ਼ੁਕਰ ਹੈ,ਸ਼ੁਕਰ ਹੈ" | ਸਾਡੇ ਮੱਥੇ ਤੋਂ 'ਕੁੜੀਮਾਰ' ਦਾ ਕਲੰਕ ਲੱਥਾ | Girl Child ਲੜਕਿਆਂ ਦੇ ਮੁਕਾਬਲੇ ਲੜਕੀਆਂ ਦੀ ਘੱਟ ਰਹੀ ਗਿਣਤੀ ਜਿਥੇ ਪਿਛਲੇ ਤਿੰਨ ਦਹਾਕਿਆਂ ਤੋਂ ਇਕ ਵੱਡੀ ਚਿੰਤਾ ਬਣੀ ਹੋਈ ਹੈ, ਪੰਜਾਬ ਦੇ ਮੱਥੇ ਤੇ 'ਕੁੜੀ-ਮਾਰ' ਦਾ ਜੋ ਕਲੰਕ ਲੱਗਾ ਹੋਇਆ ਸੀ ਉਹ ਹੁਣ ਮਿਟਦਾ ਜਾ ਰਿਹਾ ਹੈ। ਇਸ ਮਾਮਲੇ ਤੇ ਪੰਜਾਬ ਦੇ ਲੋਕਾਂ ਦੀ ਬਦਲੀ ਸੋਚ ਨੇ ਚੰਗੀ ਖਬਰ ਦਿੱਤੀ ਹੈ ਤੇ ਪੰਜਾਬ ਵਿਚ ਮੁੰਡਿਆਂ ਦੇ ਮੁਕਾਬਲੇ ਕੁੜੀਆਂ ਦੀ ਜਨਮ ਦਰ ਵਿਚ ਵਾਧਾ ਹੋਇਆ ਹੈ। ਇਸਤੋਂ ਇਲਾਵਾ ਮੁੱਖ ਮੰਤਰੀ ਕੈ. ਅਮਰਿੰਦਰ ਸਿੰਘ ਦੇ ਜ਼ਿਲੇ ਨੇ ਕਮਾਲ ਕਰਦੇ ਹੋਏ ਪੰਜਾਬ 'ਚ ਲੜਕਿਆਂ ਦੇ ਮੁਕਾਬਲੇ ਲੜਕੀਆਂ ਦੀ ਪੈਦਾਇਸ਼ 'ਚ ਪਹਿਲਾ ਸਥਾਨ ਪ੍ਰਾਪਤ ਕਰ ਲਿਆ ਹੈ। ਇਸ ਸਾਲ ਨਵੰਬਰ ਮਹੀਨੇ ਦੇ ਤਾਜ਼ਾ ਅੰਕੜਿਆਂ 'ਚ ਨਾ ਸਿਰਫ ਪਟਿਆਲਾ ਨੰਬਰ 1 'ਤੇ ਪਹੁੰਚ ਗਿਆ ਸਗੋਂ 1000 ਲੜਕਿਆਂ ਦੇ ਮੁਕਾਬਲੇ ਪਟਿਆਲਾ ਜ਼ਿਲੇ 'ਚ 1018 ਲੜਕੀਆਂ ਦਾ ਜਨਮ ਹੋਇਆ ਜੋ ਕਿ ਇਕ ਰਿਕਾਰਡ ਹੈ। ਇਕ ਦਹਾਕਾ ਪਹਿਲਾਂ ਉਹ ਸਮਾਂ ਵੀ ਕਿਸੇ ਨੂੰ ਨਹੀਂ ਭੁੱਲਿਆ ਜਦੋਂ ਲੜਕਿਆਂ ਦੇ ਮੁਕਾਬਲੇ ਲੜਕੀਆਂ ਦੀ ਗਿਣਤੀ 750 ਦੇ ਲਗਭਗ ਰਹਿ ਗਈ ਸੀ। ਸਰਕਾਰ ਵੀ ਇਸ ਮਾਮਲੇ 'ਚ ਸਰਗਰਮ ਹੋਈ। 'ਬੇਟੀ ਬਚਾਓ, ਬੇਟੀ ਪੜ੍ਹਾਓ' ਵਰਗੀਆਂ ਮੁਹਿੰਮਾਂ ਚਲਾਈਆਂ। ਅੱਜ ਇਸ ਨੂੰ ਜਾਗਰੂਕਤਾ ਮੁਹਿੰਮਾਂ ਦਾ ਅਸਰ ਕਹੀਏ ਜਾਂ ਫਿਰ ਲੋਕਾਂ ਦੇ ਲੜਕੀਆਂ ਪ੍ਰਤੀ ਬਦਲਿਆ ਨਜ਼ਰੀਆ ਪਰ ਇਹ ਹਕੀਕਤ ਹੈ ਕਿ ਨਵੰਬਰ ਮਹੀਨੇ ਵਿਚ ਪਟਿਆਲਾ 'ਚ 1000 ਲੜਕਿਆਂ ਦੇ ਮੁਕਾਬਲੇ 1018 ਲੜਕੀਆਂ ਨੇ ਜਨਮ ਲਿਆ। ਇਸੇ ਤਰ੍ਹਾਂ ਅਕਤੂਬਰ ਵਿਚ 1000 ਲੜਕਿਆਂ ਦੇ ਮੁਕਾਬਲੇ ਪਟਿਆਲਾ ਜ਼ਿਲੇ ਵਿਚ 1005 ਲੜਕੀਆਂ ਨੇ ਜਨਮ ਲਿਆ ਜੋ ਕਿ ਇਕ ਵਧੀਆ ਸੰਕੇਤ ਹੈ। ਦਸੰਬਰ ਮਹੀਨੇ ਦੀ ਔਸਤ ਆਉਣੀ ਅਜੇ ਬਾਕੀ ਹੈ। ਲਗਾਤਾਰ ਅੰਕੜਿਆਂ ਵਿਚ ਹੋ ਰਹੇ ਸੁਧਾਰ ਕਾਫੀ ਰਾਹਤ ਦੀ ਗੱਲ ਕਹੀ ਜਾ ਸਕਦੀ ਹੈ। ਇਸ ਮੁਹਿੰਮ ਨੂੰ ਲੈ ਕੇ ਭਾਵੇਂ ਅਕਾਲੀ-ਭਾਜਪਾ ਸਰਕਾਰ ਸੀ ਜਾਂ ਫਿਰ ਕਾਂਗਰਸ,ਕਿਹਾ ਜਾ ਸਕਦਾ ਹੈ ਕਿ ਦੋਵਾਂ ਵੱਲੋਂ ਅਹਿਮ ਯੋਗਦਾਨ ਪਾਇਆ ਗਿਆ। ਲਗਾਤਾਰ ਇਸ ਮਾਮਲੇ 'ਚ ਹੋਈ ਜਾਗਰੂਕਤਾ ਅਤੇ ਪਿਛਲੇ 2 ਦਹਾਕਿਆਂ 'ਚ ਲੜਕੀਆਂ ਵੱਲੋਂ ਹਰ ਫੀਲਡ 'ਚ ਕੀਤੇ ਗਏ ਸ਼ਾਨਦਾਰ ਪ੍ਰਦਰਸ਼ਨ ਕਾਰਣ ਲੋਕਾਂ ਦਾ ਨਜ਼ਰੀਆ ਬਦਲਿਆ। ਹੁਣ ਇਹ ਦਾਅਵੇ ਨਾਲ ਕਿਹਾ ਜਾ ਸਕਦਾ ਹੈ ਕਿ ਪਹਿਲਾਂ ਦੇ ਮੁਕਾਬਲੇ ਕਾਫੀ ਹੱਦ ਤੱਕ ਹੁਣ ਲੋਕ ਲੜਕੇ ਅਤੇ ਲੜਕੀ 'ਚ ਫਰਕ ਨਹੀਂ ਸਮਝ ਰਹੇ। ਪਿਛਲੇ ਸਾਲ ਅਕਤੂਬਰ ਮਹੀਨੇ ਵਿਚ 1000 ਲੜਕੀਆਂ ਪਿੱਛੇ 930 ਲੜਕੀਆਂ ਸਨ। ਇਸ ਸਾਲ 1000 ਲੜਕਿਆਂ ਪਿੱਛੇ 1005 ਲੜਕੀਆਂ ਪੈਦਾ ਹੋਈਆਂ ਹਨ। ਇਸੇ ਤਰ੍ਹਾਂ ਨਵੰਬਰ ਮਹੀਨੇ ਵਿਚ ਪਿਛਲੇ ਸਾਲ 1000 ਲੜਕਿਆਂ ਪਿੱਛੇ 902 ਲੜਕੀਆਂ ਪੈਦਾ ਹੋਈਆਂ ਸਨ ਜਦੋਂ ਕਿ ਇਸ ਸਾਲ ਨਵੰਬਰ ਵਿਚ 1000 ਲੜਕਿਆਂ ਪਿੱਛੇ 1018 ਲੜਕੀਆਂ ਪੈਦਾ ਹੋਈਆਂ ਹਨ। ਇਹ ਲਿੰਗ ਅਨੁਪਾਤ ਦੀ ਇਕ ਵਧੀਆ ਉਦਾਹਰਣ ਕਹੀ ਜਾ ਸਕਦੀ ਹੈ ਕਿ ਪਟਿਆਲਾ ਜ਼ਿਲੇ ਵਿਚ ਲਿੰਗ ਅਨੁਪਾਤ ਵਿਚ ਵੱਡਾ ਸੁਧਾਰ ਹੋਇਆ ਹੈ। ਗੁਰੂ ਨਾਨਕ ਪਾਤਸ਼ਾਹ ਜੀ ਦੇ ਫੁਰਮਾਨ "ਸੋ ਕਿਉਂ ਮੰਦਾ ਆਖੀਐ ਜਿਤੁ ਜੰਮਹਿ ਰਾਜਾਨ" ਨੂੰ ਪੰਜਾਬ ਦੇ ਲੋਕਾਂ ਨੇ ਸਮਝ ਲਿਆ ਹੈ ਇਹ ਵੀ ਕਿਹਾ ਜਾ ਸਕਦਾ ਹੈ ਕਿ ਪਿਛਲੀ ਪੀੜੀ ਵਿਚ ਅੰਧਵਿਸ਼ਵਾਸ ਜਾਂ ਪੁਰਾਣੀ ਸੋਚ ਕਰਕੇ ਪੰਜਾਬ ਦੇ ਮੱਥੇ ਤੇ ਅਜਿਹੇ ਕਲੰਕ ਲੱਗੇ ਸਨ ਜੋ ਹੁਣ ਹੌਲੀ ਹੌਲੀ ਧੋਤੇ ਜਾ ਰਹੇ ਹਨ। ਪਿਛਲੇ ਸਾਲ ਦੀਆਂ ਹੀ ਖਬਰਾਂ ਸਨ ਜਦੋਂ ਅਖਬਾਰਾਂ ਨੇ ਇਹ ਖਬਰਾਂ ਲਾਈਆਂ ਸਨ ਕਿ ਪੰਜਾਬ ਦੇ ਮੱਥੇ ਤੇ ਕੁੜੀਮਾਰ ਦਾ ਕਲੰਕ ਪੱਕਾ ਹੋ ਚੁੱਕਾ ਹੈ ਪਰ ਹੁਣ ਪੰਜਾਬ ਦੇ ਲੋਕਾਂ ਵਲੋਂ ਇਸ ਮਿੱਥ ਨੂੰ ਨਵੀਂ ਸੋਚ ਨਾਲ ਬਦਲਿਆ ਜਾ ਰਿਹਾ ਜੋ ਕਿ ਚੰਗੀ ਗੱਲ ਹੈ। ਸੋ ਸਾਨੂੰ ਆਪਣੀ ਸੋਚ ਬਦਲਣੀ ਪਵੇਗੀ। ਇਹ ਜੋ ਅੰਕੜੇ ਸਾਹਮਣੇ ਆ ਰਹੇ ਹਨ, ਇਹ ਲੋਕਾਂ ਦੀ ਬਦਲੀ ਹੋਈ ਸੋਚ ਦੀ ਸਭ ਤੋਂ ਵੱਡੀ ਉਦਾਹਰਣ ਹੈ। ਜਿਓਂਦੇ ਰਹੋ ਪੰਜਾਬੀਓ...ਰੁੱਖ ਤੇ ਕੁੱਖ ਬਚਾ ਕੇ ਰੱਖੋ (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/FxITKAyTyeC17VcaJsVidF ** Subscribe and Press Bell Icon also to get Notification on Your Phone **