ਕੋਈ ਨਹੀਂ ਜਾਣਦਾ ਕਿ ਕੌਣ ਹਨ ਇਹ ਸਿੰਘ ?? Before-Now Photo ਜੂਨ 1984 ਦਾ ਘੱਲੂਘਾਰਾ ਹਫਤਾ ਚਲ ਰਿਹਾ ਹੈ। ਇਸ ਹਫਤੇ 35 ਸਾਲ ਪਹਿਲਾਂ ਸਿੱਖ ਇਤਿਹਾਸ ਦਾ ਤੀਜਾ ਘੱਲੂਘਾਰਾ ਵਾਪਰਿਆ ਸੀ ਜਦੋਂ ਸ੍ਰੀ ਦਰਬਾਰ ਸਾਹਿਬ ਤੇ ਭਾਰਤੀ ਫੌਜ ਨੇ ਹਮਲਾ ਕੀਤਾ ਸੀ। ਇਸ ਹਮਲੇ ਸਬੰਧੀ ਇੱਕ ਖੂਨ ਨਾਲ ਲਥਪਥ ਜ਼ਖਮੀ ਸਿੰਘ ਦੀ ਤੁਸੀਂ ਸਭ ਨੇ ਫੋਟੋ ਦੇਖੀ ਹੋਣੀ ਹੈ। 1 ਜੂਨ 1984 ਨੂੰ ਤਕਰੀਬਨ ਦੁਪਹਿਰ 12 ਵਜੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਪਿਛਲੇ ਪਾਸੇ ਕੰਪਲੈਕਸ ਤੋਂ ਬਾਹਰ ਸਿਮਕੋ ਵਾਲੀ ਇਮਾਰਤ ਦੀ ਸਿਖਰਲੀ ਮੰਜ਼ਿਲ 'ਤੇ ਸਿੰਘਾਂ ਦਾ ਮੋਰਚਾ ਸੀ। ਮੋਰਚੇ 'ਚ ਹਾਜ਼ਰ ਭਾਈ ਸਰਬਜੀਤ ਸਿੰਘ ਮਾਹਣੇ ਮੱਲੀਆਂ ਜਿਲਾ ਤਰਨ ਤਾਰਨ ਭਾਰਤੀ ਫੋਰਸਾਂ ਦੀ ਗੋਲੀਬਾਰੀ ਵਿੱਚ ਗੰਭੀਰ ਜਖ਼ਮੀ ਹੋਏ। ਉਹਨਾਂ ਦੀ ਜਖ਼ਮੀ ਹੋਈ ਬਾਂਹ ਨੂੰ ਸਾਥੀ ਸਿੰਘ ਸ. ਕੁਲਬੀਰ ਸਿੰਘ ਗੰਡੀਵਿੰਡ ਨੇ ਆਪਣੀ ਦਸਤਾਰ ਨਾਲ ਬੰਨਿਆ ਅਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਲੈ ਆਏ। ਇਹ ਫੋਟੋ ਵਾਲੇ ਸਿੰਘ ਓਹੀ ਭਾਈ ਸਰਬਜੀਤ ਸਿੰਘ ਸਨ। ਭਾਈ ਸਰਬਜੀਤ ਸਿੰਘ ਸ੍ਰੀ ਦਰਬਾਰ ਸਾਹਿਬ ਹਮਲੇ ਵਿਚ ਸਖਤ ਫੱਟੜ ਹੋ ਗਏ ਸਨ ਪਰ ਬਚ ਗਏ। ਉਹ ਹੁਣ ਅੰਮ੍ਰਿਤਸਰ ਕਬੀਰ ਪਾਰਕ ਕੋਲ ਰਹਿੰਦੇ ਹਨ। ਤਿੰਨ-ਚਾਰ ਸਾਲ ਪਹਿਲਾਂ ਜਦ ਮੈਂ ਆਹੀ ਫੋਟੋ ਦਿਖਾਕੇ ਦੱਸਿਆ ਕਿ ਬਹੁਤੇ ਲੋਕ ਉਹਨਾਂ ਨੂੰ ਸ਼ਹੀਦ ਹੋਇਆ ਮੰਨਦੇ ਨੇ ਤਾਂ ਉਹ ਚੁੱਪ ਜਿਹੇ ਹੋ ਗਏ ਤੇ ਘੱਲੂਘਾਰੇ ਦੀ ਯਾਦ ਦਿਲ ਵਿਚ ਵਸਾਕੇ ਸਹਿਜ ਨਾਲ ਕਹਿੰਦੇ, "ਸ਼ਹੀਦੀ ਕਿਤੇ ਐਂਵੇ ਮਿਲ ਜਾਦੀ ਐ"। ਭਾਈ ਸਰਬਜੀਤ ਸਿੰਘ ਮਾਹਣੇ ਮੱਲੀਆਂ ਦਾ ਮੁੱਢਲਾ ਇਲਾਜ ਕਰਮ ਸਿੰਘ ਵਾਰਡ, ਗੁਰੂ ਤੇਗ ਬਹਾਦਰ ਹਸਪਤਾਲ 'ਚ ਹੋਇਆ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV ** Subscribe and Press Bell Icon also to get Notification on Your Phone **