ਚੀਨ ਦੀਆਂ ਇੱਲਤਾਂ,ਅਮਰੀਕਾ ਦਾ ਅੜਬ ਸੁਭਾਅ | China-US | Surkhab TV ਕੋਰੋਨਾ ਵਾਇਰਸ ਕਰਕੇ ਦੁਨੀਆ ਭਰ ਵਿਚ ਜੋ ਮੌਤਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ ਉਸਨੇ ਜਿਥੇ ਇਸਦੇ ਭਿਆਨਕ ਰੂਪ ਨੂੰ ਦਰਸਾ ਦਿੱਤਾ ਹੈ। ਓਥੇ ਹੀ ਇਸ ਵਾਇਰਸ ਦੇ ਸ਼ੁਰੂ ਹੋਣ ਬਾਰੇ ਕਈ ਤਰਾਂ ਦੀਆਂ ਅਫਵਾਹਾਂ ਤੇ ਸ਼ੰਕੇ ਪਹਿਲੇ ਦਿਨ ਤੋਂ ਲਗਾਤਾਰ ਜਾਰੀ ਹਨ। ਚੀਨ ਦੇ ਵੁਹਾਨ ਸ਼ਹਿਰ ਤੋਂ ਸ਼ੁਰੂ ਹੋਇਆ ਦੱਸਿਆ ਜਾਂਦਾ ਇਹ ਵਾਇਰਸ ਚੀਨ ਦੀ ਸਾਜਿਸ਼ ਹੈ !! ਇਹ ਸਵਾਲ ਪਹਿਲੇ ਦਿਨ ਤੋਂ ਹੀ ਉੱਠ ਰਿਹਾ ਹੈ ਕਿ ਚੀਨ ਨੇ ਇਹ ਵਾਇਰਸ ਆਪ ਬਣਾਇਆ,ਆਪ ਛੱਡਿਆ ਤੇ ਚੀਨ ਕੋਲ ਇਸਦਾ ਇਲਾਜ ਹੋਣ ਕਰਕੇ ਚੀਨ ਦੇ ਲੋਕਾਂ ਨੂੰ ਠੀਕ ਵੀ ਕਰਲਿਆ ਗਿਆ ਤੇ ਅੱਜ ਦੀ ਤਰੀਕ ਵਿਚ ਚੀਨ ਵਿਚ ਕੋਈ Lockdown ਵੀ ਨਹੀਂ ਹੈ। ਕੋਰੋਨਾ ਵਾਇਰਸ ਕੋਈ ਕੁਦਰਤੀ ਕਰੋਪੀ ਹੈ ਜਾਂ ਚੀਨ ਦੀ ਸਾਜਿਸ਼ ? ਇਸ ਸਵਾਲ ਤੇ ਹੁਣ ਬਲਦੀ ਦਾ ਤੇਲ ਪਾਉਣ ਦਾ ਕੰਮ ਕੀਤਾ ਹੈ ਅਮਰੀਕਾ ਦੇ ਟੈਲੀਵਿਜ਼ਨ ਚੈਨਲ Fox News ਨੇ। ਕੋਰੋਨਾ ਵਾਇਰਸ ਦੀ ਪੈਦਾਇਸ਼ ਕੇਂਦਰ ਰਿਹਾ ਚੀਨ ਮੁੜ ਤੋਂ ਸੁਰਖੀਆਂ 'ਚ ਹੈ। ਫੌਕਸ ਨਿਊਜ਼ ਦੀ ਰਿਪੋਰਟ 'ਚ ਦਾਅਵਾ ਕੀਤਾ ਗਿਆ ਸੀ ਕਿ ਇਹ ਵਾਇਰਸ ਚੀਨ ਦੀ ਲੈਬ 'ਚੋਂ ਲੀਕ ਹੋਇਆ ਸੀ। ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਕਿਹਾ ਕਿ ਇਸ ਦੀ ਜਾਂਚ ਚੱਲ ਰਹੀ ਹੈ। ਫੌਕਸ ਨਿਊਜ਼ ਦੀ ਰਿਪੋਰਟ 'ਚ ਕਿਹਾ ਗਿਆ ਕਿ ਵੁਹਾਨ ਇੰਸਟੀਚਿਊਟ ਆਫ਼ ਵਾਇਰੋਲੋਜੀ 'ਚ ਕੰਮ ਕਰ ਰਹੇ ਇਕ ਇੰਟਰਨ ਨੇ ਇਸਨੂੰ ਗਲਤੀ ਨਾਲ ਲੀਕ ਕਰ ਦਿੱਤਾ ਸੀ। ਅਮਰੀਕੀ ਖ਼ੁਫ਼ੀਆਂ ਏਜੰਸੀਆਂ ਇਸ ਸਬੰਧੀ ਗਹਿਰਾਈ ਨਾਲ ਜਾਂਚ ਵਿੱਚ ਜੁੱਟੀਆਂ ਹਨ। ਰਿਪੋਰਟ ਮੁਤਾਬਕ ਵੁਹਾਨ ਇੰਸਟੀਚਿਊਟ ਆਫ਼ ਵਾਇਰੋਲੋਜੀ ਦੁਨੀਆਂ ਦੀ ਪ੍ਰਮੁੱਖ P4 ਲੈਵਲ ਦੀ ਲੈਬ ਹੈ। ਇਹ ਵਾਇਰਸ ਇਨਫੈਕਸ਼ਨ ਸਟ੍ਰੇਨ ਰੱਖਣ, ਖੋਜ, ਪਰੀਖਣ ਦੀ ਵਿਸ਼ਵੀ ਪ੍ਰਯੋਗਸ਼ਾਲਾ ਹੈ। ਸੂਤਰਾਂ ਦੇ ਆਧਾਰ 'ਤੇ ਇਕ ਵਿਸ਼ੇਸ਼ ਰਿਪੋਰਟ 'ਚ ਫੌਕਸ ਨਿਊਜ਼ ਨੇ ਦਾਅਵਾ ਕੀਤਾ ਹੈ ਕਿ ਕੋਰੋਨਾ ਵਾਇਰਸ ਚਮਗਿੱਦੜ ਵਿੱਚ ਸੁਭਾਵਿਕ ਤੌਰ 'ਤੇ ਉਤਪੰਨ ਹੋਣ ਵਾਲਾ ਵਾਇਰਸ ਹੈ। ਇਹ ਕੋਈ ਬਾਇਓਵੇਪਾਨ ਨਹੀਂ ਹੈ। Fox News ਨੇ ਦਾਅਵਾ ਕੀਤਾ ਹੈ ਕਿ ਚੀਨ ਨੇ ਵੁਹਾਨ ਸ਼ਹਿਰ ਦੀ ਮੱਛੀ ਮਾਰਕੀਟ ਵਾਲੀ ਕਹਾਣੀ ਵੀ ਜਾਣਬੁਝਕੇ ਫੈਲਾਈ। ਮੀਡੀਆ ਰਿਪੋਰਟ 'ਚ ਕਿਹਾ ਗਿਆ ਕਿ ਕੋਰੋਨਾ ਵਾਇਰਸ ਦਾ ਅਧਿਐਨ ਵੁਹਾਨ ਪ੍ਰਯੋਗਸ਼ਾਲਾ 'ਚ ਕੀਤਾ ਜਾ ਰਿਹਾ ਹੈ। ਵਾਇਰਸ ਦਾ ਪਹਿਲਾ ਗੇੜ ਬੈਟ-ਟੂ-ਹਿਊਮਨ ਸੀ ਤੇ ਪਹਿਲਾ ਇਨਫੈਕਟਡ ਰੋਗੀ ਇਸੇ ਲੈਬ 'ਚ ਕੰਮ ਕਰਦਾ ਸੀ। ਵੁਹਾਨ Wet ਬਜ਼ਾਰ ਨੂੰ ਸ਼ੁਰੂਆਤੀ ਦਿਨਾਂ 'ਚ ਇਸ ਵਾਇਰਸ ਦੇ ਮੂਲ ਸਥਾਨ ਦੇ ਤੌਰ 'ਤੇ ਪਛਾਣਿਆ ਗਿਆ ਸੀ ਪਰ ਉੱਥੇ ਚਮਗਿੱਦੜ ਕਦੇ ਨਹੀਂ ਵੇਚੇ ਗਏ। ਹਾਲਾਂਕਿ ਚੀਨ ਨੇ ਪ੍ਰਯੋਗਸ਼ਾਲਾ ਦੀ ਜਗ੍ਹਾ Wet ਬਜ਼ਾਰ ਨੂੰ ਵਾਇਰਸ ਫੈਲਾਉਣ ਲਈ ਦੋਸ਼ੀ ਠਹਿਰਾਇਆ ਹੈ। ਇਸਤੋਂ ਪਹਿਲਾਂ ਇੱਕ ਅਮਰੀਕੀ ਕੰਪਨੀ ਤੇ ਚੀਨ ਉੱਪਰ 20 ਟ੍ਰਿਲੀਅਨ ਡਾਲਰ ਦਾ ਮੁਕੱਦਮਾ ਵੀ ਕੀਤਾ ਹੈ ਜਿਸ ਵਿਚ ਇਹ ਕਿਹਾ ਗਿਆ ਕਿ ਚੀਨ ਨੇ ਇਸ ਵਾਇਰਸ ਦੀ ਵਰਤੋਂ ਜੈਵਿਕ ਹਥਿਆਰ ਵਜੋਂ ਕੀਤੀ ਹੈ। ਅਮਰੀਕਾ ਦੇ ਟੈਕਸਾਸ ਦੀ ਕੰਪਨੀ ਬਜ਼ ਫੋਟੋਜ਼, ਵਕੀਲ ਲੈਰੀ ਕਲੇਮੈਨ ਅਤੇ ਸੰਸਥਾ ਫ੍ਰੀਡਮ ਵਾਚ ਨੇ ਮਿਲ ਕੇ ਚੀਨੀ ਸਰਕਾਰ, ਚੀਨੀ ਫੌਜ, ਵੁਹਾਨ ਇੰਸਟੀਚਿਊਟ ਆਫ ਵਾਇਰੋਲੋਜੀ, ਵੁਹਾਨ ਇੰਸਟੀਚਿਊਟ ਦੇ ਡਾਇਰੈਕਟਰ ਸ਼ੀ ਜ਼ੇਂਗਲੀ ਅਤੇ ਚੀਨੀ ਸੈਨਾ ਦੇ ਮੇਜਰ ਜਨਰਲ ਚੇਨ ਵੇਈ 'ਤੇ ਸਾਂਝੇ ਤੌਰ 'ਤੇ ਮੁਕੱਦਮਾ ਕੀਤਾ ਹੈ। ਇਹਨਾਂ ਸਾਰੇ ਦੋਸ਼ਾਂ-ਦਾਅਵਿਆਂ ਵਿਚ ਚੀਨ-ਅਮਰੀਕਾ ਵਿਚਕਾਰ ਚਲ ਰਹੀ ਇਹ ਤਲਖੀ,ਇੱਕ ਦੂਜੇ ਤੇ ਦੋਸ਼ ਲਾਉਣ,ਦੋਸ਼ਾਂ ਨੂੰ ਖਾਰਜ ਕਰਨ,ਅਮਰੀਕਾ ਵਲੋਂ WHO ਤੇ ਚੀਨ ਦਾ ਪੱਖ ਪੂਰਨ ਦਾ ਦੋਸ਼ ਤੇ ਫਿਰ WHO ਨੂੰ ਦਿੱਤੀ ਜਾਣ ਵਾਲੀ ਮਾਲੀ ਮਦਦ ਬੰਦ ਕਰਨ,ਇਹ ਸਾਰਾ ਕੁਝ ਸਿਆਸਤ ਹੈ ਜਾਂ ਇੱਕ ਦੂਜੇ ਨੂੰ ਨੀਵਾਂ ਦਿਖਾਉਣ ਦੀ ਕੋਸ਼ਿਸ਼,ਕੁਝ ਨਹੀਂ ਪਤਾ। ਵੈਸੇ ਵੀ ਇਹਨਾਂ ਗੱਲਾਂ ਦੀ ਸੱਚਾਈ ਕਿੰਨੀ ਕੁ ਹੈ ਇਸ ਬਾਰੇ ਕਿਸੇ ਕੋਈ ਪੁਖਤਾ ਦਲੀਲ ਜਾਣਾ ਸਬੂਤ ਨਹੀਂ ਹਨ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/LKEZ2aLAFgr8KgdVHX2lvO ** Subscribe and Press Bell Icon also to get Notification on Your Phone **