ਸਖ਼ਤਾਈ ਹੋਗੀ,ਜਰਾ ਬਚਕੇ ਮੋੜ ਤੋਂ... Surkhab TV ਗੱਡੀਆਂ ਤੇ ਸਟਿੱਕਰ ਲਾਏ ਹੁੰਦੇ ਹਨਾ...ਪੰਜਾਬ ਵਿਚ ਆਮ ਈ ਇਹ Trend ਜਿਹਾ ਹੈ। ਟੌਹਰ ਖਾਤਰ ਜੱਟ,ਸਰਪੰਚ ,ਲੰਬੜ ਜਾਂ ਗੋਤ ਲਿਖੀ ਹੁੰਦੀ ਹੈ ਪਰ ਹੁਣ ਪੰਜਾਬ ਹਾਈਕੋਰਟ ਨੇ ਇਸ ਮਾਮਲੇ ਤੇ ਵੱਡਾ ਫੈਸਲਾ ਦਿੱਤਾ ਹੈ ਜੋ ਇਸ ਟੌਹਰ ਵਿਚ ਫਰਕ ਪਾ ਸਕਦਾ ਹੈ। ਰੌਅਬ ਜਾਂ ਸ਼ਾਨ ਦਿਖਾਉਣ ਲਈ ਸਰਕਾਰੀ ਜਾਂ ਨਿੱਜੀ ਵਾਹਨ 'ਤੇ ਅਜਿਹੇ ਸ਼ਬਦ ਲਿਖਾਉਣੇ,ਸਟਿੱਕਰ ਲਵਾਉਣੇ ਜਾਂ ਸੰਸਦ ਮੈਂਬਰ, ਵਿਧਾਇਕ, ਮੇਅਰ, ਕੌਂਸਲਰ, ਚੇਅਰਮੈਨ, ਡਾਇਰੈਕਟਰ, ਐਡਵੋਕੇਟ, ਸੀ. ਏ. , ਪ੍ਰੈਸ, ਪੁਲਸ, ਡਾਕਟਰ, ਆਰਮੀ, ਭਾਰਤ ਸਰਕਾਰ, ਪੰਜਾਬ ਸਰਕਾਰ ਜਾਂ ਕਿਸੇ ਰਾਜਨੀਤਕ ਪਾਰਟੀ ਦਾ ਨਾਮ ਜਾਂ ਝੰਡੀ ਲਾ ਕੇ ਚੱਲਣ ਵਾਲੇ 'ਸਭ ਫੜ੍ਹਾ ਜਾਣਗੇ' ਕਿਉਂਕਿ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ ਹੁਕਮ ਜਾਰੀ ਕਰਦਿਆਂ ਇਸ ਨੂੰ ਗੈਰ-ਕਾਨੂੰਨੀ ਕਰਾਰ ਦਿੱਤਾ ਹੈ ਅਤੇ ਟ੍ਰੈਫਿਕ ਰੂਲਜ਼ ਦੀ ਉਲੰਘਣਾ ਦੱਸਦਿਆਂ ਪੁਲਸ ਨੂੰ ਤੁਰੰਤ ਕਾਰਵਾਈ ਦੇ ਨਿਰਦੇਸ਼ ਦਿੱਤੇ ਹਨ। ਹੁਣ ਸਿਰਫ਼ ਐਂਬੂਲੈਂਸ, ਫਾਇਰ ਬ੍ਰਿਗੇਡ ਅਤੇ ਐਮਰਜੈਂਸੀ ਸੇਵਾਵਾਂ 'ਚ ਲੱਗੇ ਵਾਹਨਾਂ 'ਤੇ ਹੀ ਲਿਖਿਆ ਜਾ ਸਕੇਗਾ ਅਤੇ ਜੇਕਰ ਕਿਸੇ ਵਾਹਨ 'ਚ ਬੀਮਾਰ ਵਿਅਕਤੀ ਨੂੰ ਲਿਜਾਇਆ ਜਾ ਰਿਹਾ ਹੈ ਤਾਂ ਉਸ ਵਾਹਨ ਨੂੰ ਐੈਂਬੂਲੈਂਸ ਦੀ ਸ਼੍ਰੇਣੀ 'ਚ ਮੰਨਿਆ ਜਾਵੇਗਾ। ਕਿਸੇ ਸੰਸਥਾ, ਸੋਸਾਇਟੀ, ਕਲੱਬ ਦੀ ਪਾਰਕਿੰਗ ਜਾਂ ਐਂਟਰੀ ਸਟਿੱਕਰ ਲਗਾਉਣ ਦੀ ਆਗਿਆ ਰਹੇਗੀ। ਜਸਟਿਸ ਰਾਜੀਵ ਸ਼ਰਮਾ 'ਤੇ ਆਧਾਰਿਤ ਬੈਂਚ ਨੇ ਟ੍ਰੈਫਿਕ ਕੰਟ੍ਰੋਲ ਨੂੰ ਲੈ ਕੇ ਚੱਲ ਰਹੇ ਮਾਮਲੇ ਦੀ ਸੁਣਵਾਈ ਕਰਦਿਆਂ ਉਕਤ ਹੁਕਮ ਜਾਰੀ ਕੀਤੇ ਅਤੇ ਸਭ ਤੋਂ ਪਹਿਲਾਂ ਜਸਟਿਸ ਰਾਜੀਵ ਸ਼ਰਮਾ ਨੇ ਆਪਣੇ ਡਰਾਈਵਰ ਨੂੰ ਬੁਲਾ ਕੇ ਆਪਣੀ ਸਰਕਾਰੀ ਗੱਡੀ 'ਤੇ ਲਿਖਿਆ ਹਾਈਕੋਰਟ ਮਿਟਾਉਣ ਨੂੰ ਕਿਹਾ। ਕੋਰਟ ਦਾ ਕਹਿਣਾ ਸੀ ਕਿ ਵਾਹਨਾਂ 'ਚ ਡੈਜੀਗਨੇਸ਼ਨ, ਸਟੇਟਸ, ਜਾਬ ਪ੍ਰੋਫਾਈਲ ਜਾਂ ਜਨ ਪ੍ਰਤੀਨਿਧੀ ਹੋਣ ਦੀ ਪਹਿਚਾਣ ਜਾਂ ਆਪਣੇ ਪ੍ਰੋਫੈਸ਼ਨ ਨੂੰ ਲਿਖਣ ਦੇ ਪਿੱਛੇ ਮਕਸਦ ਸਿਰਫ ਪੁਲਸ 'ਤੇ ਰੌਅਬ ਦਿਖਾਉਣਾ ਹੈ, ਤਾਂ ਕਿ ਟ੍ਰੈਫਿਕ ਦੇ ਨਿਯਮ ਤੋੜਨ 'ਤੇ ਉਨ੍ਹਾਂ ਨੂੰ ਕੋਈ ਰੋਕੇ ਨਾ ਜਾਂ ਫਿਰ ਪਾਰਕਿੰਗ ਦੇ ਪੈਸੇ ਬਚਾਉਣਾ ਹੈ। ਕਿਸੇ ਰਾਜਨੀਤਕ ਪਾਰਟੀ ਦੀ ਝੰਡੀ, ਨੇਤਾ ਦੇ ਪੋਸਟਰ ਚਿਪਕਾਉਣ ਦੇ ਪਿੱਛੇ ਵੀ ਮਕਸਦ ਸਿਰਫ਼ ਰੌਅਬ ਦਿਖਾਉਣਾ ਹੈ ਪਰ ਹੁਣ ਇਹ ਸਭ ਨਹੀਂ ਚੱਲੇਗਾ ਜੇਕਰ ਉਕਤ ਕੋਈ ਵੀ ਸ਼ਬਦ ਜਾਂ ਪਛਾਣ ਕਿਸੇ ਵਾਹਨ 'ਤੇ ਲਿਖੀ ਦਿਖਾਈ ਦਿੱਤੀ ਤਾਂ ਇਹ ਆਵਾਜਾਈ ਨਿਯਮਾਂ ਦੀ ਉਲੰਘਣਾ ਹੋਵੇਗੀ, ਜਿਸ 'ਤੇ ਚਲਾਨ ਕੱਟੇਗਾ ਅਤੇ ਜੇਕਰ ਸਬੰਧਤ ਵਿਅਕਤੀ ਵਾਹਨ 'ਚ ਲਿਖੇ ਜਾਂ ਚਿਪਕਾਏ ਗਏ ਸਟਿੱਕਰ ਨਾਲ ਸਬੰਧਤ ਨਾ ਪਾਇਆ ਗਿਆ ਤਾਂ ਅਪਰਾਧਿਕ ਮਾਮਲਾ ਵੀ ਦਰਜ ਕੀਤਾ ਜਾਵੇਗਾ। ਨਾਲ ਹੀ ਜਸਟਿਸ ਰਾਜੀਵ ਸ਼ਰਮਾ ਨੇ ਕੋਰਟ 'ਚ ਮੌਜੂਦ ਡੀ.ਐੱਸ.ਪੀ. ਟ੍ਰੈਫਿਕ ਜਸਵਿੰਦਰ ਸਿੰਘ ਨੂੰ ਹੁਕਮ ਦਿੱਤੇ ਕਿ ਜੇਕਰ ਕੋਈ ਵੀ ਵਾਹਨ ਸੜਕ ਕੰਢੇ ਦਿਖੇ ਤਾਂ ਉਸ ਨੂੰ ਟੋਅ ਕਰ ਲਵੋ, ਚਾਹੇ ਉਹ ਮੁੱਖ ਸੜਕ ਹੋਵੇ ਜਾਂ ਇੰਟਰਨਲ। ਕੋਰਟ ਨੇ ਡੀ. ਐੱਸ. ਪੀ. ਤੋਂ ਪੁਲਸ ਕੋਲ ਮੌਜੂਦ ਕ੍ਰੇਨਾਂ ਅਤੇ ਟੋਇੰਗ ਵਾਹਨਾਂ ਦੀ ਗਿਣਤੀ ਦੀ ਜਾਣਕਾਰੀ ਲੈਂਦਿਆਂ ਕਿਹਾ ਕਿ ਸਾਰੇ ਟੋਇੰਗ ਵਹੀਕਲ 72 ਘੰਟੇ ਦੇ ਅੰਦਰ ਇਸ ਕੰਮ 'ਤੇ ਲਗਾ ਦੇਵੋ। ਕੋਰਟ ਦਾ ਕਹਿਣਾ ਸੀ ਕਿ ਸੜਕ ਕੰਢੇ ਰੁਕ ਕੇ ਫ਼ੋਨ ਸੁਣਨਾ ਜਾਂ ਕਿਸੇ ਦਾ ਇੰਤਜ਼ਾਰ ਕਰਨਾ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਹੈ, ਜੋ ਕਿ ਸੜਕ ਹਾਦਸਿਆਂ ਨੂੰ ਸੱਦਾ ਦਿੰਦੇ ਹਨ। ਇਸਦੇ ਨਾਲ ਹੀ ਕੋਰਟ ਨੇ ਹਾਈਵੇ 'ਤੇ ਸਥਿਤ ਟੋਲ ਪਲਾਜ਼ਾ 'ਤੇ ਵਾਹਨਾਂ ਦੀ ਪਾਰਕਿੰਗ ਨੂੰ ਵੀ ਗਲਤ ਦੱਸਦਿਆਂ ਕੇਂਦਰ ਸਰਕਾਰ ਨੂੰ ਵੀ ਮਾਮਲੇ 'ਚ ਪਾਰਟੀ ਬਣਾ ਲਿਆ ਹੈ ਅਤੇ ਅਗਲੀ ਸੁਣਵਾਈ 'ਤੇ ਐੱਨ.ਐੱਚ.ਏ.ਆਈ. ਵਲੋਂ ਕੌਂਸਲ ਚੇਤਨ ਮਿੱਤਲ ਨੂੰ ਪੇਸ਼ ਹੋਣ ਨੂੰ ਕਿਹਾ ਹੈ। ਕੋਰਟ ਨੇ ਕਿਹਾ ਕਿ ਟੋਲ ਪਲਾਜ਼ਾ 'ਤੇ ਵਾਹਨਾਂ ਦੀ ਭੀੜ ਰਹਿੰਦੀ ਹੈ ਅਜਿਹੇ 'ਚ ਉਥੇ ਕਈ ਪਾਰਕ ਕੀਤੇ ਗਏ ਵਾਹਨ ਖਤਰਨਾਕ ਸਾਬਤ ਹੁੰਦੇ ਹਨ। ਸੋ ਹੁਣ ਜਰਾ ਧਿਆਨ ਨਾਲ ਨਿਕਲਿਆ ਸੜਕ ਤੇ,ਕਿਉਂਕਿ ਹੁਣ ਰੋਹਬ ਨਹੀਂ ਚਲਣੇ....ਭਾਊ ਸਖ਼ਤਾਈ ਹੋਗੀ ਸਖ਼ਤਾਈ.... (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/LKEZ2aLAFgr8KgdVHX2lvO ** Subscribe and Press Bell Icon also to get Notification on Your Phone **