ਬਲਦੇਵ ਸਿੰਘ ਨੂੰ 'ਕੋਰੋਨਾ ਦਾ ਖਲਨਾਇਕ' ਸਥਾਪਿਤ ਕੀਤਾ ਗਿਆ | Surkhab TV ਕੋਰੋਨਾ ਕਰਕੇ ਪੰਜਾਬ ਵਿਚ ਜਿਹੜੀ 1 ਮੌਤ ਹੋਈ ਹੈ ਉਹ ਹੈ ਨਵਾਂਸ਼ਹਿਰ ਜਿਲੇ ਦੀ ਪਿੰਡ ਪਠਲਾਵਾ ਦਾ ਵਸਨੀਕ ਬਲਦੇਵ ਸਿੰਘ। ਉਸਦੀ ਮੌਤ ਨੇ ਪੂਰੇ ਪੰਜਾਬ ਵਿਚ ਚਿੰਤਾ ਵਧ ਦਿੱਤੀ ਸੀ ਪਰ ਇਸ ਚਿੰਤਾ ਵਿਚ ਬਲਦੇਵ ਸਿੰਘ ਖੁਦ ਤਾਂ ਮਰ ਗਿਆ ਪਰ ਲੋਕਾਂ ਭਾਣੇ ਉਹ ਕੋਰੋਨਾ ਨੂੰ ਫੈਲਾਉਣ ਵਾਲਾ ਖਲਨਾਇਕ ਬਣਗਿਆ। ਜਿਵੇਂ ਹੀ ਪਤਾ ਲੱਗਾ ਕਿ ਬਲਦੇਵ ਸਿੰਘ ਕਰਕੇ ਉਸਦੇ ਪਰਿਵਾਰ ਤੇ ਨਾਲਦੇ ਹੋਰਨਾਂ ਲੋਕਾਂ ਨੂੰ ਕੋਰੋਨਾ ਦੀ ਬਿਮਾਰੀ ਲੱਗ ਚੁੱਕੀ ਹੈ,ਬੱਸ...ਲੋਕਾਂ ਨੇ ਉਸਨੂੰ ਭੰਡਣਾ ਸ਼ੁਰੂ ਕਰ ਦਿੱਤਾ। ਕੁਝ ਵੀਡੀਓ ਵਾਇਰਲ ਹੋਈਆਂ,ਕੁਝ ਆਡੀਓ ਆਈਆਂ ਕਿ ਉਸਨੂੰ ਤੇ ਉਸਦੇ ਪਰਿਵਾਰ ਨੂੰ ਪਤਾ ਸੀ ਕਿ ਉਸਨੂੰ ਕੋਰੋਨਾ ਹੈ ਫਿਰ ਵੀ ਉਹ ਹੋਲੇ ਮਹੱਲੇ ਤੇ ਗਿਆ,ਰਿਸ਼ਤੇਦਾਰੀ ਵਿਚ ਗਿਆ। ਇਸ ਸਭ ਵਿਚਕਾਰ ਜੋ ਗਲਤੀ ਸੀ ਉਹ ਕਿਸੇ ਦੀ ਸੀ,ਪਾਈ ਕਿਸੇ ਸਿਰ ਗਈ। ਇਥੋਂ ਤੱਕ ਕਿ ਗਾਇਕ ਸਿੱਧੂ ਮੂਸੇਵਾਲੇ ਨੇ ਵੀ ਉਸਤੇ ਗੀਤ ਗਾਇਆ ਹੈ ਤੇ ਪੰਜਾਬ ਪੁਲਿਸ ਨੇ ਉਸ ਗੀਤ ਨੂੰ ਸ਼ੇਅਰ ਕੀਤਾ ਹੈ ਕਿਉਂਕਿ ਗੀਤ ਵਿਚ ਮੂਸੇਵਾਲੇ ਨੇ ਵੀ ਬਲਦੇਵ ਦਾ ਹੀ ਕਸੂਰ ਗਿਣਾ ਦਿੱਤਾ। ਸੋਸ਼ਲ ਮੀਡੀਆ ਤੇ ਹੀ ਉਸਨੂੰ ਲੋਕਾਂ ਨੇ ਖਲਨਾਇਕ ਬਣਾਇਆ ਸੀ ਤੇ ਹੁਣ ਬਹੁਤ ਸਾਰੇ ਸੁਹਿਰਦ ਲੋਕ ਇਹ ਆਖ ਰਹੇ ਹਨ ਕਿ ਸਾਰੀ ਗਲਤੀ ਤਾਂ ਸਰਕਾਰੀ ਮਸ਼ੀਰਨੀ ਦੀ ਸੀ ਤੇ ਭਾਂਡਾ ਬਲਦੇਵ ਸਿੰਘ ਦੇ ਸਿਰ ਭੰਨਿਆ ਗਿਆ। ਸੋ ਇਹ ਮੰਨਿਆ ਜਾ ਸਕਦਾ ਕਿ ਅਸਲ ਵਿਚ ਗਲਤੀ ਕਿਸੇ ਦੀ ਸੀ ਜਿਸਨੂੰ ਬਲਦੇਵ ਸਿੰਘ ਦੇ ਸਿਰ ਮੜਕੇ ਆਪ ਬਚਿਆ ਗਿਆ। ਰਿਪੋਰਟਾਂ ਤਾਂ ਇਹ ਆਈਆਂ ਹਨ ਕਿ ਉਸਦੀ ਮੌਤ ਤੋਂ ਬਾਅਦ ਇਹ ਪਤਾ ਲੱਗਾ ਹੈ ਕਿ ਉਹ ਕੋਰੋਨਾ ਦਾ ਮਰੀਜ ਸੀ ਜਦੋਂ ਕਿ ਪਹਿਲਾਂ ਹਸਪਤਾਲ ਵਾਲਿਆਂ ਨੇ ਦਿਲ ਦਾ ਦੌਰਾ ਸਮਝਿਆ ਸੀ ਪਰ ਜਦ ਖੂਨ ਦੇ ਨਮੂਨੇ PGI ਭੇਜੇ ਤਾਂ ਪਤਾ ਲੱਗਿਆ ਕਿ ਮ੍ਰਿਤਕ ਨੂੰ ਕਰੋਨਾ ਵਾਇਰਸ ਸੀ। ਜਿਸ ਬਲਦੇਵ ਸਿੰਘ ਨੂੰ ਮਰਨ ਤੱਕ ਵੀ ਨਹੀ ਸੀ ਪਤਾ ਕਿ ਉਹ ਕਰੋਨਾਵਾਇਰਸ ਦਾ ਸ਼ਿਕਾਰ ਹੈ ਉਹਨੂੰ ਇਸ ਲਈ ਦੋਸ਼ੀ ਕਿਵੇਂ ਮੰਨਿਆ ਜਾ ਸਕਦਾ? ਉਹ ਚਾਰ ਹਸਪਤਾਲਾਂ ਵਿਚ ਜਾਕੇ ਕਲਪਦਾ ਰਿਹਾ ਪਰ ਕਿਸੇ ਨੇ ਵੀ ਉਹਦੀ ਦੇਖਭਾਲ ਨਹੀ ਕੀਤੀ,ਨਾ ਦੱਸ ਸਕੇ ਕਿ ਤੈਨੂੰ ਬੜੀ ਖਤਰਨਾਕ ਬਿਮਾਰੀ ਹੈ,ਇਕੱਲਾ ਰਹੀਂ,ਕਿਸੇ ਨੂੰ ਮਿਲੀਂ ਨਾ! ਇਕ ਤਾਂ ਇਸ ਮੁਲਕ ਦੇ ਸਿਸਟਮ ਨੇ ਓਸ ਦੀ ਜਾਨ ਲੈ ਲਈ,ਦੂਜੇ ਉਹਨੂੰ ਹੀ ਦੋਸ਼ੀ ਗਰਦਾਨਿਆ ਜਾ ਰਿਹਾ ਹੈ ਤੇ ਤੀਜਾ ਉਸੇ ਖਤਰਨਾਕ ਵਾਇਰਸ ਨਾਲ ਜੂਝ ਰਹੇ ਉਹਦੇ ਵਾਰਿਸਾਂ ਤੇ ਜਾਣਕਾਰਾਂ ਨੂੰ ਵੀ ਜਲੀਲ ਕੀਤਾ ਜਾ ਰਿਹਾ ਹੈ। ਰੱਬ ਦੇ ਵਾਸਤੇ ! ਮੀਡੀਆਂ ਤੇ ਹਕੂਮਤੀ ਤੰਤਰ ਦੀ ਖੇਡ ਨੂੰ ਸਮਝੌ ਤੇ ਇਸ ਪੀੜਿਤ ਪਰਿਵਾਰ ਦਾ ਸਾਥ ਦਿਓ! ਇਹ ਤਾਂ ਹਕੂਮਤੀ ਸਿਸਟਮ ਦਾ ਸ਼ਿਕਾਰ ਬਣੇ ਹੋਏ ਨੇ ਤੇ ਆਪਾਂ ਸਾਰੇ ਮੀਡੀਆ ਨਾਲ ਮਿਲਕੇ ਇੰਨਾਂ ਨੂੰ ਬਦਨਾਮ ਕਰੀ ਜਾਂਨੇ ਆਂ! ਸੋ ਬਲਦੇਵ ਸਿੰਘ ਦਾ ਕਸੂਰ ਕਢਣ ਤੋਂ ਪਹਿਲਾਂ ਇਹ ਜਰੂਰ ਜਾਣ ਲਿਓ ਕਿ ਕੋਰੋਨਾ ਦਾ ਦੋਸ਼ ਉਸਦੇ ਸਿਰ ਮੜਕੇ ਸਿਸਟਮ ਨੇ ਖੁਦ ਨੂੰ ਬਰੀ ਕਰਵਾਇਆ ਹੈ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/LKEZ2aLAFgr8KgdVHX2lvO ** Subscribe and Press Bell Icon also to get Notification on Your Phone **