Active Listening, ਭਾਵ ਚੇਤੰਨ ਹੋ ਕੇ ਸੁਣਨਾ, ਸ਼ਖ਼ਸੀਅਤ ਦਾ ਇੱਕ ਅਜਿਹਾ ਹੁਨਰ ਹੈ, ਜਿਸ ਨੂੰ ਬਿਹਤਰ ਬਣਾਉਣ ਦੀ ਕੋਸ਼ਿਸ਼ ਸਭ ਨੂੰ ਕਰਨੀ ਚਾਹੀਦੀ ਹੈ। ਸਿਰਫ਼ ਦੂਜੇ ਇਨਸਾਨ ਵੱਲੋਂ ਬੋਲੇ ਜਾ ਰਹੇ ਸ਼ਬਦ ਸੁਣਨਾ ਹੀ ਨਹੀਂ, ਇਸ ਹੁਨਰ 'ਚ ਇਸ ਤੋਂ ਇਲਾਵਾ ਹੋਰ ਵੀ ਬਹੁਤ ਕੁਝ ਸ਼ਾਮਲ ਹੈ, ਜਿਵੇਂ ਕਿ ਬੁਲਾਰੇ ਦੀ ਗੱਲਬਾਤ ਨਾਲ ਜੁੜਨਾ ਅਤੇ ਸ਼ਬਦਾਂ ਪਿੱਛੇ ਲੁਕੇ ਸੁਨੇਹੇ ਦੇ ਅਸਲ ਸੰਦਰਭ ਨੂੰ ਸਮਝਣਾ। ਚੇਤੰਨਤਾ ਨਾਲ ਸੁਣਨ ਲਈ ਇਕਾਗਰਤਾ, ਸਬਰ ਅਤੇ ਖੁੱਲ੍ਹੇ ਦਿਮਾਗ ਦੀ ਲੋੜ ਹੁੰਦੀ ਹੈ। ਜਦੋਂ ਤੁਸੀਂ ਇਸ ਦਾ ਅਭਿਆਸ ਕਰਦੇ ਹੋ, ਤਾਂ ਬੁਲਾਰੇ ਨੂੰ ਮਹਿਸੂਸ ਹੁੰਦਾ ਹੈ ਕਿ ਤੁਸੀਂ ਉਸ ਦੇ ਵਿਚਾਰਾਂ ਤੇ ਭਾਵਨਾਵਾਂ ਦੀ ਕਦਰ ਕਰਦੇ ਹੋ, ਅਤੇ ਉਨ੍ਹਾਂ ਦਾ ਸਨਮਾਨ ਕਰਦੇ ਹੋ। ਇਸ ਨਾਲ ਰਿਸ਼ਤਿਆਂ ਵਿੱਚ ਵਿਸ਼ਵਾਸ ਪੈਦਾ ਹੁੰਦਾ ਹੈ, ਮਾਹੌਲ ਉਸਾਰੂ ਤੇ ਸਕਾਰਾਤਮਕ ਬਣਦਾ ਹੈ, ਅਤੇ ਇਸ ਨਾਲ ਗੱਲਬਾਤ ਸਹੀ ਅਰਥਾਂ 'ਚ ਪ੍ਰਭਾਵਸ਼ਾਲੀ ਸਾਬਤ ਹੁੰਦੀ ਹੈ। ਇਸ ਨਾਲ ਤੁਸੀਂ ਬੁਲਾਰੇ ਦੇ ਦ੍ਰਿਸ਼ਟੀਕੋਣ ਨੂੰ ਡੂੰਘਾਈ ਵਿੱਚ ਸਮਝ ਸਕਦੇ ਹੋ ਅਤੇ ਢੁਕਵੇਂ ਜਵਾਬ ਦੇ ਸਕਦੇ ਹੋ, ਜਿਸ ਨਾਲ ਗੱਲਬਾਤ ਦੋਵੇਂ ਧਿਰਾਂ ਲਈ ਲਾਭਕਾਰੀ ਅਤੇ ਅਰਥ ਭਰਪੂਰ ਬਣਦੀ ਹੈ। ਇਸ ਲਈ, ਆਪਣੇ ਸੁਣਨ ਦੇ ਹੁਨਰ ਨੂੰ ਬਿਹਤਰ ਬਣਾਉਣ ਦੀ ਕੋਸ਼ਿਸ਼ ਕਰੋ, ਜਿਸ ਦਾ ਸਾਰਥਕ ਨਤੀਜਾ ਤੁਸੀਂ ਆਪਣੇ ਨਿੱਜੀ ਅਤੇ ਪੇਸ਼ੇਵਰਾਨਾ, ਦੋਵੇਂ ਕਿਸਮ ਦੇ ਰਿਸ਼ਤਿਆਂ ਵਿੱਚ ਨੋਟਿਸ ਕਰੋਂਗੇ।#achievehappily #gurikbalsingh #pixilarstudios For workshop Inquiries and Social media pages, click on the link below : https://linktr.ee/gurikbalsingh Digital Partner: Pixilar Studios https://www.instagram.com/pixilar_studios Enjoy & Stay connected with us!