ਸਾਡੀ ਵਾਰੀ ਆਈ ਪਤੀਲਾ ਖੜਕੇ | Parole during Covid-19 | Surkhab TV ਜਦੋਂ ਦਾ ਕੋਰੋਨਾ ਵਾਇਰਸ ਸ਼ੁਰੂ ਹੋਇਆ ਉਦੋਂ ਤੋਂ ਹੁਣ ਤੱਕ ਦੁਨੀਆਭਰ ਵਿਚ ਅਜਿਹੀਆਂ ਘਟਨਾਵਾਂ ਹੋ ਚੁੱਕੀਆਂ ਹਨ ਜੋ ਪਹਿਲਾਂ ਕਦੇ ਨਹੀਂ ਹੋਈਆਂ। ਅਜਿਹੇ ਵਿਚ ਵੱਖ ਵੱਖ ਦੇਸ਼ਾਂ ਵਿਚ ਸਰਕਾਰਾਂ ਨੇ ਜੇਲਾਂ ਵਿਚ ਬੰਦ ਕੈਦੀਆਂ ਨੂੰ ਪੈਰੋਲਾਂ ਦੇ ਕੇ ਰਿਹਾ ਕੀਤਾ ਹੈ ਤਾਂ ਜੋ ਜੇਲਾਂ ਵਿਚ ਕੋਰੋਨਾ ਨਾ ਫੈਲੇ। ਭਾਵੇਂ ਕਿ ਸਾਰੇ ਕੈਦੀ ਨਹੀਂ ਛੱਡੇ ਜਾ ਰਹੇ ਪਰ ਫਿਰ ਵੀ ਕਾਫੀ ਦੇਸ਼ਾਂ ਵਿਚ ਕੈਦੀਆਂ ਦੀਆਂ ਰਿਹਾਈਆਂ ਕੀਤੀਆਂ ਗਈਆਂ ਹਨ। ਭਾਰਤ ਵਿਚ ਵੀ ਕਈ ਰਾਜਾਂ ਵਿਚ ਕੈਦੀ ਪੈਰੋਲ ਤੇ ਰਿਹਾ ਕੀਤੇ ਗਏ ਹਨ ਤੇ ਪੰਜਾਬ ਵਿਚ ਵੀ ਕੈਦੀਆਂ ਨੂੰ ਜੇਲਾਂ ਚੋਂ ਘਰ ਭੇਜਿਆ ਗਿਆ ਹੈ। ਅਜਿਹੇ ਵਿਚ ਅੱਜ ਦੀ ਖਬਰ ਮਿਲੀ ਹੈ ਕਿ ਡੇਰਾ ਸਿਰਸਾ ਮੁਖੀ ਰਾਮ ਰਹੀਮ ਨੂੰ ਵੀ ਹਰਿਆਣਾ ਸਰਕਾਰ ਪੈਰੋਲ ਦੇਣ ਦੀ ਤਿਆਰੀ ਕਰ ਰਹੀ ਹੈ। ਖਬਰ ਮੀਡੀਆ ਵਿਚ ਆਉਂਦੇ ਹੀ ਸਿੱਖ ਜਗਤ ਵਲੋਂ ਵਿਰੋਧ ਸ਼ੁਰੂ ਹੋ ਚੁੱਕਾ ਹੈ ਤੇ ਜਥੇਦਾਰ ਅਕਾਲ ਤਖ਼ਤ ਗਿਆਨੀ ਹਰਪ੍ਰੀਤ ਸਿੰਘ ਨੇ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਜੇਕਰ ਸੌਧਾ ਅਸਾਧ ਬਾਹਰ ਆਇਆ ਤਾਂ ਮਾਹੌਲ ਖਰਾਬ ਹੋਵੇਗਾ। ਇਸਤੋਂ ਬਾਅਦ ਖਬਰ ਮਿਲੀ ਹੈ ਕਿ ਰਾਮ ਰਹੀਮ ਦੀ ਪੈਰੋਲ ਅਰਜੀ ਰੱਦ ਕਰ ਦਿੱਤੀ ਗਈ ਹੈ। ਪਰ ਸਵਾਲ ਇਹ ਹੈ ਕਿ ਜੇਕਰ ਕੇਂਦਰ ਤੇ ਪੰਜਾਬ ਦੀਆਂ ਸਰਕਾਰਾਂ ਹੋਰਨਾਂ ਕੈਦੀਆਂ ਨੂੰ ਕੋਰੋਨਾ ਕਰਕੇ ਪੈਰੋਲ ਦੇ ਸਕਦੀਆਂ ਹਨ ਤਾਂ ਜੇਲਾਂ ਚ ਬੰਦ ਸਿੱਖ ਕੈਦੀਆਂ ਨੂੰ ਰਿਹਾਈਆਂ ਕਿਉਂ ਨਹੀਂ ਦਿੱਤੀਆਂ ਜਾ ਰਹੀਆਂ ? ਅਜਿਹੇ ਵਿੱਚ ਬੰਦੀ ਸਿੰਘਾਂ ਦਾ ਮਸਲਾ ਜਿਉਂ ਦਾ ਤਿਉਂ ਕਾਇਮ ਹੈ। ਬੰਦੀ ਸਿੰਘਾਂ ਬਾਰੇ ਸਰਕਾਰ ਦਾ ਵਤੀਰਾ ਜਿਉਂ ਦਾ ਤਿਉਂ ਕਾਇਮ ਹੈ। ਜੇਕਰ ਕੋਰੋਨਾ ਵਾਇਰਸ ਦੀ ਓਟ ਵਿਚ ਚੋਰ-ਡਾਕੂ-ਲੁਟੇਰੇ-ਬਲਾਤਕਾਰੀ-ਸਮਗਲਰ-ਕਾਤਿਲ ਛੱਡੇ ਜਾ ਸਕਦੇ ਹਨ ? ਫਿਰ ਬੰਦੀ ਸਿੰਘਾਂ ਦੀ ਰਿਹਾਈ ਨਾ ਹੋਣੀ,ਇਹ ਗੱਲ ਸਪੱਸ਼ਟ ਕਰਦੀ ਹੈ ਕਿ ਸਰਕਾਰਾਂ ਇਹਨਾਂ ਸਿੰਘਾਂ ਬਾਰੇ ਕੀ ਸੋਚ ਰੱਖਦੀਆਂ ਹਨ। ਸਾਰੀ ਦੁਨੀਆ ਨੂੰ ਰਿਹਾਈ ਮਿਲ ਸਕਦੀ ਹੈ ਬੰਦੀ ਸਿੰਘਾਂ ਨੂੰ ਨਹੀਂ '? ਹੋਰ ਤਾਂ ਹੋਰ ਤਾਲਿਬਾਨਾਂ ਨੇ ਬੰਦੀ ਬਣਾਏ ਅਫ਼ਗਾਨ ਫੌਜੀਆਂ ਨੂੰ ਰਿਹਾਅ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਹ ਰਿਹਾਈਆਂ ਤਾਲਿਬਾਨ ਅਮਰੀਕਾ ਵਿਚਕਾਰ ਹੋਏ ਅਮਨ ਸਮਝੌਤੇ ਤਾਹਿਤ ਹੋਈਆਂ ਹਨ। ਬੀਤੇ ਦਿਨੀਂ ਤਾਲਿਬਾਨਾਂ ਨੇ ਬੰਦੀ ਬਣਾਏ ਅਫ਼ਗਾਨੀ ਫੌਜੀਆਂ ਦੇ ਇਕ ਗਰੁੱਪ ਨੂੰ ਕੰਧਾਰ ਵਿਚ ਰੈੱਡ ਕਰਾਸ ਦੇ ਹਵਾਲੇ ਕੀਤਾ ਗਿਆ। ਤਾਲਿਬਾਨ ਤੇ ਅਮਰੀਕਾ ਦੀ ਆਪਸੀ ਜੰਗ ਕਈ ਸਾਲਾਂ ਤੋਂ ਹੈ ਤੇ ਜੇਕਰ ਉਹ ਮੁਲਕ ਆਪਸੀ ਜੰਗ ਦੇ ਬਾਵਜੂਦ ਇੱਕ ਦੂਜੇ ਦੇ ਕੈਦੀ ਛੱਡ ਸਕਦੇ ਹਨ ਤਾਂ ਜੇਲਾਂ ਵਿਚ ਬੰਦ ਸਿੱਖਾਂ ਨੂੰ ਕਿਉਂ ਨਹੀਂ ਛੱਡਿਆ ਜਾ ਸਕਦਾ ? ਜੇਕਰ ਬਲਾਤਕਾਰ-ਕਤਲ ਕੇਸ ਚ ਸਜ਼ਾ ਪ੍ਰਾਪਤ ਰਾਮ ਰਹੀਮ ਨੂੰ ਛੱਡਣ ਲਈ ਸਰਕਾਰ ਪਲੈਨ ਕਰ ਸਕਦੀ ਫਿਰ ਸਿੰਘਾਂ ਵਾਰੀ ਕਿਉਂ ਨਹੀਂ ? ਕੀ ਇਹ ਵਿਤਕਰਾ ਨਹੀਂ ? ਵਕੀਲ ਜਸਪਾਲ ਸਿੰਘ ਮੰਝਪੁਰ ਤੋਂ ਪੱਤਾ ਲੱਗਾ ਹੈ ਕਿ ਜੇਲ ਵਿਚ ਬੰਦ ਭਾਈ ਬਲਬੀਰ ਸਿੰਘ ਬੀਰੇ ਨੂੰ ਪੈਰੋਲ ਦੇਣ ਤੋਂ ਮਨ੍ਹਾਂ ਕਰ ਦਿੱਤਾ ਹੈ। ਇਸਤੋਂ ਇਲਾਵਾ ਭਾਈ ਹਰਨੇਕ ਸਿੰਘ ਭੱਪ ਦੀ ਪੈਰੋਲ ਅਰਜੀ ਰੱਦ ਕਰ ਦਿੱਤੀ ਗਈ ਹੈ ਸਿੱਖ ਸਿਆਸਤ ਦੀ ਖਬਰ ਅਨੁਸਾਰ ਰਾਜਸਥਾਨ ਸਰਕਾਰ ਦੇ ਦਸਤਾਵੇਜਾਂ ਤੋਂ ਪਤਾ ਲੱਗਾ ਹੈ ਕਿ ਸਰਕਾਰ ਵੱਲੋਂ 13 ਅਪ੍ਰੈਲ ਨੂੰ 148 ਕੈਦੀਆਂ ਨੂੰ ਪੈਰੋਲ ਉੱਤੇ ਰਿਹਾਅ ਕਰਨ ਸਬੰਧੀ ਇੱਕ ਹੁਕਮ ਜਾਰੀ ਕੀਤਾ ਗਿਆ ਸੀ। ਇਸ ਹੁਕਮ ਨਾਲ ਉਨ੍ਹਾਂ ਕੈਦੀਆਂ ਦੀ ਸੂਚੀ ਵੀ ਜਾਰੀ ਕੀਤੀ ਗਈ ਸੀ ਜਿਸ ਸੂਚੀ ਵਿੱਚ ਹਰਨੇਕ ਸਿੰਘ ਭੱਪ ਦਾ ਨਾਂ 5ਵੇਂ ਸਥਾਨ ਉੱਪਰ ਸੀ। 13 ਅਪ੍ਰੈਲ ਨੂੰ ਭਾਈ ਹਰਨੇਕ ਸਿੰਘ ਭੱਪ ਦੀ ਰਿਹਾਈ ਸਬੰਧੀ ਹੁਕਮ ਜਾਰੀ ਹੋਣ ਦੇ ਬਾਵਜੂਦ ਵੀ ਜੈਪੁਰ ਜੇਲ੍ਹ ਪ੍ਰਸ਼ਾਸਨ ਵੱਲੋਂ ਉਨ੍ਹਾਂ ਨੂੰ ਰਿਹਾਅ ਨਹੀਂ ਕੀਤਾ ਗਿਆ ਜਦਕਿ ਉਕਤ ਸੂਚੀ ਵਿੱਚ ਸ਼ਾਮਲ ਹੋਰਨਾਂ ਕੈਦੀਆਂ ਨੂੰ 4 ਹਫਤੇ ਦੀ ਖਾਸ ਪੈਰੋਲ ਉੱਤੇ ਛੱਡ ਦਿੱਤਾ ਗਿਆ। ਵਕੀਲ ਜਸਪਾਲ ਸਿੰਘ ਮੰਝਪੁਰ ਨੇ ਅੱਗੇ ਕਿਹਾ ਕਿ ਉਨ੍ਹਾਂ ਵੱਲੋਂ ਭਾਈ ਹਰਨੇਕ ਸਿੰਘ ਭੱਪ ਦੀ ਪਰੋਲ ਜਾਰੀ ਕਰਵਾਉਣ ਲਈ ਰਾਜਸਥਾਨ ਹਾਈ ਕੋਰਟ ਕੋਲ ਪਹੁੰਚ ਕੀਤੀ ਜਾਵੇਗੀ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/LKEZ2aLAFgr8KgdVHX2lvO ** Subscribe and Press Bell Icon also to get Notification on Your Phone **