ਔਰੰਗਜ਼ੇਬ ਦੀ ਕਬਰ | Tomb of Mughal Emperor Aurangzeb ਇਹ ਸੱਚੀ ਘਟਨਾ ਹੈ ਜੋ ਪੰਥ ਰਤਨ ਗਿਆਨੀ ਸੰਤ ਸਿੰਘ ਮਸਕੀਨ ਹੁਰਾਂ ਵਲੋਂ ਸੁਣਾਈ ਗਈ ਸੀ। ਮਸਕੀਨ ਜੀ ਅਨੁਸਾਰ ਕੁਛ ਅਰਸਾ ਹੋਇਆ,ਮੈਨੂੰ ਔਰੰਗਾਬਾਦ ਜਾਣ ਦਾ ਮੌਕਾ ਮਿਲਿਆ। ਉਝ ਗਾਹੇ-ਬਗਾਹੇ ਜਦ ਹਜ਼ੂਰ ਸਾਹਿਬ ਜਾਈਦਾ ਓਥੋਂ ਦੀ ਜਾਣਾ ਹੁੰਦਾ ਹੈ। ਇੱਕ ਦਫਾ ਪ੍ਰਬੰਧਕ ਕਹਿਣ ਲੱਗੇ ਕਿ ਗਿਆਨੀ ਜੀ ਇਥੋਂ 7-8 ਕਿਲੌਮੀਟਰ ਦੀ ਦੂਰੀ ਤੇ ਖੁਲਦਾਬਾਦ ਵਿੱਚ ਔਰੰਗਜ਼ੇਬ ਦੀ ਕਬਰ ਹੈ,ਜੇ ਆਖੌ ਤਾ ਤੁਹਾਨੂੰ ਦਿਖਾ ਲਿਆਈਏ। ਭਾਵੇਂ ਕਿਸੇ ਵਕਤ ਮੈਂ ਉਧਰੌਂ ਲੰਘਿਆ ਸੀ ਤੇ ਦੇਖੀ ਸੀ ਪਰ ਫਿਰ ਤਮੰਨਾ ਜਾਗੀ ਕਿ ਚਲੌ ਦੇਖ ਆਈਏ। ਅਸੀ ਉਥੇ ਪੁਹੰਚੇ। ਖਵਾਜਾ ਮੁਈਉਨਦੀਨ ਚਿਸ਼ਤੀ ਜੌ ਅਜਮੇਰ ਸਰੀਫ ਵਾਲੇ ਨੇ,ਉਨਾ ਦੇ ਪੜਪੌਤਰੇ ਦੇ ਮਕਬਰੇ ਦੇ ਨੇੜੇ ਹੀ ਔਰੰਗਜ਼ੇਬ ਦੀ ਕੱਚੀ ਕਬਰ ਹੈ। ਹੁਣ ਤੇ ਨਿਜ਼ਾਮ ਹੈਦਰਾਬਾਦ ਨੇ ਚਾਰੇ ਪਾਸਿਉ ਸੰਗਮਰਮਰ ਦੀ ਜਾਲੀ ਲਗਵਾ ਦਿੱਤੀ ਹੈ। ਇਹ ਕਬਰ ਮੈਂ ਦੇਖੀ। ਉਥੇ ਸਾਹਮਣੇ ਪੱਥਰ ਦੀ ਤਖਤੀ ਤੇ ਕੁਝ ਸੇਅਰ ਲਿਖੇ ਹੌਏ ਸਨ ਤੇ ਉਸ ਵਕਤ ਦਾ ਕੁਝ ਥੌੜਾ ਬਹੁਤ ਇਤਿਹਾਸ ਸੀ,ਉਹ ਮੈਂ ਨੌਟ ਕੀਤਾ। ਮੈਂ ਜਿਉਂ ਹੀ ਚੱਲਣ ਲੱਗਾ ਤਾਂ ਉਸ ਕਬਰ ਦੀ ਸਾਂਭ-ਸੰਭਾਲ ਲਈ ਜਿਹੜਾ ਮਜੌਰ ਬੈਠਾ ਸੀ, ਮੈਨੂੰ ਕਹਿਣ ਲੱਗਾ ਕਿ ਸਰਦਾਰ ਜੀ ਕੁਝ ਪੈਸੇ ਦੇ ਕੇ ਜਾਉ। ਮੈਂ ਪੁਛਿਆ ਕਿ ਤੁਹਾਡੀ ਉਪਜੀਵਕਾ ਦਾ ਕੌਈ ਮਸਲਾ ਹੈ ? ਕਹਿਣ ਲੱਗਾ ਨਹੀ। ਇੱਥੇ ਜਿਹੜੇ ਜ਼ਹਰੀਨ ਆਉਦੇਂ ਨੇ, ਤੁਹਾਡੇ ਜੈਸੇ ਲੌਕ ਆਉਦੇ ਨੇ, ਸਾਨੂੰ ਕੁਝ ਦੇ ਕੇ ਜਾਦੇਂ ਨੇ, ਅਸੀ ਫਿਰ ਰਾਤ ਨੂੰ ਉਨਾ ਪੈਸਿਆ ਦਾ ਤੇਲ ਲਿਆ ਕੇ ਇੱਥੇ ਦੀਵਾ ਜਗਾਉਣਾ ਹੁੰਦਾ ਹੈ। ਇਸ ਲਈ ਤੇਲ ਵਾਸਤੇ ਕੁਝ ਪੈਸੇ ਚਾਹੀਦੇ ਨੇ। ਤੁਸੀ ਸਾਨੂੰ ਤੇਲ ਵਾਸਤੇ ਕੁਝ ਪੈਸੇ ਦੇ ਕੇ ਜਾਉ। ਮੈਂ ਜੇਬ ਵਿੱਚੌ ਕੁਝ ਪੈਸੇ ਕੱਢੇ ਤੇ ਵਿਅੰਗ ਨਾਲ ਆਖਿਆ --- ਆਹ ਲੈ, ਲੈ ਲਵੀ ਤੇਲ, ਜਲਾ ਲਵੀ ਔਰੰਗਜ਼ੇਬ ਦੀ ਕਬਰ ਤੇ ਦੀਵਾ। ਆਪਣੀ ਡਾਇਰੀ ਵਿੱਚ ਮੈਂ ਉਸ ਦੇ ਉਹ ਬੌਲ ਮੈਂ ਨੌਟ ਕੀਤੇ ਕਿ ਕਿਧਰੇ ਮੈਂ ਭੁੱਲ ਨਾ ਜਾਂਵਾ। ਔਰ ਮੇਰੇ ਅੰਦਰੌ ਇਹ ਅਵਾਜ਼ ਨਿਕਲੀ ਕਿ ਐ ਔਰੰਗਜ਼ੇਬ ਤੇਰੀ ਕਬਰ ਤੇ ਰਾਤ ਨੂੰ ਦੀਵਾ ਜਗਾਉਣਾ ਹੌਵੇ ਤਾਂ ਤੇਰੀ ਕਬਰ ਤੇ ਬੈਠਾ ਮਜ਼ੌਰ ਆਏ ਹੌਏ ਯਾਤਰੂਆਂ ਕੌਲੌ ਪੈਸੇ ਮੰਗਦਾ ਪਰ ਜਿਸ ਸਤਿਗੁਰੂ ਨੂੰ ਤੂੰ ਦਿੱਲੀ ਦੇ ਚਾਂਦਨੀ ਚੌਕ ਵਿੱਚ ਸ਼ਹੀਦ ਕੀਤਾ, ਜਿੰਨਾ ਸਾਹਿਬਜ਼ਾਦਿਆ ਨੂੰ ਤੂੰ ਸਰਹੰਦ ਅੰਦਰ ਦੀਵਾਰਾਂ ਵਿੱਚ ਚਿਣਵਾਇਆ,ਜਾ ਕੇ ਉਥੇ ਵੇਖ,ਮਾਇਆ ਦੇ ਦਰਿਆ ਪਏ ਵਗਦੇ ਨੇ। ਭੁੱਖਿਆ ਨੂੰ ਲੰਗਰ ਪਿਆ ਮਿਲਦਾ ਏ। ਦਿਨ ਰਾਤ ਕਥਾ ਕੀਰਤਨ ਦੇ ਪ੍ਰਵਾਹ ਪਏ ਚੱਲਦੇ ਨੇ। ਲੌਕੀਂ ਸੁਣ ਸੁਣ ਕੇ ਰੱਬੀ ਸਰੂਰ ਪਏ ਮਾਣਦੇ ਨੇ। ਔਰ ਇਹ ਸਭ ਕੁਝ ਵੇਖ ਕੇ ਕਹਿਣਾ ਪੈਦਾ ਹੈ ਕੂੜ ਨਿਖੁਟੇ ਨਾਨਕਾ ਓੜਕਿ ਸਚਿ ਰਹੀ ॥੨॥ (ਅੰਗ 953) ਸੱਚ ਨੇ ਹਮੇਸ਼ਾ ਕਾਇਮ ਰਹਿਣਾ ਹੈ। ਸੱਚ ਦੀ ਅਵਾਜ਼ ਨੇ ਹਮੇਸਾ ਗੂੰਜਦੇ ਰਹਿਣਾ ਹੈ। ਕੂੜ ਅੰਤ ਹਾਰਦਾ ਹੀ ਹਾਰਦਾ ਹੈ। ਜਿਸ ਔਰੰਗਜ਼ੇਬ ਨੇ ਕਦੇ ਸਤਿਗੁਰ ਸੱਚੇ ਪਾਤਸ਼ਾਹ ਨੌਵੇਂ ਗੁਰੂ ਨਾਨਕ ਨੂੰ ਸ਼ਹੀਦ ਕੀਤਾ,ਜਿਸਨੇ ਛੋਟੀਆਂ ਜਿੰਦਾ ਨੂੰ ਜਿਓਂਦੇ ਨੀਹਾਂ ਵਿਚ ਚਿਣਵਾਇਆ ਉਹਨਾਂ ਦੇ ਅਸਥਾਨਾਂ ਤੇ ਦੁਨੀਆ ਸਜਦੇ ਕਰਦੀ ਪਰਮਾਤਮਾ ਨਾਲ ਮਿਪਾਲ ਦਾ ਰਾਹ ਬਣਾਉਂਦੀ ਹੈ ਤੇ ਦੂਜੇ ਪਾਸੇ ਔਰੰਗਜ਼ੇਬ ਦੀ ਕਬਰ ਤੇ ਦੀਵਾ ਜਗਾਉਣ ਵਾਲਾ ਵੀ ਕੋਈ ਨਹੀਂ ਜੋ ਲੋਕਾਂ ਕੋਲੋਂ ਮੰਗਕੇ ਦੀਵੇ ਵਿਚ ਤੇਲ ਲਈ ਪੈਸੇ ਇਕੱਠੇ ਕੀਤੇ ਜਾਂਦੇ ਹਨ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/LKEZ2aLAFgr8KgdVHX2lvO ** Subscribe and Press Bell Icon also to get Notification on Your Phone **