Modern ਹੁੰਦੇ ਹੁੰਦੇ ਆਪਣੇ ਸਿਧਾਂਤ ਹੀ ਭੁਲਾ ਦਿੱਤੇ !! ਕਲ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ਤੇ ਘੁੱਮ ਰਹੀ ਹੈ ਜਿਸ ਵਿਚ ਕੁੜੀ ਮੁੰਡੇ ਵਲੋਂ ਆਨੰਦ ਕਾਰਜ ਕੁਰਸੀਆਂ ਤੇ ਬਹਿਕੇ ਕਰਵਾਇਆ ਗਿਆ। ਗੁਰੂ ਮਹਾਰਾਜ ਦੀ ਹਜ਼ੂਰੀ ‘ਚ ਕੁਰਸੀਆਂ ‘ਤੇ ਬਹਿ ਕੇ ਅਨੰਦ ਕਾਰਜ ਕਰਵਾਉਣ ਵਾਲੀ ਵੀਡੀਓ ਓਕਵਿਲ, ਓਂਟਾਰੀਓ (ਕੈਨੇਡਾ) ਦੇ ਗੁਰਦੁਆਰਾ ਸਾਹਿਬ ਦੀ ਦੱਸੀ ਜਾ ਰਹੀ ਹੈ। ਬਹੁਤ ਸਾਰੇ ਲੋਕ ਇਸਦਾ ਬੁਰਾ ਮਨਾ ਰਹੇ ਹਨ ਤੇ ਬਹੁਤਿਆਂ ਨੂੰ ਲੱਗੇਗਾ ਕਿ ਕੀ ਲੋਹੜਾ ਆ ਗਿਆ? ਜਿਵੇਂ ਕਿ ਵੀਡੀਓ ਵਿਚ ਦੇਖ ਸਕਦੇ ਹੋ ਕਿ ਮੁੰਡੇ ਕੁੜੀ ਵਲੋਂ ਗੁਰੂ ਗਰੰਥ ਸਾਹਿਬ ਜੀ ਦੇ ਸਾਹਮਣੇ ਕੁਰਸੀਆਂ ਤੇ ਬਹਿਕੇ ਆਨੰਦ ਕਾਰਜ ਦੀ ਰਸਮ ਅਦਾ ਕੀਤੀ ਗਈ। ਇਸ ਆਨੰਦ ਕਾਰਜ ‘ਚ ਅਜਿਹਾ ਕਰਨਾ ਮੁੰਡੇ-ਕੁੜੀ ਦੀ ਲੋੜ ਸੀ ਜਾਂ ਮਾਪਿਆਂ ਵੱਲੋਂ “ਗੁਰਦੁਆਰੇ ਹੀ ਵਿਆਹ ਕਰਨ” ਦੀ ਜ਼ਿੱਦ ਪੂਰੀ ਕਰਨ ਲਈ ਕੱਢਿਆ ਵਿਚਕਾਰਲਾ ਰਾਹ, ਪਰ ਇਹ ਸਹੀ ਨਹੀਂ ਜਾਪਿਆ। ਵੈਸੇ ਤਾਂ ਅਨੰਦ ਕਾਰਜ ਸਿਰਫ ਗੁਰਸਿੱਖ ਦਾ ਹੀ ਹੋ ਸਕਦਾ ਪਰ ਫਿਰ ਵੀ ਡਿਗਦੇ ਡਿਗਦੇ ਏਨੇ ਨਾ ਡਿਗੀਏ ਕਿ ਨਿਵਾਣ ਹੀ ਛੋਹ ਜਾਈਏ। ਜਾਣਕਾਰੀ ਲਈ ਦੱਸ ਦਈਏ ਕਿ ਅਨੰਦ ਕਾਰਜ ਖੜ੍ਹੇ ਹੋ ਕੇ ਵੀ ਹੋ ਸਕਦੇ ਹਨ। ਇਹ ਮਰਿਆਦਾ ਦੇ ਉਲਟ ਨਹੀਂ। ਜੇ ਨਹੀਂ ਬਹਿ ਸਕਦੇ ਤਾਂ ਖੜ੍ਹੇ ਰਹਿ ਕੇ ਲਾਵਾਂ ਦਾ ਪਾਠ ਸੁਣ ਲਓ, ਅਦਬ ਤੇ ਸਤਿਕਾਰ ਨਾਲ ਤੇ ਮਹਾਰਾਜ ਅੱਗੇ ਘੰਟਾ ਬਹਿ ਕੇ ਸ਼ਗਨ ਪਵਾਉਣੇ ਵੀ ਕੋਈ ਜ਼ਰੂਰੀ ਨਹੀਂ। ਨਾ ਪਵਾਓ ਸ਼ਗਨ ਜਾਂ ਬਾਹਰ ਜਾ ਕੇ ਪਵਾ ਲਓ। ਜੇ ਬੱਚਿਆਂ ਨੂੰ ਸੰਸਕਾਰ ਨਹੀਂ ਸਿਖਾ ਸਕੇ ਤਾਂ ਆਪਣੀ ਗਲਤੀ ਕਬੂਲੋ। ਉਹ ਸੰਸਕਾਰ ਉਨ੍ਹਾਂ ‘ਤੇ ਵਿਆਹ ਵਾਲੇ ਦਿਨ ਨਾ ਥੋਪੋ, ਜਿਹੜੇ ਤੁਸੀਂ ਉਨ੍ਹਾਂ ਨੂੰ ਦਿੱਤੇ ਜਾਂ ਸਿਖਾਏ ਹੀ ਨਹੀਂ। ਬਾਕੀ ਜਿਨ੍ਹਾਂ ਬੱਚਿਆਂ ਨੂੰ ਮਰਿਆਦਾ ਜਾਂ ਅਸੂਲਾਂ ਦੀ ਪਰਵਾਹ ਹੈ, ਉਹ ਆਪੇ ਵਿਆਹ ਤੋਂ ਪਹਿਲਾਂ ਗੂਗਲ ਕਰਕੇ, ਹੋਰ ਵਿਆਹਾਂ ਦੀਆਂ ਵੀਡੀਓਜ਼ ਦੇਖ ਕੇ ਜਾਂ ਵਿਆਹਾਂ ‘ਚ ਸ਼ਮੂਲੀਅਤ ਕਰਕੇ ਸਿੱਖ ਲੈਂਦੇ ਹਨ ਕਿ ਅਨੰਦ ਕਾਰਜ ਕਿੱਦਾਂ ਹੋਣਾ। ਸਮਝ ਨਹੀਂ ਆ ਰਹੀ ਕਿ ਆਨੰਦ ਕਾਰਜ ਕਰਵਾਉਣ ਵਾਲੇ ਇਹ ਗ੍ਰੰਥੀ ਸਿੰਘ ਤੇ ਰਾਗੀ ਸਿੰਘ ਇਹ ਸਭ ਕਿੱਦਾਂ ਕਬੂਲ ਕਰ ਗਏ? ਗੁਰਦਵਾਰਿਆਂ ਵਿਚ ਕੁਰਸੀਆਂ ਲੱਗਣੀਆਂ,ਲੰਗਰ ਵਿਚ ਕੁਰਸੀਆਂ ਲੱਗਣੀਆਂ ਤੇ ਹੁਣ ਆਨੰਦ ਕਾਰਜ ਦੀ ਰਸਮ ਵੀ ਕੁਰਸੀਆਂ ਤੇ ਬਹਿਕੇ ਕਰਨੀ,ਮੋਡਰਨ ਇਹਨੇ ਵੀ ਨਾ ਹੋ ਜਾਈਏ ਕਿ ਗੁਰੂ ਦਾ ਸਿਧਾਂਤ ਹੀ ਭੁੱਲ ਜਾਏ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV ** Subscribe and Press Bell Icon also to get Notification on Your Phone **