#23March1931 #BhagatSingh #KuljetDhatt Bhagat Singh ਦੇ ਵਾਰਸੋ !! ਭਗਤ ਸਿੰਘ ਦਾ ਭਾਣਜਾ ਕੁਲਜੀਤ ਸਿੰਘ ਢੱਟ ਯਾਦ ਹੈ ?? ਅੱਜ 23 ਮਾਰਚ ਹੈ ਭਗਤ ਸਿੰਘ,ਰਾਜਗੁਰੂ ਤੇ ਸੁਖਦੇਵ ਦਾ ਸ਼ਹੀਦੀ ਦਿਨ। ਅੱਜ ਦੇ ਦਿਨ 1931 ਨੂੰ ਇਹਨਾਂ ਤਿੰਨਾਂ ਨੂੰ ਅੰਗਰੇਜ ਹਕੂਮਤ ਨੇ ਫਾਂਸੀ ਤੇ ਚੜਾਇਆ ਸੀ। ਅੱਜ ਬੜੇ ਲੋਕ ਖਟਕੜ ਕਲਾਂ ਵਿਚ ਜਾਂ ਆਪੋ-ਆਪਣੀ ਥਾਂ ਤੋਂ ਹੀ ਸਰਦਾਰ ਭਗਤ ਸਿੰਘ ਤੇ ਉਹਦੇ ਨਾਲ ਫਾਂਸੀ ਚੜ੍ਹਨ ਵਾਲਿਆਂ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕਰਨਗੇ। ਲਾਜਮੀ ਇਹ ਲੋਕ ਸ.ਭਗਤ ਸਿੰਘ ਦੀ ਭਾਰਤ ਨੂੰ ਆਜ਼ਾਦ ਕਰਵਾਉਣ ਲਈ ਘਾਲਣਾ ਨੂੰ ਸਲਾਮੀਆਂ ਦੇਣਗੇ। ਇਹ ਲੋਕ ਅੰਗਰੇਜ ਹਕੂਮਤ ਨੂੰ ਲਾਹਣਤਾਂ ਪਾਉਣਗੇ ਕਿ ਉਹ ਜੁਲਮ ਕਰਦੀ ਸੀ। ਇਹ ਲੋਕ ਮੌਜੂਦਾ ਭਾਰਤੀ ਨਿਜਾਮ ਦੇ ਸੋਹਿਲੇ ਵੀ ਗਾਉਣਗੇ ਪਰ ਇਹ ਲੋਕ ਇਹ ਨਹੀ ਕਹਿਣਗੇ ਕਿ ਜਿਹੋ ਜਿਹੇ ਜੁਲਮ ਅੰਗਰੇਜ ਹਾਕਮ ਕਰਦੇ ਰਹੇ,ਉਹਦੇ ਨਾਲੋਂ ਵੀ ਭੈੜੇ ਜੁਲਮ ਹੁਣ ਦੀਆਂ ਸਰਕਾਰਾਂ ਵੀ ਤਾਂ ਕਰਦੀਆਂ ਹਨ। ਜੇ ਸ.ਭਗਤ ਸਿੰਘ ਦੇ ਬੁੱਤ ਵਿਚ ਜਾਨ ਪੈ ਜਾਵੇ ਤਾਂ ਇੰਨਾਂ ਸਭ ਲੋਕਾਂ ਨੂੰ ਪੁੱਛੇ ਕਿ ਜਦ ਇਸ ਮੁਲਕ ਦੇ ਨਿਜਾਮ ਨੇ ਮੇਰੇ ਸਕੇ ਭਾਣਜ-ਜਵਾਈ ਨੂੰ ਬਗੈਰ ਗੱਲ ਤੋਂ ਕਤਲ ਕੀਤਾ ਤਾਂ ਤੁਸੀਂ ਉਸੇ ਮੁਲਕ ਦੇ ਕਿਵੇਂ ਸੋਹਿਲੇ ਗਾਈ ਜਾਨੇ ਹੋਂ? ਸ.ਭਗਤ ਸਿੰਘ ਲਾਜਮੀ ਪੁੱਛੇ ਕਿ ਵੱਡਿਓ ਦੇਸ਼ਭਗਤੋ! ਆਮ ਬੇਦੋਸ਼ੇ ਸਿਖਾਂ ਦੇ ਕਤਲੇਆਮ ਮੌਕੇ ਤਾਂ ਦੜ ਵੱਟੀ ਹੀ ਰੱਖਦੇ ਹੋ ਤੇ ਜਾਲਿਮਾਂ ਦੇ ਹੱਕ ਵਿਚ ਖੜ੍ਹਦੇ ਹੋਂ,ਤੁਸੀਂ ਤਾਂ ਮੇਰੇ ਬੇਦੋਸ਼ੇ ਭਾਣਜ-ਜਵਾਈ ਦੇ ਕਾਤਲਾਂ ਦੀ ਹਮਾਇਤ ਵਿਚ ਵੀ ਭੁਗਤ ਗਏ ?? 23 ਮਾਰਚ ਤਾਂ ਲੱਗਪਗ ਸਾਰਿਆਂ ਨੂੰ ਯਾਦ ਹੀ ਹੁੰਦਾ ਪਰ 23 ਜੁਲਾਈ 1989 ਕਿੰਨਿਆਂ'ਚ ਕੁ ਨੂੰ ਯਾਦ ਹੈ ? ਜਦੋਂ ਸ਼ਹੀਦ ਭਗਤ ਸਿੰਘ ਦੇ ਨਜ਼ਦੀਕੀ ਰਿਸ਼ਤੇਦਾਰ (ਭਾਜਣ ਜਵਾਈ) ਸ:ਕੁਲਜੀਤ ਸਿੰਘ ਢੱਟ ਨੂੰ ਝੂਠੇ ਪੁਲਿਸ ਮੁਕਾਬਲੇ 'ਚ ਸ਼ਹੀਦ ਕਰ ਦਿੱਤਾ ਸੀ। ਇਹ ਤਸਵੀਰ ਦਿਖਾਓ ਸ਼ਹੀਦ ਭਗਤ ਸਿੰਘ ਦੀ ਸੋਚ ਤੇ ਪਹਿਰਾ ਦੇਣ ਵਾਲਿਆਂ ਨੂੰ ਅਤੇ ਪੁੱਛੋਂ ਕਿ ਪਹਿਚਾਣ ਦੇ ਹੋ ਇਹ ਕੌਣ ਹੈ? ਇਸ ਨੂੰ 1989 'ਚ ਕਿਸ ਨੇ ਸ਼ਹੀਦ ਕੀਤਾ ? ਕੀ ਛੋਟੇ-ਛੋਟੇ ਤਿੰਨ ਬੱਚਿਆਂ ਦੇ ਪਿਉ ਨੂੰ ਸ਼ਹੀਦ ਕਰਨ ਅੰਗਰੇਜ਼ ਦੋਬਾਰਾ ਆਏ ਸੀ ? ਅੰਗਰੇਜ਼ਾਂ ਨੇ ਕਤਲ ਦੇ ਦੋਸ਼ 'ਚ ਭਗਤ ਸਿੰਘ ਨੂੰ ਫ਼ਾਂਸੀ ਦਿੱਤੀ ਸੀ ਉਹ ਸਾਨੂੰ ਅੱਜ ਤੱਕ ਨਹੀੰ ਭੁੱਲਦੀ। ਪਰ ਭਾਰਤੀ ਸਟੇਟ ਦੀ ਪੁਲਿਸ ਨੇ ਭਗਤ ਸਿੰਘ ਦੇ ਭਾਣਜੇ ਕੁਲਜੀਤ ਸਿੰਘ ਢੱਟ ਨੂੰ ਬਿਨਾਂ ਕਿਸੇ ਕਸੂਰ ਤੋਂ ਅੰਨ੍ਹਾਂ ਤਸ਼ੱਦਦ ਕਰਕੇ ਸ਼ਹੀਦ ਕਰ ਦਿੱਤਾ ਉਸ ਦਾ ਜ਼ਿਕਰ ਕਿੳੇੁ ਨਹੀੰ ਕਰਦੇ? ਪੁਲਿਸ ਵਲੋਂ ਸ.ਕੁਲਜੀਤ ਸਿੰਘ ਨੁੰ 23 ਜੁਲਾਈ 1989 ਨੂੰ ਕੁਝ ਹੋਰ ਵਿਅਕਤੀਆਂ ਸਮੇਤ ਚੁੱਕ ਲਿਆ ਗਿਆ ਸੀ। ਬਾਅਦ ਵਿੱਚ ਪੁਲਿਸ ਵਲੋਂ ਕਿਹਾ ਗਿਆ ਕਿ ਕੁਲਜੀਤ ਸਿੰਘ ਢੱਟ ਹਥਿਆਰ ਬਰਾਮਦਗੀ ਲਈ ਲਿਜਾਣ ਵੇਲੇ ਹਥਕੜੀਆਂ ਤੋੜ ਕੇ ਬਿਆਸ ਦਰਿਆ ਰਾਹੀਂ ਭੱਜ ਨਿਕਲਿਆ ਹੈ। ਪਰ ਪਰਿਵਾਰ ਦਾ ਦੋਸ਼ ਹੈ ਕਿ ਪੁਲਿਸ ਵਾਲਿਆਂ ਨੇ ਖੁਦ ਕਿਹਾ ਸੀ ਕਿ ‘‘ਢੱਟ ਦਾ ਕੰਮ ਕਰ ਦਿਤਾ ਹੈ’’ ਭਾਵ ਮਾਰ ਦਿੱਤਾ ਹੈ। ਮਾਮਲੇ ਦੇ ਗਵਾਹਾਂ ਅਨੁਸਾਰ ਢੱਟ ਨੂੰ ਪੁਲਿਸ ਵਲੋਂ ਦਿਤੇ ਬੇਥਾਹ ਤਸੀਹੇ ਸਾਫ ਦੇਖੇ ਜਾ ਸਕਦੇ ਸਨ। ਉਸ ਵੇਲੇ ਤੋਂ ਅੱਜ ਤਕ ਢੱਟ ਦੀ ਲਾਸ਼ ਤਕ ਨਹੀਂ ਮਿਲੀ। ਸ਼ਹੀਦ ਭਗਤ ਸਿੰਘ ਨੂੰ ਆਪਣਾ ਅਦਾਰਸ਼ ਮੰਨਣ ਵਾਲਿਓ ਤੁਹਾਡਾ ਇਹ ਦਿਖਾਵਾ ਬਿਲਕੁਲ ਝੂਠਾ ਹੈ। ਗੁਲਾਮੀ ਚਾਹੇ ਅੰਗਰੇਜ਼ਾਂ ਦੀ ਸੀ, ਚਾਹੇ ਹੁਣ ਭਾਰਤ ਦੀ ਹੈ, ਗੁਲਾਮੀ ਤਾਂ ਗੁਲਾਮੀ ਹੈ। ਭਗਤ ਸਿੰਘ ਤੁਹਾਨੂੰ ਵੱਡੇ ਇਨਕਲਾਬੀਆਂ ਨੂੰ ਪੁੱਛੇਗਾ ਕਿ ਕਦੇ ਕਿਹਾ ਕਿ ਇਹ ਹਕੂਮਤ ਗਲਤ ਹੈ ਜਿਹੜੀ ਬੇਦੋਸ਼ੇ ਲੋਕਾਂ ਦਾ ਕਤਲੇਆਮ ਕਰਵਾਂਉਂਦੀ ਹੈ। ਇਹ ਨਿਜਾਮ ਤਾਂ ਕਾਤਲ-ਦਰਿੰਦਆਂ ਖਿਲਾਫ ਕਾਨੂੰਨੀ ਲੜਾਈ ਲੜ ਰਹੇ ਲੋਕਾਂ ਦਾ ਲਹੂ ਪੀ ਰਿਹਾ ਹੁੰਦਾ ਹੈ ਤੇ ਤੁਸੀਂ ਏਥੇ ਮੇਰੇ ਬੁੱਤ ਤੇ ਫੁੱਲ ਚੜ੍ਹਾਈ ਜਾਂਦੇ ਹੋਂ! ਸ.ਭਗਤ ਸਿੰਘ ਉਨਾਂ ਲੋਕਾਂ ਦੀਆਂ ਸ਼ਰਧਾਂਜਲੀਆਂ ਦਾ ਭੁੱਖਾ ਨਹੀ ਜਿਹੜੇ ਜੁਲਮ ਦੇ ਹਮਾਇਤੀ ਨੇ। ਜਿਹੜੇ ਜੁਲਮ ਖਿਲਾਫ ਜੂਝਦੇ ਨੇ ਉਨਾਂ ਨੂੰ ਭਗਤ ਸਿੰਘ ਖੁਦ ਸਲਾਮੀਆ ਦਿੰਦਾ ਹੈ! ਨੌਜਵਾਨੋ! ਉਨਾਂ ਦਾ ਖਹਿੜਾਂ ਛੱਡੋ ਜਿਹੜੇ ਜਾਲਿਮ ਹਕੂਮਤ ਦੇ ਹੱਕ ਵਿਚ ਖੜ੍ਹੇ ਨੇ ਤੇ ਸ.ਭਗਤ ਸਿੰਘ ਦੇ ਵਾਰਿਸ ਹੋਣ ਦਾ ਭੇਖ ਕਰਦੇ ਨੇ। ਕਲਗੀਧਰ ਦੇ ਲਾਲ ਬਣਕੇ ਮਨੁਖਤਾ ਲਈ ਕੁਝ ਐਸਾ ਕਰੋ ਕਿ ਸ.ਭਗਤ ਸਿੰਘ ਤੁਹਾਨੂੰ ਸਲਾਮੀ ਦੇਣ ਲਈ ਤੁਹਾਡੇ ਮਗਰ ਤੁਰਿਆ ਫਿਰੇ ! (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV ** Subscribe and Press Bell Icon also to get Notification on Your Phone **