ਜਾਣੋ Chawla-Sirsa ਦੀ ਵਾਇਰਲ ਫੋਟੋ ਦਾ ਕੀ ਹੈ ਸੱਚ ?? ਇਹਨੀਂ ਦਿਨੀਂ ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਅਤੇ ਪਾਕਿਸਤਾਨ ਤੋਂ ਗੋਪਾਲ ਸਿੰਘ ਚਾਵਲਾ ਦੀ ਵਾਇਰਲ ਹੋਈ ਫੋਟੋ ਤੇ ਵਿਵਾਦ ਲਗਾਤਾਰ ਚਲ ਰਿਹਾ ਹੈ ਜਿਸ ਬਾਰੇ ਸਿਰਸਾ ਖੁਦ ਨੂੰ ਸਹੀ ਸਾਬਿਤ ਕਰਨ ਲਈ ਜ਼ੋਰ ਲਾ ਰਹੇ ਹਨ ਕਿ ਉਹ ਦੇਸ਼੍ਪ੍ਰਸ੍ਤ ਹਨ,ਕਿਸੇ ਅੱਤਵਾਦੀ ਨਾਲ ਯਾਨੀ ਚਾਵਲਾ ਨਾਲ ਉਹਨਾਂ ਦਾ ਕੋਈ ਸਰੋਕਾਰ ਨਹੀਂ। ਸਿਰਸਾ ਨੇ ਚਾਵਲਾ ਨਾਲ ਆਪਣੀ ਵਾਇਰਲ ਹੋਈ ਤਸਵੀਰ 'ਤੇ ਸਪਸ਼ਟੀਕਰਨ ਦਿੰਦਿਆਂ ਉਸਨੂੰ ਸਿਰੇ ਤੋਂ ਖਾਰਜ ਕਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਭ ਇੱਕ ਸੋਚੀ ਸਮਝੀ ਸਾਜ਼ਿਸ਼ ਤਹਿਤ ਕੀਤਾ ਜਾ ਰਿਹਾ ਹੈ। ਸਿਰਸਾ ਨੇ ਸਫਾਈ ਦਿੰਦਿਆਂ ਕਿਹਾ ਕਿ ਉਹ ਇਕ ਕਮਰੇ ਵਿਚ ਬੈਠ ਕੇ ਚਾਹ ਪੀ ਰਹੇ ਸਨ ਪਰ ਉਥੇ ਅਚਾਨਕ ਚਾਵਲਾ ਪਹੁੰਚ ਗਿਆ ਤੇ ਮੁਲਾਕਾਤ ਕਰਨ ਲਈ ਆਖਣ ਲੱਗਾ। ਜਿਸ ਪਿੱਛੋਂ ਸਿਰਸਾ ਉੱਠ ਕੇ ਉੱਥੋਂ ਚਲੇ ਗਏ ਪਰ ਚਾਵਲਾ ਦੇ ਗੰਨਮੈਨ ਨੇ ਸ਼ਰਾਰਤ ਨਾਲ ਉਨ੍ਹਾਂ ਦੀ ਚਾਵਲਾ ਨਾਲ ਫੋਟੋ ਖਿੱਚ ਲਈ। ਉਨ੍ਹਾਂ ਨੇ ਚਾਵਲਾ ਨਾਲ ਕੋਈ ਮੁਲਾਕਾਤ ਨਹੀਂ ਕੀਤੀ। ਸਿਰਸਾ ਨੇ ਕਿਹਾ ਕਿ ਇਹ ਜਾਣ ਬੁੱਝ ਕੇ ਉਨ੍ਹਾਂ ਦਾ ਅਕਦ ਵਿਗਾੜਨ ਅਤੇ ਲੋਕਾਂ ਦਾ ਧਿਆਨ ਭਟਕਾਉਣ ਦੀ ਵਜ੍ਹਾ ਨਾਲ ਕੀਤਾ ਜਾ ਰਿਹਾ ਹੈ। ਦੂਜੇ ਪਾਸੇ ਗੋਪਾਲ ਸਿੰਘ ਚਾਵਲਾ ਨੇ ਆਪਣਾ ਪੱਖ ਸਪਸ਼ਟ ਕਰਦਿਆਂ ਕਿਹਾ ਹੈ ਉਹ ਤਾਂ ਆਪਣੀ ਕੌਮ ਦੇ ਹੱਕ ਮੰਗਦੇ ਹਨ ਤੇ ਜੇਕਰ ਆਪਣਾ ਹੱਕ ਮੰਗਣਾ ਅੱਤਵਾਦ ਹੈ ਤਾਂ ਫਿਰ ਉਹ ਅੱਤਵਾਦੀ ਹਨ,ਜਿਵੇਂ ਕਿ ਭਾਰਤ ਸਰਕਾਰ ਅਤੇ ਸਿਰਸਾ ਕਹਿ ਰਹੇ ਹਨ। ਸੋ ਕੁੱਲ ਮਿਲਾਕੇ ਦੋਵੇਂ ਧਿਰਾਂ ਵਲੋਂ ਆਪਣੀ ਸਫਾਈ ਦਿਤੀ ਗਈ ਹੈ ਪਰ ਦੇਖਿਆ ਜਾਵੇ ਤਾਂ ਭਾਰਤ ਵਲੋਂ ਮੀਡੀਏ ਨੇ ਇਸ ਮਸਲੇ ਨੂੰ ਤੂਲ ਦਿੱਤਾ ਗਿਆ ਹੈ। ਤਾਂ ਜੋ ਖਾਲਿਸਤਾਨ ਦੇ ਮਸਲੇ ਨੂੰ ਲੋਕਾਂ ਵਿਚ ਅੱਤਵਾਦ ਦੇ ਰੂਪ ਵਿਚ ਤੇ ਪਾਕਿਸਤਾਨ ਤੇ ਚਾਵਲਾ ਨੂੰ ਅੱਤਵਾਦੀਆਂ ਦੇ ਰੂਪ ਵਿਚ ਪੇਸ਼ ਕੀਤਾ ਜਾ ਸਕੇ। ਪਰ ਦੂਜੇ ਪਾਸੇ ਜੇਕਰ ਅਜਿਹਾ ਹੈ ਤਾਂ ਫਿਰ ਤਾਂ ਸਿਰਸਾ ਜਾਂ ਬਾਕੀਆਂ ਨੂੰ ਪਾਕਿਸਤਾਨ ਜਾਣ ਬਾਰੇ ਵੀ ਸਪਸ਼ਟ ਕਰਨਾ ਚਾਹੀਦਾ ਹੈ ਕਿ ਉਹਨਾਂ ਦੀ ਸੋਚ ਕੀ ਹੈ ? ਜੇਕਰ ਪਾਕਿਸਤਾਨ ਤੇ ਪਾਕਿਸਤਾਨੀ ਅੱਤਵਾਦੀ ਹਨ ਫਿਰ ਇਹ ਪਾਕਿਸਤਾਨ ਕਿਉਂ ਗਏ ਤੇ ਜੇਕਰ ਫੋਟੋ ਵਿਚ ਹੱਥ ਮਿਲਾਉਣ ਨਾਲ ਕੋਈ ਅੱਤਵਾਦੀ ਬਣ ਜਾਂਦਾ ਤਾਂ ਸਿਰਸਾ ਨੂੰ ਸਪਸ਼ਟੀਕਰਨ ਦੀ ਲੋੜ ਕਿਉਂ ਪਈ ? (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV ** Subscribe and Press Bell Icon also to get Notification on Your Phone **