ਤਾਲਿਬਾਨ ਦਾ ਸਿੱਖਾਂ ਲਈ ਸੁਨੇਹਾ | ਤਾਲਿਬਾਨ ਅਜਿਹਾ ਵੀ ਹੋ ਸਕਦਾ !! Surkhab Tv ਅਫਗਾਨਿਸਤਾਨ ਦੇ ਪਕਤੀਆ ਸੂਬੇ ‘ਚ ਸਿੱਖ ਭਾਈਚਾਰੇ ਦੇ ਇੱਕ ਲੀਡਰ ਨੂੰ ਕੁਝ ਅਣਪਛਾਤੇ ਲੋਕਾਂ ਵਲੋਂ ਅਗਵਾ ਕੀਤਾ ਗਿਆ ਹੈ। ਅਗਵਾ ਕੀਤੇ ਗਏ ਸਿੱਖ ਆਗੂ ਦੀ ਪਛਾਣ ਨਿਧਾਨ ਸਿੰਘ ਵਜੋਂ ਹੋਈ ਹੈ। ਉਹ ਸਥਾਨਕ ਗੁਰਦੁਆਰੇ ਦਾ ਇੰਚਾਰਜ ਸੀ। ਉਸ ਨੂੰ 6 ਦਿਨ ਪਹਿਲਾਂ ਅਗਵਾ ਕਰ ਲਿਆ ਗਿਆ ਹੈ। ਹਾਲੇ ਤੱਕ ਉਸਦਾ ਕੁਝ ਪਤਾ ਨਹੀਂ ਲੱਗਾ ਕਿ ਅਗਵਾਕਾਰ ਉਸ ਬਦਲੇ ਚਾਹੁੰਦੇ ਕੀ ਹਨ। ਸਥਾਨਕ ਸਿੱਖ ਦੀ ਰਿਹਾਈ ਲਈ ਸਿਆਸਤਦਾਨਾਂ ਕੋਲ ਪੁੱਜੇ ਹਨ ਪਰ ਹਾਲੇ ਕੋਈ ਵੀ ਸਫਲਤਾ ਹੱਥ ਨਹੀਂ ਲੱਗੀ। ਦੱਸਿਆ ਜਾ ਰਿਹਾ ਕਿ ਅਗਵਾਕਾਰਾਂ ਵਲੋਂ ਖੁਦ ਨੂੰ ਤਾਲਿਬਾਨ ਦੇ ਹਮਾਇਤੀ ਦੱਸਿਆ ਗਿਆ ਹੈ ਪਰ ਓਥੇ ਹੀ ਦੂਜੇ ਪਾਸੇ ਅਗਵਾ ਕੀਤੇ ਨਿਧਾਨ ਸਿੰਘ ਬਾਰੇ ਬਿਆਨ ਜਾਰੀ ਕਰਦਿਆਂ ਤਾਲਿਬਾਨ ਨੇ ਕਿਹਾ ਹੈ ਕਿ ਸਿੱਖ ਆਗੂ ਨੂੰ ਅਗਵਾ ਕਰਨ ਵਿਚ ਤਾਲਿਬਾਨ ਦੀ ਕੋਈ ਸ਼ਮੂਲੀਅਤ ਨਹੀਂ ਹੈ ਅਤੇ ਅਗਵਾ ਕਰਨ ਵਾਲਿਆਂ ਨੂੰ ਤਾਲਿਬਾਨ ਵੱਲੋਂ ਸਜ਼ਾ ਦਿੱਤੀ ਜਾਵੇਗੀ। ਦੱਸ ਦਈਏ ਕਿ ਨਿਧਾਨ ਸਿੰਘ ਨੂੰ 22 ਜੂਨ ਵਾਲੇ ਦਿਨ ਅਗਵਾ ਕਰ ਲਿਆ ਗਿਆ ਸੀ। ਜ਼ਿਕਰਯੋਗ ਹੈ ਕਿ ਭਾਰਤੀ ਮੀਡੀਆ ਵਿਚ ਇਹ ਪ੍ਰਚਾਰਿਆ ਗਿਆ ਸੀ ਕਿ ਨਿਧਾਨ ਸਿੰਘ ਨੂੰ ਅਗਵਾ ਕਰਨ ਪਿੱਛੇ ਤਾਲਿਬਾਨ ਦਾ ਹੱਥ ਹੈ। ਤਾਲਿਬਾਨ ਨੇ ਇਸ ਸਬੰਧੀ ਜਨਤਕ ਬਿਆਨ ਜਾਰੀ ਕਰਕੇ ਇਹਨਾਂ ਖਬਰਾਂ ਦਾ ਖੰਡਨ ਕੀਤਾ ਹੈ। ਦਾ ਹਿੰਦੂ ਅਖਬਾਰ ਨੂੰ ਭੇਜੇ ਇਕ ਸੁਨੇਹੇ ਵਿਚ ਤਾਲਿਬਾਨ ਦੇ ਰਾਜਨੀਤਕ ਦਫਤਰ ਦੇ ਬੁਲਾਰੇ ਸੁਹੇਲ ਸ਼ਾਹੀਨ ਨੇ ਕਿਹਾ ਕਿ ਤਾਲਿਬਾਨ ਦੀ ਨੀਤੀ ਮੁਤਾਬਕ ਕਿਸੇ ਨੂੰ ਵੀ ਅਗਵਾ ਨਹੀਂ ਕੀਤਾ ਜਾਂਦਾ ਅਤੇ ਨਾ ਹੀ ਇਸ ਸਿੱਖ ਆਗੂ ਨੂੰ ਅਗਵਾ ਕੀਤਾ ਗਿਆ ਹੈ। ਉਹਨਾਂ ਕਿਹਾ ਕਿ ਤਾਲਿਬਾਨ ਦਾ ਨਿਸ਼ਾਨਾ ਸਿਰਫ ਅਫਗਾਨਿਸਤਾਨ ਵਿਚੋਂ ਵਿਦੇਸ਼ੀ ਕਬਜ਼ੇ ਨੂੰ ਖਤਮ ਕਰਨਾ ਹੈ। ਇਸ ਗੱਲ 'ਤੇ ਕੋਈ ਸਵਾਲ ਨਹੀਂ ਹੈ, ਕਿ ਜੇ ਸਾਨੂੰ ਇਹ ਅਗਵਾ ਕਰਨ ਵਾਲੇ ਦੋਸ਼ ਮਿਲ ਗਏ ਤਾਂ ਅਸੀਂ ਖੁਦ ਉਹਨਾਂ ਨੂੰ ਆਪਣੀ ਅਦਾਲਤ ਰਾਹੀਂ ਸਜ਼ਾ ਦਵਾਂਗੇ।" ਦੱਸ ਦਈਏ ਕਿ ਜਦੋਂ 25 ਮਾਰਚ ਨੂੰ ਕਾਬੁਲ ਦੇ ਗੁਰਦੁਆਰਾ ਸਾਹਿਬ 'ਤੇ ਹਮਲਾ ਹੋਇਆ ਸੀ ਤਾਂ ਵੀ ਪਹਿਲਾਂ ਇਲਜ਼ਾਮ ਤਾਲਿਬਾਨ 'ਤੇ ਲਾਇਆ ਗਿਆ ਸੀ ਪਰ ਬਾਅਦ ਵਿਚ ਤਾਲਿਬਾਨ ਨੇ ਜਨਤਕ ਐਲਾਨ ਕਰਕੇ ਇਹਨਾਂ ਇਲਜ਼ਾਮਾਂ ਦਾ ਖੰਡਨ ਕੀਤਾ ਸੀ ਅਤੇ ਇਸ ਹਮਲੇ ਪਿੱਛੇ ਆਈਐਸਆਈਐਸ ਦਾ ਹੱਥ ਸਾਹਮਣੇ ਆਇਆ ਸੀ। ਪਿਛਲੇ ਸਮੇਂ ਤੋਂ ਅਜਿਹੀਆਂ ਘਟਨਾਵਾਂ ਲਗਾਤਾਰ ਅਫਗਾਨਿਸਤਾਨ ਵਿਚ ਵਾਪਰ ਰਹੀਆਂ ਹਨ ਜਿਸਦਾ ਕਰਕੇ ਓਥੇ ਵੱਸਦੇ ਸਿੱਖ ਭਿਆਚਾਰੇ ਵਿਚ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ। ਇਥੇ ਇਹ ਵੀ ਸਮਝਿਆ ਜਾ ਰਿਹਾ ਹੈ ਕਿ ਜਦੋਂ ਦਾ ਕਰਤਾਰਪੁਰ ਸਾਹਿਬ ਲਾਂਘਾ ਖੁੱਲ੍ਹਾ ਉਦੋਂ ਤੋਂ ਹੀ ਅਜਿਹੀਆਂ ਕਈ ਘਟਨਾਵਾਂ ਅਫ਼ਗ਼ਾਨਿਸਤਾਨ ਸਣੇ ਬਰਤਾਨੀਆ ਤੇ ਹੋਰ ਦੇਸ਼ਾਂ ਵਿਚ ਵਾਪਰ ਰਹੀਆਂ ਹਨ ਜਿਥੇ ਹਮਲਾਵਰ ਮੁਸਲਮਾਨ ਹੁੰਦੇ ਹਨ ਸਿੱਖ ਹਲਕਿਆਂ ਵਲੋਂ ਇਹ ਜਤਾਇਆ ਜਾ ਰਿਹਾ ਕਿ ਕਰਤਾਰਪੁਰ ਲੰਘੇ ਕਰਕੇ ਸਿੱਖਾਂ ਤੇ ਮੁਸਲਮਾਨਾਂ ਵਿਚਕਾਰ ਵਧੀ ਸਾਂਝ ਨੂੰ ਤੋੜਨ ਲਈ ਇਹ ਘਟਨਾਵਾਂ ਸਾਜਿਸ਼ੀ ਢੰਗ ਨਾਲ ਕਰਵਾਈਆਂ ਜਾ ਰਹੀਆਂ ਹਨ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/KhpC96UIQyXGse9hviiPdb ** Subscribe and Press Bell Icon also to get Notification on Your Phone **