ਲੱਚਰ ਗਾਇਕੀ ਵਿਰੁੱਧ ਬੋਲਣ ਵਾਲੇ ਪੰਡਤਰਾਉ ਨੇ ਉਠਾਈ ਸਿੱਖਾਂ ਦੇ ਹੱਕ 'ਚ ਅਵਾਜ਼ | Pandit Rao Dharennavar ਪਟਿਆਲੇ ਦੀ ਸਨੌਰ ਮੰਡੀ ਚ ਨਿਹੰਗ ਸਿੰਘਾਂ ਤੇ ਪੁਲਿਸ ਦਰਮਿਆਨ ਹੋਈ ਝੜਪ ਮਗਰੋਂ ਜੋ ਕੁਝ ਵਾਪਰਿਆ ਉਸਨੇ ਕਈ ਤਰਾਂ ਦੇ ਸਵਾਲ ਖੜੇ ਕੀਤੇ ਹਨ। ਨਿਹੰਗਾਂ ਵਲੋਂ ਪੁਲਿਸ ਵਾਲੇ ਦਾ ਗੁੱਟ ਵੱਢਣਾ,ਪੁਲਿਸ ਵਲੋਂ ਨਿਹੰਗਾਂ ਦੇ ਡੇਰੇ ਜਾ ਕੇ ਉਹਨਾਂ ਨੂੰ ਗਿਰਫ਼ਤਾਰ ਕਰਨਾ ਤੇ ਇਸਤੋਂ ਬਾਅਦ ਹੁਣ ਅਦਾਲਤੀ ਕਾਰਵਾਈ ਤੇ ਰਿਮਾਂਡਾਂ ਮਗਰੋਂ ਨਿਹੰਗ ਜੇਲ ਭੇਜ ਦਿੱਤੇ ਗਏ ਹਨ। ਪਰ ਇਸ ਮੌਕੇ ਇਹਨਾਂ ਨਿਹੰਗਾਂ ਚੋਂ ਨਿਹੰਗ ਮੁਖੀ ਦੀ ਇਹ ਤਸਵੀਰ ਸੋਸਿਲ ਮੀਡੀਆ ਤੇ ਵਾਇਰਲ ਹੋਈ ਜਿਸ ਵਿਚ ਇਸਦੇ ਸਿਰ ਤੇ ਦੁਮਾਲਾ ਵੀ ਨਹੀਂ ਸਜਿਆ ਹੋਇਆ,ਕੱਪੜੇ ਵੀ ਗੰਦੇ ਹੋਏ ਪਏ। ਕੋਈ ਵੀ ਮੁਜਰਿਮ ਹੋਵੇ,ਪਰ ਕਾਨੂੰਨ ਅਨੁਸਾਰ ਅਦਾਲਤ ਵਿਚ ਪੇਸ਼ ਕਰਨ ਲੱਗੇ ਉਸਨੂੰ ਭਲਾ ਇਸ ਤਰਾਂ ਪੇਸ਼ ਕੀਤਾ ਜਾਂਦਾ ? ਜੱਜ ਸਾਹਮਣੇ ਬੈਠਾ ਹੋਵੇ ਤੇ ਪੇਸ਼ ਕੀਤਾ ਮੁਜਰਿਮ ਇਸ ਹਾਲਤ ਵਿਚ ਹੋਵੇ,ਤਾਂ ਜੱਜ ਸਵਾਲ ਨਾ ਕਰੂ ਕਿ ਮੁਜਰਿਮ ਦਾ ਇਹ ਕੀ ਹਾਲ ਕੀਤਾ ? ਇਸ ਨਿਹੰਗ ਨੂੰ ਪੱਗ/ਦੁਮਾਲੇ ਤੋਂ ਬਗੈਰ ਨੰਗੇ ਸਿਰ ਅਦਾਲਤ ਵਿਚ ਪੇਸ਼ ਕਰਨ ਤੇ ਹੁਣ ਪੰਡਿਤਰਾਓ ਧਰੇਨਵਰ ਨੇ ਘੱਟ ਗਿਣਤੀਆਂ ਕਮਿਸ਼ਨ ਨੂੰ ਚਿੱਠੀ ਲਿਖੀ ਹੈ ਜਿਸ ਵਿਚ ਉਹਨਾਂ ਨੇ ਇਸ ਨਿਹੰਗ ਦੀ ਇਸ ਹਾਲਤ ਤੇ ਇਤਰਾਜ਼ ਕਰਦੇ ਹੋਏ ਇਹਨਾਂ ਨਿਹੰਗਾਂ ਨੂੰ ਹਿਰਾਸਤ ਵਿਚ ਰੱਖਣ ਅਤੇ ਉਨ੍ਹਾਂ ਨੂੰ ਬਾਹਰ ਜਾਂ ਪੇਸ਼ੀ ਤੇ ਲਿਆਉਣ ਸਮੇਂ ਢੁਕਵੇਂ ਪਹਿਰਾਵੇ ਦਾ ਬੰਦੋਬਸਤ ਕਰਨ ਲਈ ਐਸਐਸਪੀ ਪਟਿਆਲਾ ਨੂੰ ਕਹਿਣ ਵਾਸਤੇ ਬੇਨਤੀ ਕੀਤੀ ਹੈ। ਚਿੱਠੀ ਵਿਚ ਪੰਡਿਤਰਾਓ ਧਰੇਨਵਰ ਨੇ ਲਿਖਿਆ ਹੈ ਕਿ ਸਤਿਕਾਰਯੋਗ ਚੇਅਰਪਰਸਨ, ਮੈਂ ਪੰਡਿਤਰਾਓ ਧਰੇਨਵਰ ਸਪੁੱਤਰ ਚੰਦਰਸ਼ੇਕਰ, ਨਿਵਾਸੀ 1006 ਬੀ, ਸੈਕਟਰ -41 ਬੀ, ਚੰਡੀਗੜ੍ਹ ਨਿਮਰਤਾ ਸਹਿਤ ਬੇਨਤੀ ਕਰਨੀ ਚਾਹੁੰਦਾ ਹਾਂ ਕਿ ਪਟਿਆਲ਼ਾ ਵਿਖੇ ਸਿੱਖ ਮੁਲਜ਼ਮਾਂ ਨੂੰ ਹਿਰਾਸਤ ਵਿਚ ਰੱਖਣ ਅਤੇ ਬਾਹਰ ਲਿਆਉਣ ਸਮੇਂ ਉਹਨਾਂ ਲਈ ਢੁਕਵੇਂ ਪਹਿਰਾਵੇ ਦਾ ਬੰਦੋਬਸਤ ਕਰਨ ਲਈ ਐਸਐਸਪੀ ਪਟਿਆਲ਼ਾ ਨੂੰ ਆਖਿਆ ਜਾਵੇ ਕਿਉਂਕਿ ਵਾਇਰਲ ਹੋਈਆਂ ਫੋਟੋਆਂ ਵਿੱਚ ਇਹ ਵੇਖਣ ਵਿੱਚ ਆਇਆ ਹੈ ਕਿ ਸਿੱਖ ਮੁਲਜ਼ਮਾਂ ਨੂੰ ਆਪਣੀ ਪੱਗ ਤੋਂ ਬਗੈਰ ਨੰਗੇ ਸਿਰ (ਫ਼ੋਟੋ ਨਾਲ਼ ਨੱਥੀ) ਲਿਜਾਇਆ ਜਾ ਰਿਹਾ ਹੈ। ਇੱਥੇ ਇਹ ਦੱਸਣਯੋਗ ਹੈ ਕਿ ਮਨੁੱਖੀ ਇਤਿਹਾਸ ਵਿਚ ਪੱਗ ਦੀ ਸਮਾਜਕ ਅਤੇ ਧਾਰਮਕ ਪੱਖੋਂ ਵੱਡੀ ਅਹਿਮੀਅਤ ਹੈ। ਸਿੱਖ ਫ਼ਲਸਫ਼ਾ ਕਹਿੰਦਾ ਹੈ ਕਿ ਤੁਸੀਂ ਦਸਤਾਰ ਨੂੰ ਜ਼ਬਰਨ ਉਤਾਰ ਨਹੀਂ ਸਕਦੇ ਭਾਵੇਂ ਇਹ ਦੁਸ਼ਮਣ ਦੀ ਹੀ ਕਿਉਂ ਨਾ ਹੋਵੇ। ਫੇਰ ਉਹਨਾਂ ਸਿੱਖ ਮੁਲਜ਼ਮਾਂ ਨੂੰ ਪੱਗ ਤੋਂ ਬਗੈਰ ਨੰਗੇ ਸਿਰ ਕਿਉਂ ਲਿਜਾਇਆ ਜਾ ਰਿਹਾ ਹੈ? ਹਾਲਾਂਕਿ, ਪਟਿਆਲ਼ਾ ਵਿਖੇ ਇੰਸਪੈਕਟਰ ਹਰਜੀਤ ਸਿੰਘ ਦਾ ਗੁੱਟ ਵੱਢਕੇ ਜਿਹੜਾ ਸੰਗੀਨ ਜ਼ੁਰਮ ਉਹਨਾਂ ਵੱਲੋਂ ਕੀਤਾ ਗਿਆ ਹੈ ਉਸਦੀ ਬਣਦੀ ਸਜ਼ਾ ਮਾਣਯੋਗ ਅਦਾਲਤ ਨੇ ਤੈਅ ਕਰਨੀ ਹੈ, ਫਿਰ ਵੀ ਉਨ੍ਹਾਂ ਮੁਲਜ਼ਮਾਂ ਨੂੰ ਬਾਹਰ ਲਿਆਉਣ ਸਮੇਂ ਸਿੱਖ ਧਾਰਮਕ ਜਜ਼ਬਾਤਾਂ ਨਾਲ਼ ਜੁੜੇ ਢੁਕਵੇਂ ਰਵਾਇਤੀ ਪਹਿਰਾਵੇ ਦਾ ਖਾਸ ਖਿਆਲ ਰੱਖਣ ਦੀ ਲੋੜ ਹੈ, ਨਹੀਂ ਤਾਂ ਇਹ ਵਰਤਾਰਾ ਘੱਟਗਿਣਤੀ ਭਾਈਚਾਰੇ ਦੇ ਹੱਕਾਂ ਦੀ ਸਪਸ਼ਟ ਉਲੰਘਣਾ ਦਾ ਕਾਰਨ ਬਣ ਸਕਦਾ ਹੈ। ਮੈਂ ਆਪ ਜੀ ਨੂੰ ਬੇਨਤੀ ਕਰਦਾ ਹਾਂ ਕਿ ਐਸਐਸਪੀ, ਪਟਿਆਲਾ ਨੂੰ ਸਿੱਖ ਮੁਲਜ਼ਮਾਂ ਲਈ ਢੁਕਵੇਂ ਪਹਿਰਾਵੇ ਦਾ ਬੰਦੋਬਸਤ ਕਰਨ ਲਈ ਤੁਰੰਤ ਕਿਹਾ ਜਾਵੇ। ਪੰਜਾਬੀ ਮਾਂ ਬੋਲੀ ਅਤੇ ਪੰਜਾਬੀ ਸੱਭਿਆਚਾਰ ਦਾ ਸੇਵਕ...ਪੰਡਿਤਰਾਓ ਧਰੇਨਵਰ ਹੈਰਾਨਗੀ ਹੈ ਕਿ ਮਨੁੱਖੀ ਅਧਿਕਾਰ ਦੇ ਇਸ ਮਾਮਲੇ ਤੇ ਕਿਸੇ ਸਿੱਖ ਲੀਡਰ ਨੇ ਅਜੇ ਤੱਕ ਕੋਈ ਮੂੰਹ ਨਹੀਂ ਖੋਲਿਆ। ਕਿਉਂਕਿ ਜੇਕਰ ਕੋਈ ਮੁਜਰਿਮ ਵੀ ਹੈ ਤਾਂ ਉਹ ਅਦਾਲਤੀ ਫੈਸਲੇ ਤੋਂ ਪਹਿਲਾਂ ਦੋਸ਼ੀ ਨਹੀਂ ਬਣ ਜਾਂਦਾ। ਦੂਜੀ ਗੱਲ ਕਿ ਉਸਦੇ ਵੀ ਮਨੁੱਖੀ ਅਧਿਕਾਰ ਹਨ ਜਿਨਾਂ ਨੂੰ ਪੂਰਾ ਕਰਨਾ ਪ੍ਰਸ਼ਾਸ਼ਨ ਤੇ ਪੁਲਿਸ ਦਾ ਫਰਜ਼ ਹੈ। ਕਿਸੇ ਵੀ ਦੋਸ਼ੀ ਨੂੰ ਇਸ ਤਰਾਂ ਗੰਦੇ ਕਪੜਿਆਂ ਚ,ਨੰਗੇ ਸਿਰ ਅਦਾਲਤ ਵਿਚ ਪੇਸ਼ ਕਰਨਾ ਉਕਤ ਮੁਜਰਿਮ ਦੀ ਵੀ ਬੇਇੱਜਤੀ ਹੈ ਤੇ ਅਦਾਲਤ ਦੀ ਵੀ ਤੌਹੀਨ ਹੈ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/FxITKAyTyeC17VcaJsVidF ** Subscribe and Press Bell Icon also to get Notification on Your Phone **