ਸਿੱਖੀ ਨੂੰ ਸੰਭਾਲੀ ਬੈਠਾ Nepal ਦਾ ਇਹ ਪਿੰਡ | ਇਥੇ ਕੋਈ ਵੀ ਆਪਣੇ ਕੇਸ ਨਹੀਂ ਕੱਟਦਾ ਦੇਸ਼ਾਂ ਵਿਦੇਸ਼ਾਂ ਚ ਸਿੱਖ ਆਪਣਾ ਬਹੁਤ ਵੱਡਾ ਰੁਤਬਾ ਰੱਖਦੇ ਹਨ। ਕੀ ਤੁਸੀਂ ਕਦੀ ਸੋਚਿਆ ਹੈ ਕਿ ਕੋਈ ਅਜਿਹਾ ਪਿੰਡ ਹੋਵੇਗਾ ਜਿੱਥੇ ਲੋਕ ਆਪਣੇ ਕੇਸ ਦਾੜ੍ਹੀ ਮੁੱਛ ਨਹੀਂ ਕਟਾਉਂਦੇ? ਉਹ ਵੀ ਐਸਾ ਪਿੰਡ ਜੋ ਪੰਜਾਬ ਵਿੱਚ ਹੀ ਨਹੀਂ,ਸਗੋਂ ਭਾਰਤ ਤੋਂ ਵੀ ਬਾਹਰ ਹੈ !! ਜੀ ਹਾਂ ! ਅਜਿਹਾ ਪਿੰਡ ਵੀ ਹੈ। ਨੇਪਾਲ ਦੇ ਇੱਕ ਪਿੰਡ ਸਿੱਖਣ ਪੁਰਾ ਚ ਲੋਕ ਆਪਣੀ ਦਾੜ੍ਹੀ ਮੁੱਛ ਨਹੀਂ ਕਟਾਉਂਦੇ। ਅੱਜ ਵੀ ਉਥੋਂ ਦੇ ਲੋਕਾਂ ਨੇ ਉੱਥੇ ਸਿੱਖੀ ਕਾਇਮ ਕਰਕੇ ਰੱਖੀ ਹੋਈ ਹੈ। ਜੇਕਰ ਇਤਿਹਾਸ ਤੇ ਝਾਤ ਮਾਰੀਏ ਤਾਂ ਸ਼ੇਰੇ ਏ ਪੰਜਾਬ ਦੇ ਮਹਾਰਾਜਾ ਰਣਜੀਤ ਸਿੰਘ ਨਾਲ ਇਸ ਪਿੰਡ ਦਾ ਖਾਸ ਸਬੰਧ ਹੈ। ਜਦੋਂ ਅੰਗਰੇਜ਼ਾਂ ਦੇ ਚੁੰਗਲ ਚੋਂ ਨਿੱਕਲ ਕੇ ਮਹਾਰਾਜ ਰਣਜੀਤ ਸਿੰਘ ਦੀ ਧਰਮ ਪਤਨੀ ਮਹਾਰਾਣੀ ਜਿੰਦ ਕੌਰ ਸਿੰਘ ਨੇਪਾਲ ਦੇ ਇਸ ਪਿੰਡ ਚ ਪੁੱਜੀ ਤਾਂ ਨੇਪਾਲ ਦੇ ਮਹਾਰਾਜਾ ਜੰਗ ਬਹਾਦਰ ਨੇ ਉਨ੍ਹਾਂ ਨੂੰ ਇੱਕ ਸ਼ਾਹੀ ਮਹਿਲ ਬਣਾ ਕੇ ਦਿੱਤਾ ਸੀ। ਮਹਾਰਾਣੀ ਦੇ ਨਾਲ ਹੋਰ ਸਿੱਖ ਵੀ ਸਨ। ਅਠਾਰਵੀਂ ਸਦੀ ਤੋਂ ਲੈ ਕੇ ਅੱਜ ਵੀ ਉੱਥੇ ਲੋਕਾਂ ਨੇ ਸਿੱਖੀ ਕਾਇਮ ਕਰਕੇ ਰੱਖੀ ਹੋਈ ਹੈ। ਉੱਥੋਂ ਦੇ ਲੋਕ ਅੱਜ ਵੀ ਗਰੀਬ ਹਨ ਉਹ ਅੱਜ ਵੀ ਕੱਚੇ ਮਕਾਨਾਂ ਚ ਰਹਿ ਰਹੇ ਹਨ ਪਰ ਉਹ ਸਿੱਖੀ ਪੱਖੋਂ ਅਮੀਰ ਹਨ। ਨੇਪਾਲ ਚ ਬਾਕੀ ਧਰਮਾਂ ਵਾਂਗ ਸਿੱਖ ਧਰਮ ਨੂੰ ਵੀ ਉੱਚਾ ਰੁਤਬਾ ਦਿੱਤਾ ਹੋਇਆ ਹੈ। ਉੱਥੋਂ ਦੇ ਲੋਕ ਨੇਪਾਲੀ ਹਿੰਦੀ ਅਤੇ ਪੰਜਾਬੀ ਬੋਲਦੇ ਹਨ। ਮਹਾਰਾਜਾ ਜੰਗ ਬਹਾਦਰ ਨੇ ਉਨ੍ਹਾਂ ਲੋਕਾਂ ਨੂੰ ਜ਼ਮੀਨਾਂ ਮਹੱਈਆ ਕਰਵਾਈਆਂ ਸਨ। ਹੈਰਾਨ ਕਰਨ ਵਾਲੀ ਗੱਲ ਹੈ ਕਿ ਪਿੰਡ ਚ ਕੋਈ ਵੀ ਬੰਦਾ ਆਪਣੀ ਦਾੜ੍ਹੀ ਮੁੱਛ ਨਹੀਂ ਘੱਟਦਾ ਅਤੇ ਨਾ ਹੀ ਕੇਸ ਕਟਾਉਂਦਾ ਹੈ। ਉੱਥੋਂ ਦੇ ਲੋਕ ਸਿਗਰਟ ਬੀੜੀ ਵੀ ਨਹੀਂ ਪੀਂਦੇ। ਇਸ ਤਰ੍ਹਾਂ ਉਥੋਂ ਦੇ ਲੋਕਾਂ ਨੇ ਆਪਣੀ ਸਿੱਖੀ ਦੀ ਵਿਰਾਸਤ ਨੂੰ ਸਾਂਭ ਕੇ ਰੱਖਿਆ ਹੋਇਆ ਹੈ। ਪਰ ਸੋਚਣ ਵਾਲੀ ਗੱਲ ਹੈ ਕਿ ਪੰਜਾਬ ਚ ਪੱਛਮੀ ਸੱਭਿਅਤਾ ਦਾ ਪ੍ਰਭਾਵ ਦੇਖਣ ਨੂੰ ਮਿਲ ਰਿਹਾ ਹੈ ਇੱਥੋਂ ਦੇ ਪੰਜਾਬੀ ਆਪਣੇ ਇਤਿਹਾਸ ਨੂੰ ਭੁੱਲਦੇ ਜਾ ਰਹੇ ਹਨ। ਅਜੋਕਾ ਸਮਾਂ ਫੈਸ਼ਨ ਦਾ ਹੈ ਲੋਕ ਵੱਖ ਵੱਖ ਤਰ੍ਹਾਂ ਦੇ ਫੈਸ਼ਨ ਕਰਦੇ ਹਨ ਅਤੇ ਕੇਸ ਕਤਲ ਕਰਵਾ ਦਿੰਦੇ ਹਨ ਜੋ ਕਿ ਸਾਡੀ ਸਿੱਖ ਮਰਿਆਦਾ ਦੇ ਖਿਲਾਫ ਹੈ। ਸਾਨੂੰ ਲੋੜ ਹੈ ਨੇਪਾਲ ਦੇ ਸਿੱਖਣ ਪੁਰਾ ਪਿੰਡ ਤੋਂ ਸਿੱਖਣ ਦੀ ਕੇ ਕੇਸ ਕਤਲ ਨਹੀਂ ਕਰਵਾਉਣਾ ਚਾਹੀਦਾ ਅਤੇ ਸਿੱਖ ਮਰਿਆਦਾ ਨੂੰ ਕਾਇਮ ਰੱਖਣਾ ਚਾਹੀਦਾ ਹੈ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV Follow On instagram - https://www.instagram.com/surkhabtv/ ** Subscribe and Press Bell Icon also to get Notification on Your Phone **