Gurbani Kirtan ਨੇ ਬਦਲੀ ਗੋਰੇ ਦੀ ਜਿੰਦਗੀ | Surkhab TV ਇਹ ਸੱਚੀ ਗੱਲ ਹੈ ਜੋ ਕਿ ਸਿਆਟਲ ਰਹਿੰਦੇ ਸਰਦਾਰ ਸਤਪਾਲ ਸਿੰਘ ਪੁਰੇਵਾਲ ਨਾਲ ਵਾਪਰੀ ਤੇ ਉਹਨਾਂ ਨੇ ਇਸਨੂੰ ਆਪਣੀ ਫੇਸਬੁੱਕ ID ਤੇ ਸ਼ੇਅਰ ਕੀਤਾ ਹੈ। ਸਰਦਾਰ ਸਤਪਾਲ ਸਿੰਘ ਪੁਰੇਵਾਲ ਅਨੁਸਾਰ "ਵੇਸੈ ਮੈਂ ਇਹ ਗੱਲ ਪਹਿਲਾਂ ਵੀ ਫੇਸਬੁੱਕ ਅਤੇ ਰੇਡਿਓ ਤੇ ਦੱਸ ਚੁੱਕਾ ਹਾਂ ਪਰ ਅੱਜ ਇਸ ਦੀ ਫਿਰ ਲੋੜ ਮਹਿਸੂਸ ਹੋਈ ਹੈ ਤਾਂ ਲਿਖ ਰਿਹਾ ਹਾਂ। ਮੈਂ ਸਿਆਟਲ ਵਿਚ ਕਾਫ਼ੀ ਸਾਲ ਟੈਕਸੀ ਚਲਾਈ ਹੈ। ਇੱਕ ਦਿਨ ਇੱਕ ਗੋਰੇ ਨੂੰ ਹਵਾਈ ਅੱਡੇ ਤੋਂ ਚੁਕਿਆ ਜੋ ਕਿ ਸਿੱਖ ਬਣਿਆ ਹੋਇਆ ਸੀ। ਹੋਟਲ ਦਾ ਰਸਤਾ ਕੋਈ 20-22 ਮਿੰਟ ਦਾ ਸੀ। ਗੱਲਬਾਤ ਚੱਲ ਪਈ ਤੇ ਮੈਂ ਉਸ ਨੂੰ ਪੁਛਿਆ ਕਿ ਤੂੰ ਸਿਖ ਧਰਮ ਵਿਚ ਆਉਣ ਦਾ ਫੈਸਲਾ ਕਿਵੇਂ ਕੀਤਾ ? ਤੈਂਨੂੰ ਕਿਸ ਗੱਲ ਨੇ ਪ੍ਰਭਾਵਤ ਕੀਤਾ ? ਉਸ ਨੇ ਇੱਕ ਸ਼ਬਦ ਵਿਚ ਹੀ ਗੱਲ ਮੁਕਾ ਦਿੱਤੀ ਕਿ “ਕੀਰਤਨ”। ਉਹ ਦੇ ਇਸ ਜਵਾਬ ਤੋਂ ਹੈਰਾਨ ਹੋ ਕੇ ਤਾਂ ਮੈਂ ਅਗਲਾ ਸੁਆਲ ਕਰ ਦਿੱਤਾ ਕਿ ਉਹ ਕਿਵੇਂ ? ਕਹਿੰਦਾ ਕਿ “ ਮੈਂ ਇੱਕ ਵਾਰ ਬਾਜਾਰ ਵਿਚੋਂ ਦੀ ਗੁਜਰ ਰਿਹਾ ਸੀ ਤੇ ਮੇਰੇ ਕੰਨੀ ਇੱਕ ਮਿਊਜਿਕ ਪਿਆ। ਮੈਂ ਬਹੁਤ ਸਾਰੇ ਗਾਣੇ ਸੁਣਦਾ ਹੁੰਦਾ ਸੀ ਪਰ ਅਜਿਹਾ ਸੰਗੀਤ ਮੈਂ ਪਹਿਲੀ ਵਾਰ ਸੁਣਿਆਂ ਜਿਸ ਨੇ ਮੈਂਨੂੰ ਆਪਣੇ ਵੱਲ ਖਿਚਿਆ। ਮੈਂ ਦੁਕਾਨ ਦੇ ਅੰਦਰ ਇਸ ਬਾਰੇ ਪਤਾ ਕਰਨ ਲਈ ਗਿਆ ਕਿ ਇਹ ਕਿਹੜਾ ਮਿਊਜਿਕ ਹੈ ? ਕੌਣ ਗਾ ਰਿਹਾ ਹੈ ? ਤਾਂ ਪਤਾ ਲੱਗਾ ਕਿ ਇਹ ਗੁਰਬਾਣੀ ਕੀਰਤਨ ਹੈ। ਇੱਥੋਂ ਮੇਰੀ ਖੋਜ ਸ਼ੁਰੂ ਹੋਈ। ਮੈਂ ਜਦ ਪੂਰੀ ਡੁੰਘਾਈ ਤੱਕ ਗਿਆ ਤਾਂ ਪਤਾ ਲੱਗਾ ਕਿ ਸੱਚ ਤਾਂ ਇੱਧਰ ਹੈ ਮੈਂ ਕਿੱਥੇ ਭਾਲ ਰਿਹਾ ਹਾਂ !! ਬੱਸ ਫਿਰ ਮੈਂ ਸਿੱਖ ਧਰਮ ਅਪਣਾ ਲਿਆ ”। ਹੈਰਾਨੀ ਦੀ ਗੱਲ ਇਹ ਸੀ ਕਿ ਉਹ ਇੱਕ ਪੜਿਆ ਲਿਖਿਆ ਇਨਸਾਨ ਸੀ ਅਤੇ ਹਸਪਤਾਲਾਂ ਵਿਚ ਵਰਤੀ ਜਾਣ ਵਾਲੀ ਸਾਰੀ ਮਸ਼ੀਨਰੀ ਵੇਚਣ ਵਾਲਾ ਏਜੰਟ ਸੀ। ਕੋਈ ਅਨਪੜ ਗਵਾਰ ਨਹੀਂ ਸੀ। ਹੁਣ ਅੰਦਾਜ਼ਾ ਲਾਓ ਕਿ ਜੇ ਕਿਤੇ ਇਹ ਕੀਰਤਨ ਦੁਨੀਆਂ ਭਰ ਵਿਚ ਜਾਣ ਲੱਗ ਪਵੇ ਤਾਂ ਕਿੰਨੇ ਹੋਰ ਲਾਭ ਹੋਣਗੇ। ਜਦੋਂ ਵਿਦੇਸ਼ਾਂ ਵਿਚ ਲੋਕ ਸਿੱਖਾਂ ਦੇ ਇਸ ਵਿਲੱਖਣ ਵਿਰਸੇ ਤੋਂ ਵਾਕਿਫ਼ ਹੋਣਗੇ ਤਾਂ ਉਨ੍ਹਾਂ ਦਾ ਸਿੱਖਾਂ ਪ੍ਰਤੀ ਨਜ਼ਰੀਆ ਕਿਹੋ ਜਿਹਾ ਹੋਵੇਗਾ। ਦੱਸ ਦਈਏ ਕਿ ਸਰਦਾਰ ਸਤਪਾਲ ਸਿੰਘ ਪੁਰੇਵਾਲ ਨੇ ਇਹ ਪੋਸਟ ਇਹਨਾਂ ਦਿਨਾਂ ਵਿਚ ਸ੍ਰੀ ਦਰਬਾਰ ਸਾਹਿਬ ਤੋਂ ਗੁਰਬਾਣੀ ਕੀਰਤਨ ਦੇ ਹੁੰਦੇ LIVE ਨੂੰ ਇੱਕ ਨਿੱਜੀ ਚੈਨਲ ਵਲੋਂ ਦਿਖਾਏ ਜਾਣ ਤੇ ਹੁਕਮਨਾਮਾ ਸਾਹਿਬ ਨੂੰ ਆਪਣੀ ਨਿੱਜੀ ਜਾਇਦਾਦ ਕਹਿਣ ਦੇ ਮਾਮਲੇ ਬਾਰੇ ਪਾਈ ਹੈ। ਸਰਦਾਰ ਪੁਰੇਵਾਲ ਅਨੁਸਾਰ ਜੇਕਰ ਇਹ ਕੀਰਤਨ ਸਾਰੀ ਦੁਨੀਆ ਤੱਕ ਪਹੁੰਚੇ ਤਾਂ ਗੁਰਬਾਣੀ ਦਾ ਪ੍ਰਚਾਰ ਵੀ ਹੋਵੇਗਾ ਤੇ ਗੁਰੂ ਗਰੰਥ ਸਾਹਿਬ ਜੀ ਦਾ ਮਾਨਵਤਾ ਨੂੰ ਸਰਬ ਸਾਂਝਾ ਸੰਦੇਸ਼ ਪਹੁੰਚਣ ਵਿਚ ਵੀ ਆਸਾਨੀ ਹੋਵੇਗੀ। ਵੈਸੇ ਵੀ ਅੱਜਕਲ ਸਾਡੇ ਕਈ ਵੱਡੇ ਪ੍ਰਚਾਰਕ ਕੀਰਤਨ ਤੇ,ਸਿਮਰਨ ਤੇ ਸਵਾਲ ਕਰਦੇ ਹਨ ਜਾਂ ਬਾਣੀਆਂ ਦੇ ਜਾਪੁ ਤੇ ਕਿੰਤੂ ਕਰਦੇ ਹਨ,ਇਹ ਸੱਚੀ ਘਟਨਾ ਉਹਨਾਂ ਨੂੰ ਜਵਾਬ ਹੈ ਕਿ ਜੇਕਰ ਇੱਕ ਹੋਰ ਧਰਮ ਦਾ ਇਨਸਾਨ ਕੀਰਤਨ ਸੁਣਕੇ ਜੀਵਨ ਵਿਚ ਤਬਦੀਲੀਆਂ ਲਿਆ ਕੇ ਸਿੱਖ ਸਜ ਸਕਦਾ ਤਾਂ ਫਿਰ ਤੁਸੀਂ ਬਾਣੀਆਂ ਤੇ,ਸਿਮਰਨ ਤੇ ਸਵਾਲ ਕਿਵੇਂ ਕਰ ਰਹੇ ? (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Andriod Download With Google Playstore - https://play.google.com/store/....apps/details?id=com. Like Our Facebook Page --- https://www.facebook.com/SurkhabTV/ Follow On instagram - https://www.instagram.com/surkhabtv/ Website - http://surkhabtv.com ਤੁਸੀਂ ਸਾਡਾ Whatsapp ਗਰੁੱਪ ਵੀ Join ਕਰ ਸਕਦੇ ਹੋ - https://chat.whatsapp.com/LKEZ2aLAFgr8KgdVHX2lvO ** Subscribe and Press Bell Icon also to get Notification on Your Phone **