FaceApp -- ਦੇਖੋ ਤੁਹਾਨੂੰ ਬਜ਼ੁਰਗ ਦਿਖਾਉਣ ਵਾਲੀ ਇਸ 'ਐਪ ਦੇ ਖ਼ਤਰੇ' ਕੀ ਹਨ ? #FaceApp #Playstore #AndroidApp ਇੰਟਰਨੈੱਟ ਦੀ ਦੁਨੀਆ ਵਿਚ ਕਦੋਂ ਕਿਹੜਾ ਟ੍ਰੈਂਡ ਚੱਲਣ ਲੱਗੇ, ਕੋਈ ਨਹੀਂ ਜਾਣਦਾ। ਇਹਨੀਂ ਦਿਨੀ ਚਰਚਾ ਵਿਚ ਚਲ ਰਹੀ FaceApp ਜਿਸ ਨਾਲ ਕਿਸੇ ਇਨਸਾਨ ਦਾ ਚਿਹਰਾ ਉਸਦੇ ਆਉਣ ਆਲੇ ਬੁਢਾਪੇ ਵਿਚ ਬਦਲਿਆ ਜਾ ਸਕਦਾ ਹੈ। ਇਹ ਐਪ ਖ਼ਾਸ ਐਲਗੋਰਿਦਮ ਦੀ ਮਦਦ ਨਾਲ ਤੁਹਾਡੀ ਤਸਵੀਰ ਨੂੰ ਕੁਝ ਅਜਿਹਾ ਬਣਾ ਦਿੰਦਾ ਹੈ ਜਿਵੇਂ ਤੁਸੀਂ ਸ਼ਾਇਦ ਕੁਝ ਦਹਾਕੇ ਬਾਅਦ ਦਿਖਾਈ ਦਿਓਗੇ। ਇਸ ਐਪ ਨੂੰ ਲੋਕ ਹੱਥੋ-ਹੱਥੀਂ ਲੈ ਰਹੇ ਹਨ। ਆਮ ਯੂਜ਼ਰਸ ਹੀ ਨਹੀਂ, ਬਲਕਿ ਵੱਡੀਆਂ ਫਿਲਮੀ ਹਸਤੀਆਂ ਅਤੇ ਹੋਰ ਚਰਚਿਤ ਲੋਕ ਵੀ ਇਸ ਐਪ ਦੀ ਮਦਦ ਨਾਲ ਬਣੀ ਬੁਢਾਪੇ ਦੀ ਤਸਵੀਰ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰ ਰਹੇ ਹਨ। ਕੁਝ ਹੀ ਦਿਨਾਂ ਵਿਚ ਇਹ ਐਪ ਸੋਸ਼ਲ ਮੀਡੀਆ ਦੀ ਸਨਸਨੀ ਬਣ ਗਿਆ ਹੈ। ਇਸ ਦੇ ਵਧਦੇ ਟ੍ਰੈਂਡ ਦੇ ਨਾਲ ਹੀ ਇਸ ਦੇ ਖ਼ਤਰੇ ਨੂੰ ਲੈ ਕੇ ਵੀ ਸਵਾਲ ਉੱਠਣੇ ਸ਼ੁਰੂ ਹੋ ਗਏ ਹਨ।ਪਰ ਇਸ ਐਪ ਦੇ ਸਬੰਧ ਵਿਚ ਹੁਣ ਮਾਹਿਰਾਂ ਨੇ ਇੱਕ ਚਿਤਾਵਨੀ ਦਿੱਤੀ ਹੈ ਮਾਹਿਰਾਂ ਅਨੁਸਾਰ ਬੁਢਾਪੇ ਦੀ ਤਸਵੀਰ ਦਿਖਾਉਣ ਵਾਲਾ ਫੇਸਐਪ ਨਿੱਜਤਾ 'ਤੇ ਭਾਰੀ ਪੈ ਸਕਦਾ ਹੈ। ਅਮਰੀਕਾ ਵਿਚ ਸੈਨੇਟਰ ਚਕ ਸ਼ੁਮਰ ਨੇ ਤਾਂ ਇਸ 'ਤੇ ਚਿੰਤਾ ਪ੍ਰਗਟਾਉਂਦੇ ਹੋਏ ਜਾਂਚ ਦੀ ਮੰਗ ਵੀ ਕਰ ਦਿੱਤੀ ਹੈ। ਇਸ ਐਪ ਨੂੰ ਲੈ ਕੇ ਅਮਰੀਕੀ ਸੈਨੇਟਰ ਦੇ ਡਰ ਦੀ ਵਜ੍ਹਾ ਹੈ ਇਸ ਦੀ ਲੋਕੇਸ਼ਨ। ਇਸ ਐਪ ਨੂੰ ਰੂਸ ਵਿਚ ਸੇਂਟ ਪੀਟਰਸਬਰਗ ਸਥਿਤ ਵਾਇਰਲੈੱਸ ਲੈਬ ਕੰਪਨੀ ਨੇ ਵਿਕਸਤ ਕੀਤਾ ਹੈ। ਚਕ ਸ਼ੁਮਰ ਦੇ ਡਰ ਦੀ ਅਸਲੀ ਵਜ੍ਹਾ ਇਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਐਪ ਮੂਲ ਰੂਪ ਨਾਲ ਰੂਸ ਦਾ ਹੈ ਅਤੇ ਕੰਪਨੀ ਕਦੋਂ ਅਮਰੀਕੀ ਨਾਗਰਿਕਾਂ ਦਾ ਡਾਟਾ ਕਿਸੇ ਤੀਜੀ ਧਿਰ ਨੂੰ ਜਾਂ ਵਿਦੇਸ਼ੀ ਸਰਕਾਰਾਂ ਨੂੰ ਮੁਹੱਈਆ ਕਰਵਾ ਦੇਵੇ, ਇਸ 'ਤੇ ਕੁਝ ਨਹੀਂ ਕਿਹਾ ਜਾ ਸਕਦਾ ਹੈ। ਉਨ੍ਹਾਂ ਖ਼ਦਸ਼ਾ ਪ੍ਰਗਟਾਇਆ ਹੈ ਕਿ ਜੇਕਰ ਅਮਰੀਕੀ ਨਾਗਰਿਕਾਂ ਦਾ ਸੰਵੇਦਨਸ਼ੀਲ ਡਾਟਾ ਕਿਸੇ ਅਜਿਹੇ ਦੇਸ਼ ਦੇ ਹੱਥ ਲੱਗ ਗਿਆ, ਜਿਹੜਾ ਪਹਿਲਾਂ ਤੋਂ ਹੀ ਅਮਰੀਕਾ ਖ਼ਿਲਾਫ਼ ਸਾਈਬਰ ਜੰਗ ਵਿਚ ਲੱਗਾ ਹੋਇਆ ਹੈ, ਤਾਂ ਬਹੁਤ ਵੱਡੀ ਮੁਸ਼ਕਲ ਹੋ ਸਕਦੀ ਹੈ। ਏਨਾ ਹੀ ਨਹੀਂ, ਡੈਮੋਕ੍ਰੇਟਿਕ ਨੈਸ਼ਨਲ ਕਮੇਟੀ ਨੇ ਰਾਸ਼ਟਰਪਤੀ ਚੋਣ ਮੁਹਿੰਮ ਨਾਲ ਜੁੜੇ ਸਾਰੇ ਮੈਂਬਰਾਂ ਨੂੰ ਤੱਤਕਾਲ ਇਹ ਐਪ ਆਪਣੇ ਫੋਨ ਤੋਂ ਹਟਾਉਣ ਦਾ ਅਲਰਟ ਜਾਰੀ ਕੀਤਾ ਹੈ। ਜ਼ਿਆਦਾਤਰ ਮਾਹਿਰ ਐਪ ਤੋਂ ਕਿਸੇ ਤਰ੍ਹਾਂ ਦਾ ਖ਼ਤਰਾ ਹੋਣ ਦੀ ਗੱਲ ਨਾਲ ਇਤਫ਼ਾਕ ਨਹੀਂ ਰੱਖਦੇ ਹਨ। ਸੁਰੱਖਿਆ ਨਾਲ ਜੁੜੇ ਸ਼ੋਧ ਵਿਚ ਸਰਗਰਮ ਫਰਾਂਸ ਦੇ ਬਾਪਟਿਸਟ ਰਾਬਰਟ ਨੇ ਕਿਹਾ, 'ਇਹ ਐਪ ਸਿਰਫ਼ ਮੇਰੇ ਸਮਾਰਟਫੋਨ ਦੇ ਮਾਡਲ, ਉਸ ਦੀ ਡਿਵਾਈਸ ਆਈਡੀ ਅਤੇ ਐਂਡ੍ਰਾਇਡ ਵਰਜਨ ਦੇ ਬਾਰੇ ਵਿਚ ਜਾਣਕਾਰੀ ਭੇਜਦਾ ਹੈ। ਕਿਸੇ ਵੀ ਐਪ ਲਈ ਇਹ ਬੇਹੱਦ ਆਮ ਗੱਲ ਹੈ।' ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਨ੍ਹਾਂ ਛੋਟੀਆਂ-ਛੋਟੀਆਂ ਜਾਣਕਾਰੀਆਂ ਤੋਂ ਇਲਾਵਾ ਇਸ ਐਪ ਕੋਲ ਬਸ ਇਕ ਹੀ ਚੀਜ਼ ਵਾਧੂ ਹੈ, ਉਹ ਹੈ ਤੁਹਾਡੀ ਤਸਵੀਰ, ਜਿਸ ਦੀ ਮਦਦ ਨਾਲ ਤੁਸੀਂ ਆਪਣੀ ਬੁਢਾਪੇ ਵਾਲੀ ਸ਼ਕਲ ਬਣਾਉਂਦੇ ਹਨ। ਸੁਰੱਖਿਆ ਦੇ ਸਵਾਲ ਉੱਠਣ ਤੋਂ ਬਾਅਦ ਕੰਪਨੀ ਨੇ ਵੀ ਇਸ ਬਾਰੇ ਵਿਚ ਸਫ਼ਾਈ ਦਿੱਤੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਯੂਜ਼ਰ ਦਾ ਡਾਟਾ ਕਿਸੇ ਵੀ ਤੀਜੀ ਧਿਰ ਨਾਲ ਸ਼ੇਅਰ ਨਹੀਂ ਕੀਤਾ ਜਾਂਦਾ ਹੈ। ਯੂਜ਼ਰ ਦੀ ਤਸਵੀਰ ਨੂੰ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਦੀ ਮਦਦ ਨਾਲ ਉਸ ਦੀ ਬੁਢਾਪੇ ਦੀ ਤਸਵੀਰ ਵਿਚ ਬਦਲ ਦਿੱਤਾ ਜਾਂਦਾ ਹੈ। ਇਸ ਪ੍ਰਕਿਰਿਆ ਵਿਚ ਤਸਵੀਰ ਨੂੰ ਕਲਾਊਡ 'ਤੇ ਸਟੋਰ ਕੀਤਾ ਜਾਂਦਾ ਹੈ ਤਾਂ ਕਿ ਯੂਜ਼ਰ ਨੂੰ ਵਾਰ-ਵਾਰ ਇਸ ਨੂੰ ਅਪਲੋਡ ਨਾ ਕਰਨਾ ਪਵੇ। ਕੰਪਨੀ ਦਾ ਇਹ ਵੀ ਦਾਅਵਾ ਹੈ ਕਿ ਜ਼ਿਆਦਾਤਰ ਤਸਵੀਰਾਂ 48 ਘੰਟਿਆਂ 'ਚ ਹੀ ਡਿਲੀਟ ਕਰ ਦਿੱਤੀਆਂ ਜਾਂਦੀਆਂ ਹਨ। ਸੋ ਕੁੱਲ ਮਿਲਾਕੇ ਇਹ ਤਕਨੀਕ ਕੁਝ ਪੱਖਾਂ ਤੋਂ ਲੋਕਾਂ ਵਿਚ ਮਸ਼ਹੂਰ ਹੋ ਰਹੀ ਹੈ ਤਾਂ ਓਥੇ ਇਸਦੇ ਕੁਝ ਪੱਖ ਇਸਦੇ ਨੁਕਸਾਨਦਾਇਕ ਹੋਣ ਦਾ ਵੀ ਸੰਕੇਤ ਦਿੰਦੇ ਹਨ। (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV ** Subscribe and Press Bell Icon also to get Notification on Your Phone **