#NationalGame #NationalLanguage #RTI India ਦੀ ਰਾਸ਼ਟਰੀ ਭਾਸ਼ਾ Hindi ?? ਰਾਸ਼ਟਰੀ ਖੇਡ Hockey ?? ਕੌਣ ਕਹਿੰਦਾ ?? ਜਿਵੇਂ ਕਿ ਇਸ ਮੁਲਕ ਵਿਚ ਸ਼ੁਰੂ ਤੋਂ ਹੀ ਲੋਕਾਂ ਨੂੰ ਧਰਮ ਦੇ ਨਾਮ ਤੇ ਬੇਵਕੂਫ ਬਣਾਇਆ ਜਾਂਦਾ ਰਿਹਾ ਹੈ। ਓਸੇ ਤਰਾਂ ਬਹੁਤ ਕੁਝ ਅਜਿਹਾ ਹੈ ਜੋ ਲੋਕਾਂ ਨੂੰ ਦੱਸਿਆ ਕੁਝ ਹੋਰ ਗਿਆ ਹੈ ਅਤੇ ਹੈ ਕੁਝ ਹੋਰ ਹੀ। ਜਿਵੇਂ ਸਭ ਨੇ ਨਿੱਕੇ ਹੁੰਦਿਆਂ ਇਹ ਪੜਿਆ ਹੋਣਾ ਕਿ ਹਿੰਦੀ ਬੋਲੀ ਮੁਲਕ ਦੀ ਰਾਸ਼ਟਰੀ ਬੋਲੀ ਹੈ ਅਤੇ ਇਸੇ ਤਰਾਂ ਹਾਕੀ ਨੂੰ ਰਾਸ਼ਟਰੀ ਖੇਡ ਦਾ ਦਰਜ ਦਿੱਤਾ ਹੋਇਆ ਹੈ। ਪਰ ਤੁਹਾਨੂੰ ਜਾਣਕੇ ਹੈਰਾਨੀ ਹੋਵੇਗੀ ਕਿ ਇਹ ਦੋਵੇਂ ਗੱਲਾਂ ਬਿਲਕੁਲ ਕੋਰਾ ਝੂਠ ਹਨ। ਹਿੰਦੀ ਭਾਰਤ ਦੀ ‘ਰਾਸ਼ਟਰੀ ਭਾਸ਼ਾ’ ਨਹੀਂ ਹੈ। ਭਾਰਤ ਵਿੱਚ ਬੋਲੀਆਂ ਜਾਂਦੀਆਂ ਭਾਸ਼ਾਵਾਂ ਵਿੱਚੋਂ ਕਿਸੇ ਨੂੰ ਵੀ ਅਜੇ ਕੌਮੀ ਭਾਸ਼ਾ ਹੋਣ ਦਾ ਮਾਣ ਹਾਸਲ ਨਹੀਂ ਹੋਇਆ ਹੈ। ਇਹ ਖੁਲਾਸਾ ਸੂਚਨਾ ਅਧਿਕਾਰ ਕਨੂੰਨ ਤਹਿਤ ਮੰਗੀ ਜਾਣਕਾਰੀ ਤੋਂ ਹੋਇਆ ਹੈ। ਵਧੇਰੇ ਕਰਕੇ ਸਕੂਲਾਂ ਵਿੱਚ ਇਹੀ ਪੜ੍ਹਾਇਆ ਜਾਂਦਾ ਹੈ ਕਿ ਸਾਡੀ ਕੌਮੀ ਭਾਸ਼ਾ ਹਿੰਦੀ ਹੈ। ਜ਼ਿਲ੍ਹਾ ਫਤਿਹਗੜ੍ਹ ਸਹਿਬ ਦੇ ਵਸਨੀਕ ਗਗਨਦੀਪ ਸਿੰਘ ਵੱਲੋਂ ਸੂਚਨਾ ਅਧਿਕਾਰ ਕਨੂੰਨ ਤਹਿਤ ਮੰਗੀ ਜਾਣਕਾਰੀ ਕੁਝ ਹੋਰ ਹੀ ਬਿਆਨ ਕਰ ਰਹੀ ਹੈ। ਗਗਨਦੀਪ ਵੱਲੋਂ ਗ੍ਰਹਿ ਮੰਤਰਾਲੇ ਭਾਰਤ ਸਰਕਾਰ ਤੋਂ ਮੰਗੀ ਜਾਣਕਾਰੀ, ਸਾਡੀ ਕੌਮੀ ਭਾਸ਼ਾ ਕਿਹੜੀ ਹੈ? ਦਾ ਜਵਾਬ ਬੜਾ ਹੀ ਹੈਰਾਨ ਕਰਨ ਵਾਲਾ ਆਇਆ ਹੈ। ਰਾਜ ਭਾਸ਼ਾ ਵਿਭਾਗ ਦੇ ਸਕੱਤਰ ਰਤੀ ਰਾਮ ਅਤੇ ਗ੍ਰਹਿ ਮੰਤਰਾਲੇ ਦੇ ਕੇਂਦਰੀ ਜਨ ਸੂਚਨਾ ਅਧਿਕਾਰੀ ਨੇ ਜਵਾਬ ਵਿੱਚ ਕਿਹਾ ਹੈ ਕਿ ਸੰਵਿਧਾਨ ਦੇ ਅਨੁਛੇਦ 343 ਮੁਤਾਬਿਕ ਹਿੰਦੀ ਸੰਘ ਦੀ ਰਾਜ ਭਾਸ਼ਾ ਹੈ ਨਾ ਕਿ ਕੌਮੀ ਭਾਸ਼ਾ। ਉਨ੍ਹਾਂ ਕਿਹਾ ਕਿ ਭਾਰਤ ਦੇ ਸੰਵਿਧਾਨ ਵਿੱਚ ਕੌਮੀ ਭਾਸ਼ਾ ਦਾ ਕਿਧਰੇ ਵੀ ਜਿਕਰ ਨਹੀਂ ਹੈ। ਦੂਜੇ ਪਾਸੇ ਭਾਰਤ ਨੂੰ ਓਲੰਪਿਕ ਵਿਚ 8 ਸੋਨ ਤਗਮੇ ਦਵਾਉਣ ਵਾਲੀ ਹਾਕੀ ਭਾਰਤ ਦੀ ਰਾਸ਼ਟਰੀ ਖੇਡ ਨਹੀਂ ਹੈ। ਇਸ ਬਾਰੇ ਵਿਚ ਮੰਗੀ ਜਾਣਕਾਰੀ ਵਿਚ ਭਾਰਤ ਦੇ ਰਾਸ਼ਟਰੀ ਖੇਡ ਵਿਭਾਗ ਨੇ ਜਵਾਬ ਦਿੱਤਾ ਹੈ ਕਿ ਕਿਸੇ ਵੀ ਖੇਡ ਨੂੰ ਭਾਰਤ ਦੀ ਰਾਸ਼ਟਰੀ ਖੇਡ ਦਾ ਕੋਈ ਦਰਜਾ ਨਹੀਂ ਦਿੱਤਾ ਗਿਆ। ਹਾਲਾਂਕਿ ਭਾਰਤ ਸਰਕਾਰ ਦੇ ਵੈਬ ਪੋਰਟਲ www.india.gov.in ਵਿਚ ਹਾਕੀ ਦਾ ਜਿਕਰ ਜਰੂਰ ਹੈ ਪਰ ਰਾਸ਼ਟਰੀ ਖੇਡ ਵਜੋਂ ਨਹੀਂ ਸਿਰਫ ਹਾਕੀ ਵਿਚ ਭਾਰਤ ਨੇ ਜੋ ਉਪਲਬਧੀਆਂ ਪ੍ਰਾਪਤੀਆਂ ਕੀਤੀਆਂ ਹਨ ਉਹਨਾਂ ਦਾ ਹੀ ਜ਼ਿਕਰ ਹੈ। ਸੋ ਅੱਗੇ ਤੋਂ ਤੁਹਾਨੂੰ ਕੋਈ ਕਹੇ ਕਿ ਹਿੰਦੀ ਰਾਸ਼ਟਰੀ ਬੋਲੀ ਹੈ ਜਾਂ ਹਾਕੀ ਰਾਸ਼ਟਰੀ ਖੇਡ ਹੈ ਤਾਂ ਉਸਨੂੰ ਜਵਾਬ ਦਿਓ ਕਿ ਸਬੂਤ ਦਿਖਾ... (ਤਾਜ਼ੀਆਂ ਪੰਜਾਬੀ ਖਬਰਾਂ,ਸਿੱਖ ਇਤਿਹਾਸ,ਦਿਲਚਸਪ ਜਾਣਕਾਰੀ ਅਤੇ ਹੋਰ ਵੀਡੀਓ ਦੇਖਣ ਲਈ ਸਾਡਾ Youtube Channel Subscribe ਕਰੋ ਜੀ ਅਤੇ ਨਾਲ Bell ਦਾ ਨਿਸ਼ਾਨ ਵੀ ਦਬਾਓ) Subscribe Our Youtube Channel for Daily Updates and New Videos. Like Our Facebook Page --- www.facebook.com/SurkhabTV ** Subscribe and Press Bell Icon also to get Notification on Your Phone **